logo

иҷтимоиёт

ТОЛЕИ БАЛАНД. БАРДОШТ АЗ РӮЗГОРИ ҶАВОНОНИ ЗАМОНИ ИСТИҚЛОЛ

Ҷавонон ҳамчун қишри муҳими ҷомеа, зери таваҷҷуҳи хосаи Пешвои муаззами миллат муҳтарам Эмомалӣ Раҳмон қарор доранд. Сарвари давлат новобаста аз вазъи душвори сиёсиву иқтисодӣ аз солҳои нахустини Истиқлолияти давлатӣ ҳамеша дар андешаи ояндаи дурахшони ҷавонони мамлакат буданд. 17-уми марти соли 1994 дар доираи Анҷумани якуми ҷавонони Тоҷикистон мулоқоти аввалини Президенти кишвар бо намояндагони  ҷавонони кишвар баргузор гардид ва ҷавонон аз ин мулоқот неруву тавони тоза гирифта, барои ҳифзи Истиқлолияти давлатӣ ва сохти конститутсионӣ камари ҳиммат бастанд. Маҳз, аз ҳамин давра сар карда, ҳаракатҳои нахустини ҷамъиятӣ, маҳфилҳо ва гурӯҳҳои худфаъоли ҷавонон таъсис ва ташаккул ёфтанд.
Мулоқоти дигари муҳтарам Эмомалӣ Раҳмон, ки 23-юми майи соли 1997 баргузор шуд,  дар ҳаёти ҷавонон саҳифаи тоза боз намуд. Дар ин вохӯрӣ Сарвари давлат аз таъсис ёфтани сохтори давлатии кор бо ҷавонон – Кумитаи кор бо ҷавонон мужда расонданд. Новобаста аз вазъи сиёсӣ Иттифоқи ҷавонони Тоҷикистон он солҳо тавонист, ки бо ҳидояти Президенти кишвар ва баргузории  чорабиниҳои баланди сиёсиву фарҳангӣ ҷавононро сарҷамъу  муттаҳид созад. Бо ибтикори Иттифоқи ҷавонони Тоҷикистон ва Кумитаи навтаъсиси кор бо ҷавонони назди Ҳукумати Ҷумҳурии Тоҷикистон соли 1997 таҳти унвони “Бароят сулҳ мехоҳам, Тоҷикистон”, бо иштироки зиёда аз 300 нафар ҷавон аз шаҳру навоҳии ҷумҳурӣ дар вилояти Суғд Фестивали ҷавонони Тоҷикистон доир гардид. Ин иқдоми муҳим идома ёфта, соли 2000-ум дар Вилояти Мухтори Кӯҳистони Бадахшон ҷавонон аз ҳар гӯшаи  кишвар ҷамъ омада, Фестивали “Баҳри сулҳ ва дӯстии ҷавонони Тоҷикистон”- ро баргузор намуданд.
Бояд гуфт, ки дар тамоми раванди давлатсозии миллӣ Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба насли ҷавони кишвар такя намуда, онҳоро, ҳамзамон, ба иштироки фаъолона дар ҳаёти сиёсӣ, иқтисодӣ ва фарҳангии мамлакат ва бад-ин васила саҳм гузоштан дар ҷараёни давлатсозии навини Тоҷикистони соҳибистиқлол раҳнамун месохтанд. Насли ҷавон дар симои Сарвари давлат ва Ҳукумати ҷумҳурӣ пуштибони воқеӣ ва парастори бевоситаи худро, аллакай, аз ҳамон давраҳои пурталотум дарёфта буд. 
Боиси фараҳмандист, ки  баъди аз вазъияти мудҳиш баромадани кишвар ва ба даст овардани истиқлолияти комили сиёсӣ Президенти ҷумҳурӣ доимо ба ҷавонон таваҷҷуҳ карда, дар ин самт тадбирҳои гуногуне амалӣ намуданд, ки ҳар яке боиси беҳбудии ҳаёту фаъолияти ҷавонон  гаштааст.  Қабули санадҳои муҳими давлатӣ, аз қабили Қонуни Ҷумҳурии Тоҷикистон “Дар бораи сиёсати давлатии ҷавонон”, Фармони Президенти Ҷумҳурии Тоҷикистон аз 23 майи соли 1997 “Дар бораи тадбирҳои беҳтар намудани кор бо ҷавонон” ва дар ин замина қабул гардидани Барномаи миллии “Ҷавонони Тоҷикистон” барои солҳои 1999 - 2000, Барномаи давлатии тарбияи ватанпарастии ҷавонони Тоҷикистон, Барномаи рушди саломатии ҷавонон дар Ҷумҳурии Тоҷикистон,  Консепсияи миллии сиёсати давлатии ҷавонон дар Ҷумҳурии Тоҷикистон, “Стратегияи сиёсати давлатии ҷавонон то соли 2020, эълон гардидани Рӯзи ҷавонони Тоҷикистон, таъсис додани Ҷоизаи ба номи Исмоили Сомонӣ барои олимони ҷавон, Стипендияи президентӣ, Шӯрои кор бо ҷавонон дар назди Президенти Ҷумҳурии Тоҷикистон ва эълон гардидани соли 2017 Соли ҷавонон, дар маҷмӯъ, барои татбиқи самараноки сиёсати давлатии ҷавонон заминаи мусоид фароҳам оварда, мавқеи ҷавононро дар ҷамъият боз ҳам устувор намуд.
Маҳз, дастгириву таваҷҷуҳи пайвастаи Сарвари давлат буд, ки имрӯз беш аз 44 фоизи хизматчиёни давлатиро ҷавонони то 35 - сола ташкил медиҳанд. Инчунин, беш аз 30 ҳазор ҷавони мамлакат дар донишгоҳҳои бонуфузи кишварҳои пешрафта таҳсил менамоянд.
Ҳамин тавр, таваҷҷуҳи Пешвои миллат ва иқдому ташаббусҳои Ҳукумати ҷумҳурӣ дар самти дастгирии ҷавонон сол ба сол афзун мегардад. Ва ҳама ғамхориҳое, ки муҳтарам Эмомалӣ Раҳмон аз ҷавонон дареғ надоштанд, боиси саодату хушбахтии ин қишри ҷомеа мебошад. Аз ин лиҳоз,  хизматҳову саҳми Президенти Ҷумҳурии Тоҷикистон муҳтарам Эмомалӣ Раҳмон ҳамчун меъмори давлатдории навини тоҷикон дар қалби мо бо ҳарфҳои заррин сабт шуда, дар хотираамон доимӣ боқӣ хоҳад монд.

Худойдод АВҒОНОВ,
донишҷӯи ДИД назди Президенти Ҷумҳурии Тоҷикистон


Баёни ақида (0)    Санаи нашр: 13.02.2020    №: 33    Мутолиа карданд: 119
02.04.2020


МАШВАРАТИ КОРИИ МУОВИНИ РАИСИ МАҶЛИСИ НАМОЯНДАГОН БО ВАКИЛОНИ МАРДУМӢ

ҶАВОНОНИ ТОҶИКОБОД БА САФИ ҚУВВАҲОИ МУСАЛЛАҲ ПАЙВАСТАНД

САЙЁҲӢ. ТАШКИЛИ 12 ХАТСАЙРИ НАВ

ШИРКАТИ 42 ЛЕГИОНЕР ДАР ЧЕМПИОНАТИ НАВБАТИИ ТОҶИКИСТОН

СУТ РАСМАН ДАР ТОҶИКИСТОН НАБУДАНИ КОРОНАВИРУСРО ТАСДИҚ НАМУД

ГАРДИШИ МОЛ МИЁНИ ТОҶИКИСТОН ВА КИШВАРҲОИ СҲШ АЗ НИМ МИЛЛИАРД ДОЛЛАР БОЛО РАФТ

АРАБИСТОНИ САУДӢ: "АЗ САФАР БА ҲАҶ ХУДДОРӢ КУНЕД!"

СОКИНИ 101 - СОЛАИ НИДЕРЛАНД АЗ COVID-19 ҶОН БА САЛОМАТ БУРД

Ҷаҳон дар як сатр

01.04.2020


ХАТЛОН. ҶОИЗА БАРОИ МУҲАҚҚИҚОНИ ИЛМҲОИ ТАБИАТШИНОСӢ ВА ДАҚИҚ

СУҒД. БЕШ АЗ 30 КОРХОНАИ ИСТЕҲСОЛИ ОРДУ РАВҒАН

НУФУЗИ САЙЁҲИИ ТОҶИКИСТОН МЕАФЗОЯД

ФАЪОЛИЯТИ ҲУҚУҚЭҶОДКУНӢ БА МАРҲИЛАИ СИФАТАН НАВ ВОРИД ШУД

«ҚАҲРАМОНИ АБАДӢ - ТЕМУРМАЛИК» ДАР ҶУМҲУРИИ КОРЕЯ БА ТАБЪ РАСИД

ТОКИО. САНАИ БАРГУЗОРИИ БОЗИҲОИ ОЛИМПӢ МАЪЛУМ ШУД

ТАНТАНАҲОИ НАВРӮЗӢ ДАР ЛАХШ

ҲИФЗИ МУҲИТИ ЗИСТ. ИҶРОИ БАРНОМА МУҲОКИМА ГАРДИД

СУТ: 165 ҲАЗОР БЕМОРИ COVID-19 ШИФО ЁФТ

ЧИН БАРОИ ПЕШГИРӢ АЗ КОРОНАВИРУС БА ТОҶИКИСТОН АФЗОРИ ЗАРУРӢ ФИРИСТОД

ДАР УХАН БЕШ АЗ 60 БЕМОРХОНА БА НИЗОМИ МУҚАРРАРИИ ФАЪОЛИЯТ БАРГАШТ

ТАБИБОНИ ОЛМОНӢ 16 ҲАЗОР БЕМОРРО АЗ КОРОНАВИРУС НАҶОТ ДОДАНД

ПУТИН ВА ТРАМП НАРХИ КУНУНИИ НАФТРО БА МАНФИАТИ ДУ КИШВАР СОЗГОР НАМЕШУМОРАНД

ДАР ТУРКМАНИСТОН ИСТИФОДАИ КАЛИМАИ КОРОНАВИРУС МАНЪ ГАШТ

Ҷаҳон дар як сатр

31.03.2020


РОҒУН. ВАРЗИШ РӮ БА РУШД ДОРАД

КОРРУПСИЯ РОҲБАРИ АССОТСИАТСИЯРО БА КУРСИИ АЙБДОРӢ НИШОНД

ОДАМКУШӢ. ХУШУНАТИ ОИЛАВИЕ, КИ БО МАРГ АНҶОМ ШУД

ДУЗДӢ. ГУМОНБАР БОЗДОШТ ГАРДИД

Ҷаҳон дар як сатр

РОССИЯ РОҲИ ТАБОБАТИ КОРОНАВИРУСРО ПАЙДО КАРД

ДАР ҚИРҒИЗИСТОН НАХУСТИН БЕМОРОНИ ВИРУСИ НАВ ШИФО ЁФТАНД

ПУТИН ВА ТРАМП МАСОИЛИ COVID-19 ВА НАРХИ НАФТРО БАРРАСӢ НАМУДАНД

ИНДУСТРИЯИ МӮДИ ИТАЛИЯ РӮЗЕ 1,5 МИЛЛИОН НИҚОБИ ТИББӢ ХОҲАД БАРОВАРД

30.03.2020


"АЗ НАВРӮЗ ТО НАВРӮЗ"

БӮСТОН. АВЛАВИЯТ БА РУШДИ САНОАТ


Дар сомонаҳои дигари Тоҷикистон хонед