logo

иҷтимоиёт

РӮШОН. РОҲ БА САРЕЗ

Сардори муассисаи давлатии идораи хоҷагии роҳҳои автомобилгарди Вилояти Мухтори Кӯҳистони Бадахшон Гулаёз Рамазонов бо ифтихор  гуфт, ки  тавассути дастгириҳои  пайвастаи Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар даврони  соҳибистиқлолии кишвар  на танҳо дар шаҳри Хоруғ, балки дар ноҳияҳо ва  водиҳои баландкӯҳи Вахё, Ванҷи Боло, Язгулом, Бартанг, Ғунд, Шоҳдара, Ғорону Вахон ва Помири шарқӣ  корҳои зиёди ободонӣ, бунёдкорӣ ва созандагӣ вусъат гирифтанд. Дар  Бадахшон, ин сарзамини зебо ва пурасрор, садҳо километр роҳу даҳҳо пулҳои нақлиётиву пиёдагузар  сохта  шуданд.  Шоҳроҳи байналхалқии автомобилгарди Душанбе – Кӯлоб – Дарвоз – Хоруғ- Мурғоб – Қулма - ин бунёдкории азими асри навин мамлакатро аз бунбасти коммуникатсионӣ раҳоӣ  бахшид.  Ҳамзамон, то Ҷашни 30-солагии Истиқлолияти давлатии  Ҷумҳурии Тоҷикистон боз садҳо километр роҳ ва 18  пули нақлиётӣ  дар деҳоти водиҳои дурдаст ва баландкӯҳ  сохта мешаванд.

Яке аз минтақаҳои дурдаст ва баландкӯҳ Бартанг ба ҳисоб меравад.  Тайи қариб ҳаштод сол роҳи мошингузар танҳо то деҳоти Бартанг ва Басид мерасид.  Мардуми  деҳаҳои Рошорв, Савноб,  Нисур, Рухч, Барчидид, Пасору Ғӯдара то домони кӯли овозадори  Сарез маҷбур буданд, ки бо азобе нақлиёт пайдо карда, тариқи роҳи дуру дарози Рӯшон-Хоруғ-Мурғоб, ки фосилааш аз панҷсад километр зиёдтар аст,  ба макони истиқоматиашон рафта бирасанд.
- Боиси сарфарозии сокинони вилоят аст, ки - гуфт дар суҳбат раиси ноҳияи Рӯшон Фаррух Додихудоев,- дар  сафарҳои кории худ ба Бадахшон, Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба водиҳои баландкӯҳу дурдасти Вахё, Ванҷи Боло, Язгулом, Ғунд, Аличуру Булункӯл, Ғорон ва Вахону Бартанг ташриф оварданд. Роҳбари давлат   баҳри аз миён бардоштани мушкилоти  деҳнишинон ободии минтақаҳои  баландкӯҳ ба роҳбарони вазорату идораҳои ҷумҳуриявӣ, мақомоти иҷроияи  маҳаллии ҳокимияти давлатии вилоят ва шаҳру ноҳияҳо дастуру супоришҳои мушаххас  доданд. Дар асоси  чунин ҳидоятҳои  Президенти мамлакат   даҳ  сол муқаддам қарори  раиси Вилояти Мухтори Кӯҳистони Бадахшон дар бораи рушди иқтисодӣ ва иҷтимоии водии Бартанг қабул гардид. Яке аз талаботи қарор бунёди роҳи нақлиётӣ аз деҳаи Басид то маркази  Ҷамоати деҳоти Савноб буд. Бо ин мақсад, Ҳукумати  Ҷумҳурии Тоҷикистон маблағ ҷудо намуд, азнавсозӣ ва   таҷдиди роҳи қариб 150 километраи Вомар -  Савноб - Ғӯдара  ва  чор пули мошингузар аз болои дарёи Бартанг ва дигар рӯдҳо  ба ҷо оварда шуд. Бо дархости мақомоти иҷроияи маҳаллии ҳокимияти давлатии ноҳияи Рӯшон Вазорати нақлиёти  ҷумҳурӣ ин роҳи баландкӯҳро ба ҳисоби роҳҳои ҷумҳуриявӣ ворид намуд. Ҳамчунин, ду сол  муқаддам  муассисаи давлатии нигаҳдории роҳҳои  автомобилгарди Бартанг низ ба фаъолият пардохт, ки  дар ҳаёти сокинони водии саросар кӯҳсор воқеаи  хурсандибахш гардид.
Дар даврони истиқлолият бо дастури Пешвои муаззами  миллат роҳи нави мошингарди Ҳиҷез - Равмед бунёд гашт, акнун нақлиёт тамоми чор фасли сол аз ин роҳ ҳаракат мекунад.  Мутаассифона, ҳоло аз деҳаи  Барчидид то кӯли Сарез дар масофаи 22 километр танҳо роҳи пиёдагузар аст.
Пешвои миллат дар яке аз сафарҳои кориашон ба ноҳияи Рӯшон зимни  суханронӣ миёни мардуми Рӯшон, дар қасри навбунёди  фарҳанг гуфтанд, ки сохтмони  роҳи  қитъаи Барчидид - Сарез дар оянда оғоз мегардад ва водии Бартанг ба макони сайру сайёҳӣ табдил меёбад. Бо дастуру супоришҳои Сарвари давлат аз ҷониби Вазорати нақлиёт лоиҳаи сохтмони  роҳи мошингард аз мавзеи  Барчидид то кӯли Сарез таҳия гардид ва    маблағи зарурӣ низ ҷудо шуд. Бунёди роҳ ба  соҳилҳои кӯли овозадори Сарез оғоз ёфт. Роҳсозон тасмим гирифтаанд, ки ин қитъаи роҳро то Ҷашни 30 - солагии Истиқлолияти давлатии Ҷумҳурии Тоҷикистон мавриди истифода қарор диҳанд,- бо ифтихор  изҳор намуд раиси ноҳияи Рӯшон Фаррух Додихудоев.
- Сокинони деҳоти Сипонҷ, Басид ва Савноби водии Бартанг аз он   изҳори сипос менамоянд, ки Пешвои миллат дар ҳамаи  сафарҳои  корӣ ба ноҳияи Рӯшон, пеш аз ҳама, ба вазъи зиндагии  мардуми ин водии баландкӯҳ мароқи зиёд зоҳир менамоянд. Бо дастуру супоришҳои Роҳбари давлат аз деҳаи Басид то рустои Ғӯдара роҳи мошин  ва пулҳо таъмир, неругоҳҳои хурди барқи обӣ, коргоҳҳои истеҳсолӣ ва нуқтаҳои хизматрасонӣ сохта шуданд. Дигаргуниҳои зиёд  ба деҳоти соҳилҳои рӯди Бартанг ҳусну таровати  нав бахшиданд, - гуфт дар анҷоми суҳбат раиси ноҳияи Рӯшон Фаррух Додихудоев.                                    
 
Муҳаммадзоиршо ШАРИФЗОДА, «Ҷумҳурият»,
Сироншоҳи  ДИЛОВАР, рӯзноманигор


Баёни ақида (0)    Санаи нашр: 11.02.2020    №: 31    Мутолиа карданд: 152
05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД

27 МЕДАЛИ ТИЛЛО ДАР ШАШ МОҲ

100 ДАРСАДИ САҲМИЯҲОИ ҶСК «АЗОТ» БА ФУРЎШ ГУЗОШТА МЕШАВАД

44 МИЛЛИОН СОМОНӢ ЗАРАРИ МОЛИЯВӢ БАРҚАРОР ШУД

ВАЗОРАТИ САНОАТ ВА ТЕХНОЛОГИЯҲОИ НАВ. ҲАҶМИ ИСТЕҲСОЛ ДАР ДАВРАИ ПАНДЕМИЯ НИЗ ЗИЁД ГАРДИД


Дар сомонаҳои дигари Тоҷикистон хонед