logo

иқтисод

СУҒД. МАҶМӮИ МАҲСУЛОТИ МИНТАҚАВӢ АФЗУД

Раиси вилояти Суғд Раҷаббой Аҳмадзода дар ҷараёни суханронӣ дар нишасти хабарӣ оид ба натоиҷи  фаъолияти хоҷагии халқи вилоят дар соли 2019 иттилоъ дода, таъкид намуд, ки маҳз бо иқдоми соҳибкорони маҳаллӣ дар вилоят раванди корҳои созандагию ободонӣ вусъати тоза пайдо кард.
Саҳми назарраси бахши хусусӣ мусоидат намуд, ки маҷмӯи маҳсулоти минтақавӣ дар вилояти Суғд дар қиёс ба ду соли охир наздики ду баробар афзояд. Тайи як сол 102 корхонаи истеҳсолии рӯ ба содирот мавриди баҳрабардорӣ қарор гирифта, шароит фароҳам омад, ки  аз ин ҳисоб 1 ҳазору 455 ҷойи нави корӣ таъсис дода шавад. Ҷиҳати истиқболи сазовори Ҷашни 30-солагии Истиқлолияти давлатии Тоҷикистон соҳибкорони ватанӣ тасмим гирифтанд, ки соли равон боз 130 корхонаи нави истеҳсолии маҳсулоти содиротӣ ва воридотивазкунандаро ба истифода диҳанд.
Ҳаҷми гардиши савдои хориҷӣ бо мамолики  узви Иттиҳоди Давлатҳои Мустақил 3,4 дарсад ва ё 52,8 миллион доллар зиёд шуд. Моли саноатӣ ва маҳсулоти кишоварзии вилояти Суғд, асосан, ба Қазоқистон, Ӯзбекистон, Чин, Россия, Литва, Қирғизистон, Туркия, Кореяи Ҷанубӣ, ва Украина содирот шудааст.
Вилоят дар амалисозии ҳадафи чоруми миллӣ – саноатикунонии босуръат низ қадамҳои ҷиддӣ мегузорад.  Соли гузашта корхонаҳои саноатии вилоят якҷо бо бахши хусусӣ ба маблағи 12 миллиарду 888,8 миллион сомонӣ маҳсулот истеҳсол карданд. Суръати афзоиш нисбат ба соли пешин 12,9 дарсадро ташкил медиҳад. Дар шаҳрҳои саноатии Хуҷанд, Гулистон, Бӯстон дар заминаи хатҳои нави технологии инноватсионӣ  корхонаҳои замонавие мавриди баҳрабардорӣ қарор гирифтанд, ки маҳсулоти онҳо дар бозорҳои дохилӣ ва хориҷӣ талабгори зиёд доранд. Ҷиҳати идомаи раванди саноатикунонии босуръат соли равон дар ноҳияи Бобоҷон Ғафуров сохтмони калонтарин корхонаи саноатии тавлиди маҳсулоти кимиёӣ - намудҳои хокаи либосшӯӣ, собуни ҳарранга ва корхонаи азими истеҳсоли маҳсулоти нониву макаронӣ бо анборҳои ғунҷоишашон 50 ҳазор тонна гандум  оғоз ёфт. Ин корхонаҳо дар арафаи Ҷашни 30-солагии Истиқлолияти давлатии Тоҷикистон мавриди баҳрабардорӣ қарор мегиранд. Интизор меравад, ки то ин ҷашни бузург дар ҳудуди вилоят бо иқдоми соҳибкорони ватанӣ сохтмони корхонаҳои истеҳсоли техникаҳои рӯзгор (мошинҳои ҷомашӯйӣ, телевизору яхдон) низ ба роҳ монда шавад.
Татбиқи лоиҳаҳои аз худ кардани 30 ҳазор гектар заминҳои бекорхобидаи дашти ноҳияи Ашт ва 15 ҳазор гектар дашти ноҳияи Деваштич оғоз ёфт.  Дар ояндаи наздик  дар ин ҷо боғҳои нави интенсивӣ доман паҳн карда, корхонаҳои муосири коркарди маҳсулоти кишоварзӣ бунёд меёбанд. Дар минтақаи Ғозиёни ноҳияи Бобоҷон Ғафуров давоми ду - се сол 20 фабрикаи хурду миёнаи парандапарварӣ, дар ноҳияи Ашт дар масоҳати 46 гектар ҳавзи моҳипарварӣ ва корхонаи истеҳсоли консерви моҳӣ сохта мешавад.
Хабарнигорони нашрияҳои маҳалливу вилоятӣ, ҷумҳуриявӣ, телевизиону радио ва намояндагони агентиҳои иттилоотӣ ба пурсишҳо оид ба бемории короновирус, аз фаъолият бозмондани корхонаҳои нави истеҳсолӣ, беҳбуд бахшидани фаъолияти кохҳои нави фарҳанги шаҳру навоҳии вилоят, амалишавии имтиёзҳо барои соҳибкорон, рушди соҳаи сайёҳӣ ва масъалаҳои дигар аз раиси вилояти Суғд посухҳои мушаххас гирифтанд.

Ҷовиди АШТӢ, «Ҷумҳурият»


Баёни ақида (0)    Санаи нашр: 13.02.2020    №: 33    Мутолиа карданд: 122

24.02.2020


БОКС. РАҚОБАТИ АНВАР ЮНУСОВ БАРОИ КАМАРБАНДИ WBA–NABA

МЕРКЕЛ ВА МАКРОН БА ПУТИН ХАБАР ДОДАНД, КИ БА ВОХӮРИИ ЯКҶОЯ БО ЭРДУҒОН ТАЙЁРАНД

ЧИН БА САММИТИ G20 ДАР АРАБИСТОНИ САУДӢ НАМЕРАВАД

ДАР БЕРЛИН ДУЗДОНИ ТАНГАИ ТИЛЛОИИ 100 - КИЛОИРО СУД НАМУДАНД

ҶАҲОН ДАР ЯК САТР

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД


Дар сомонаҳои дигари Тоҷикистон хонед