logo

мулоқотҳо

Аксел Шиммелпфенниг: «Мо сохтмони нерӯгоҳи Роғунро дастгирӣ менамоем»

12 феврал Президенти Ҷумҳурии Тоҷикистон Эмомалӣ Раҳмон роҳбари ҳайати Хазинаи байналмилалии асъор доир ба Тоҷикистон Аксел Шиммелпфеннигро ба ҳузур пазируфт.
Дар мулоқот масоили ҳамкории Тоҷикистон бо ин муассисаи бонуфузи молиявии ҷаҳонӣ баррасӣ шуданд.

Таваҷҷӯҳи асосӣ ба натиҷаҳои татбиқи барномаи ҳамкории Тоҷикистону Хазинаи байналмилалии асъор дар соли 2009 ва дурнамои иҷрои он дар соли равон зоҳир гардид.
Ба иттилои Аксел Шиммелпфенниг, мутобиқи барнома Хазинаи байналмилалии асъор ба Тоҷикистон илова бар 40 миллион доллари амрикоӣ, ки соли 2009 ҷудо шуда буд, боз 40 миллион доллари дигар барои дастгирии тадбирҳои зиддибӯҳронӣ бояд ҷудо намояд.
Гуфтугӯйи судманд оид ба нишондодҳои рушди иҷтимоию иқтисодӣ, татбиқи сиёсати пулию қарзӣ, муносибот бо кишварҳо ва созмонҳои байналмилалии мададрасон  ва татбиқи барномаҳои энергетикии Тоҷикистон сурат гирифт.
Аксел Шиммелпфенниг ба самарабахшии тадбирҳои зиддибӯҳронии Ҳукумати Ҷумҳурии Тоҷикистон баҳои баланд дода, аз ҷумла изҳор намуд, ки ба ҳадди 3,4% таъмин намудани афзоиши ҳаҷми маҷмӯи маҳсулоти дохилӣ дар соли 2009 нишондоди хуб аст, зеро бисёр кишварҳои ҷаҳон соли гузаштаро бо нишондодҳои пастравии зиёд, ҳатто то 10-15% ҷамъбаст намуданд.
Роҳбари ҳайати Хазинаи байналмилалии асъор дурнамои рушди иҷтимоию иқтисодии Тоҷикистонро умедбахш арзёбӣ намуд. Ба гуфти ӯ, Тоҷикистон дар соли 2010 метавонад афзоиши ҳаҷми истеҳсолотро то ба 5% расонад ва ин дар ҳолест, ки болоравии иқтисоди ҷаҳонӣ дар ҳаҷми 3,9% пешбинӣ шудааст.
Аксел Шиммелпфенниг ҳуқуқи Тоҷикистонро доир ба сохтмони нерӯгоҳҳои обӣ эътироф намуда, аз ҷумла  изҳор дошт: «Ба андешаи мо Тоҷикистон, албатта, бояд норасоии нерӯи барқро тавассути бунёди иқтидорҳои иловагии истеҳсолӣ бартараф созад» ва дар робита ба бунёди нерӯгоҳи Роғун таъкид намуд: «Мо сохтмони нерӯгоҳи Роғунро дастгирӣ менамоем, танҳо механизми маблағгузории он, аз ҷумла сарфи маблағҳои аз фурӯши саҳмияҳо ҷамъшуда, бояд шаффоф бошад ва ҳамчунин нишондиҳандаҳои рушди макроиқтисодии кишвар ва ҳалли масъалаҳои иҷтимоӣ ба эътибор гирифта шаванд».
Ҳар ду ҷониб омодагии устувори худро баҳри таҳким ва густариши ҳамкориҳои судбахш таъкид намуданд.

www.president.tj
* * *
-Хазинаи байналмилалии асъор ҷиҳати дастгирии Барномаи иқтисодии Тоҷикистон  дар соли равон 40 миллион доллар ҷудо менамояд, -гуфт Аксел Шиммелпфенниг, роҳбари ҳайати Хазинаи байналмилалии асъор доир ба Тоҷикистон, пас аз мулоқот бо Эмомалӣ Раҳмон, Президенти Ҷумҳурии Тоҷикистон, ба намояндагони воситаҳои ахбори омма.
-Мо бо  намояндагони Ҳукумат ва Бонки миллӣ натиҷаҳои татбиқи Барномаи  иқтисодии Тоҷикистонро дар соли 2009 ва дурнамои онро   барои соли 2010 баррасӣ намудем.  Дар ин  хусус   ба роҳбарият ва Шӯрои иҷроияи Хазинаи байналмилалии  асъор гузориши муфассал пешниҳод хоҳем кард.
Ба гуфти роҳбари Хазинаи байналмилалии асъор  соли 2009 барои Тоҷикистон соли хеле душвор буд. Дар ин давра интиқоли маблағҳо аз ҷониби муҳоҷирони корӣ 31 дар сад коҳиш ёфта, содироти молу маҳсулот ба андозаи 5,5 фоиз поин рафт.- Бо вуҷуди ин, -гуфт Аксел Шиммелпфенниг, - иқтисодиёти кишвар рӯ ба рушд ниҳода,  ҳаҷми маҷмӯи маҳсулоти дохилӣ 3,4 фоиз афзоиш ёфт, дар ҳоле ки бисёр кишварҳо соли рафтаро бо пастравии истеҳсолот (10-15 фоиз) ҷамъбаст намуданд. Ин муваффақият дар натиҷаи дуруст ба роҳ мондани сиёсати иқтисодӣ ва татбиқи саривақтиву самарабахши Барномаи зиддибӯҳронии Ҳукумати Ҷумҳурии Тоҷикистон ба даст омад. Мувофиқи хулосаҳои Хазинаи байналмилалии асъор дар соли 2010 афзоиши ҳаҷми истеҳсолот дар Тоҷикистон 5 фоиз пешбинӣ шудааст, ки ба ин зиёд шудани интиқоли маблағҳо аз тарафи муҳоҷирони корӣ, ҳамчунин боло рафтани нархи алюминий ва пахта дар бозори содиротӣ мусоидат хоҳад кард. Гузашта аз ин, тибқи пешгӯии коршиносон   ҳаҷми маҳсулоти содиротии Тоҷикистон дар соли равон 7 дар сад афзоиш хоҳад ёфт.
Аксел Шиммелпфенниг иброз дошт, ки Тоҷикистон имкониятҳои фаровони ғанӣ гардонидани буҷети давлатиро дорад. Ба ин мақсад дар кишвар бояд дар баробари алюминий ва пахта ба парвариш ва  истеҳсоли маҳсулоти  кишоварзӣ,  махсусан меваю сабзавоти аълосифати содиротӣ, таваҷҷӯҳи махсус зоҳир гардад. Дар ин робита роҳбарияти ХБА ва шӯрои иҷроияи он ҷиҳати дастгирии Барномаи зиддибӯҳронии Ҳукумат ва рушди устувори иқтисодиёти Тоҷикистон мусоидат хоҳад кард.

Додоҷон Рӯзиев, «Ҷумҳурият»


Баёни ақида (0)    Санаи нашр:    №:    Мутолиа карданд: 619

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард


Дар сомонаҳои дигари Тоҷикистон хонед