logo

иҷтимоиёт

ХАТЛОН. ХИЗМАТРАСОНИИ ТИББӢ РӮ БА БЕҲБУДӢ ДОРАД

Дар замони соҳибистиқлолии Тоҷикистони маҳбубамон дар баробари дигар арсаҳо соҳаи тандурустӣ низ хеле рушд кард. Яке аз чунин муассисаҳои соҳа, ки аз ҷиҳати бештар шудани хидматрасониҳо, усулҳои ташхису табобат намуна аст, беморхонаи клиникии вилояти Хатлон ба номи Бӯрӣ Воҳидов ба ҳисоб меравад.
Сардухтури муассиса Алихон Нурализода, иброз дошт, ки беморхона аз 20 шуъбаи табобатӣ ва 8 ҳуҷраи ёрирасони дорои 610 кат иборат мебошад. 
Аз соли 1997 дар шуъбаи ҷарроҳӣ дар ҳамдастӣ бо табибони шаҳри Қазони Федератсияи Россия навъи нави ҷарроҳӣ - эндовидеоҷарроҳӣ ба роҳ монда шудааст, ки имрӯзҳо бо ин усул намудҳои нави ҷарроҳии ҷигар, роҳи пешоб ва бемориҳои занона  гузаронда мешаванд. Бо ин мақсад соли 2007 ду таҷҳизот ба беморхона ворид гашт. То имрӯз қариб 6 ҳазор амалиёти ҷарроҳӣ, ба монанди холесистэктомияи лапароскопӣ, апендэктомияи лапароскопӣ, буридани рӯдаи ғафс бо усули лапароскопӣ, лапарос-копияи ташхисӣ, эхинаккокэктомияи лапароскопӣ анҷом ёфта, инчунин, ба воситаи эндовидеолапароскоп амалиёти ҷарроҳӣ сурат мегиранд.
Гузаштаю имрӯзи беморхона аз ҷиҳати таъмин будан бо таҷҳизоти зарурӣ лоиқи муқоиса нест. Чунки, ҳоло таҷҳизоти ташхисии ултрасадо, анализатори ИФА, STAT, FAX 303+ барои  таҳлилҳои сироятӣ (вирусҳо), ба монанди ситомегаловируси «М», «G» урэоплазма, хламидия, токсоплазма, вируси табхол (герпес), трихомонада ва НВS Аg ва анти НСV, сабти барқии дил, ташхиси эндоскопии сурхной, меъда ва рӯда, роҳҳои нафас,  таҷҳизоти нави ташхисии рентгенӣ, гемодиализ ва эндовидеоҷарроҳӣ истифода мешаванд. 
Муваффақияти дигар ин аст, ки дар шуъбаи гӯшу гулу ва бинӣ бо таҷҳизоти эндоскопияи ҷарроҳии бинӣ амалиёти ҷарроҳии пластикӣ, тармими риносептопластика, гайморотомия ва амалиёти ташхисии зиёда аз 100 бемор гузаронда шуд. Тавассути дастгоҳи систоскоп 40 амалиёти ҷарроҳӣ вазъи саломатии беморонро ба эътидол овард. Дар 5 соли охир бо роҳи ҷарроҳӣ думали майнаи сари 6 бемор ва чураи модарзодии майнаи сари 3 бемор табобат ёфт. Ба воситаи таҷҳизоти электро-энсефалография 1200 бемор муоина карда шуд.
Солҳои 2015 - 2018 ду дастгоҳи даруннигорӣ дастрас гардид. Ҳоло табобати зидди вируси гепатити В, С ва реши меъда бо назардошти бактерияи пилорика бе ҳеҷ душворӣ гузаронда мешавад. Аз соли 2016 маркази ташхисии ангиография, яъне акси рентгении рагҳои хунгарди ҳамаи узвҳои даруна, аз ҷумла дил ва гузоштани найча фаъ-олият дорад. То кунун наздики 400 нафар аз муоинаи каронарография гузашт, ба дили зиёда аз 200 бемор найча гузошта шуд.
Соли 2019 ба маблағи 91 ҳазор сомонӣ аз ҳисоби Вазорати тандурустӣ ва ҳифзи иҷтимоии аҳолии ҷумҳурӣ маҷмӯи асбобҳои ҷарроҳӣ, монитори назди кати бемор, автоклави 150 - литра ва перфузор, аз ҳисоби маблағҳои буҷетӣ ва хизматрасонии пулакӣ бо харҷи 308 ҳазор сомонӣ таҷҳизоти тиббии гемофеникс, рентген, найчаи рентген харид гардид. Ҳамаи ин имкон фароҳам овард, ки сатҳу сифати хидматрасонии тиббӣ ба аҳолӣ хеле беҳтар гардад.
Роҳбарияти беморхона ба баланд бардоштани сатҳу сифати хизматрасонӣ ва тарбияи кадрҳои соҳибтаҷриба диққати ҷиддӣ дода, табибонро пайваста ба курсҳои такмили ихтисос равон месозад. Чунончи, соли гузашта 7 табиб  ва 20 ҳамшираи тиббӣ дар ҳудуди вилоят ва берун аз он ба курси такмили ихтисос фаро гирифта шуданд. Ду табиб тӯли ду ҳафта малакаи худро дар Туркия сайқал дода, аудиологияи навзодонро аз худ кард. Мудири шуъбаи бемориҳои асаб дар Ҷумҳурии Беларус аз такмили ихтисос гузашт. Мудири шуъбаи осебшиносӣ ва раддодӣ дар конфронси байналмилалии осебшиносон ва ортопедҳо, ки дар Ҷумҳурии Полша гузашт, иштирок ва баромад кард. Табибони шуъбаи наҷоти кӯдакон дар шаҳри Москва малакаи худро густариш доданд. Ду табиби дигар тӯли нуҳ рӯз аз ҳамтоҳои олмонӣ менеҷменти госпиталиро омӯхт.  
Мувофиқи протоколи созишномаи байни Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва мақомоти иҷроияи ҳокимияти давлатии вилояти Хатлон оид ба таъсиси маркази перинаталӣ дар ҳудуди беморхона корҳои сохтмонӣ босуръат ҷараён дошта, тасмим аст, ки дар ҳудуди беморхона як бинои сеошёна сохта шуда, биноҳои шуъбаҳои таваллуд ва қабул аз таъмири куллӣ бароварда шаванд.
Арзиши лоиҳавии ин марказ 10 миллион евроро ташкил медиҳад, ки 3 миллиони он барои хариди навтарин таҷҳизоти тиббӣ пешбинӣ гардидааст. Бахшида ба 30 - солагии Истиқлолияти давлатии Ҷумҳурии Тоҷикистон ободкориҳои зиёд дар муассиса идома доранд, ки боиси хушҳолии мардум аст.

Муҳаммадзоиршо ШАРИФЗОДА,
Зокир ҲАСАН,
“Ҷумҳурият”


Баёни ақида (0)    Санаи нашр: 17.02.2020    №: 35    Мутолиа карданд: 99
02.04.2020


МАШВАРАТИ КОРИИ МУОВИНИ РАИСИ МАҶЛИСИ НАМОЯНДАГОН БО ВАКИЛОНИ МАРДУМӢ

ҶАВОНОНИ ТОҶИКОБОД БА САФИ ҚУВВАҲОИ МУСАЛЛАҲ ПАЙВАСТАНД

САЙЁҲӢ. ТАШКИЛИ 12 ХАТСАЙРИ НАВ

ШИРКАТИ 42 ЛЕГИОНЕР ДАР ЧЕМПИОНАТИ НАВБАТИИ ТОҶИКИСТОН

СУТ РАСМАН ДАР ТОҶИКИСТОН НАБУДАНИ КОРОНАВИРУСРО ТАСДИҚ НАМУД

ГАРДИШИ МОЛ МИЁНИ ТОҶИКИСТОН ВА КИШВАРҲОИ СҲШ АЗ НИМ МИЛЛИАРД ДОЛЛАР БОЛО РАФТ

АРАБИСТОНИ САУДӢ: "АЗ САФАР БА ҲАҶ ХУДДОРӢ КУНЕД!"

СОКИНИ 101 - СОЛАИ НИДЕРЛАНД АЗ COVID-19 ҶОН БА САЛОМАТ БУРД

Ҷаҳон дар як сатр

01.04.2020


ХАТЛОН. ҶОИЗА БАРОИ МУҲАҚҚИҚОНИ ИЛМҲОИ ТАБИАТШИНОСӢ ВА ДАҚИҚ

СУҒД. БЕШ АЗ 30 КОРХОНАИ ИСТЕҲСОЛИ ОРДУ РАВҒАН

НУФУЗИ САЙЁҲИИ ТОҶИКИСТОН МЕАФЗОЯД

ФАЪОЛИЯТИ ҲУҚУҚЭҶОДКУНӢ БА МАРҲИЛАИ СИФАТАН НАВ ВОРИД ШУД

«ҚАҲРАМОНИ АБАДӢ - ТЕМУРМАЛИК» ДАР ҶУМҲУРИИ КОРЕЯ БА ТАБЪ РАСИД

ТОКИО. САНАИ БАРГУЗОРИИ БОЗИҲОИ ОЛИМПӢ МАЪЛУМ ШУД

ТАНТАНАҲОИ НАВРӮЗӢ ДАР ЛАХШ

ҲИФЗИ МУҲИТИ ЗИСТ. ИҶРОИ БАРНОМА МУҲОКИМА ГАРДИД

СУТ: 165 ҲАЗОР БЕМОРИ COVID-19 ШИФО ЁФТ

ЧИН БАРОИ ПЕШГИРӢ АЗ КОРОНАВИРУС БА ТОҶИКИСТОН АФЗОРИ ЗАРУРӢ ФИРИСТОД

ДАР УХАН БЕШ АЗ 60 БЕМОРХОНА БА НИЗОМИ МУҚАРРАРИИ ФАЪОЛИЯТ БАРГАШТ

ТАБИБОНИ ОЛМОНӢ 16 ҲАЗОР БЕМОРРО АЗ КОРОНАВИРУС НАҶОТ ДОДАНД

ПУТИН ВА ТРАМП НАРХИ КУНУНИИ НАФТРО БА МАНФИАТИ ДУ КИШВАР СОЗГОР НАМЕШУМОРАНД

ДАР ТУРКМАНИСТОН ИСТИФОДАИ КАЛИМАИ КОРОНАВИРУС МАНЪ ГАШТ

Ҷаҳон дар як сатр

31.03.2020


РОҒУН. ВАРЗИШ РӮ БА РУШД ДОРАД

КОРРУПСИЯ РОҲБАРИ АССОТСИАТСИЯРО БА КУРСИИ АЙБДОРӢ НИШОНД

ОДАМКУШӢ. ХУШУНАТИ ОИЛАВИЕ, КИ БО МАРГ АНҶОМ ШУД

ДУЗДӢ. ГУМОНБАР БОЗДОШТ ГАРДИД

Ҷаҳон дар як сатр

РОССИЯ РОҲИ ТАБОБАТИ КОРОНАВИРУСРО ПАЙДО КАРД

ДАР ҚИРҒИЗИСТОН НАХУСТИН БЕМОРОНИ ВИРУСИ НАВ ШИФО ЁФТАНД

ПУТИН ВА ТРАМП МАСОИЛИ COVID-19 ВА НАРХИ НАФТРО БАРРАСӢ НАМУДАНД

ИНДУСТРИЯИ МӮДИ ИТАЛИЯ РӮЗЕ 1,5 МИЛЛИОН НИҚОБИ ТИББӢ ХОҲАД БАРОВАРД

30.03.2020


"АЗ НАВРӮЗ ТО НАВРӮЗ"

БӮСТОН. АВЛАВИЯТ БА РУШДИ САНОАТ


Дар сомонаҳои дигари Тоҷикистон хонед