logo

порлумон

ФИРИСТОДА БОЯД, КИ ДОНО БУВАД...

Мардуми шарафманди тоҷик аз он хушбахту шукргузоранд, ки дар давлати озоду обод ва соҳибистиқлолу рӯ ба тараққӣ кору зиндагӣ доранд. Шодмон аз онанд, ки барои ояндаи дурахшони ин сарзамин тавассути интихоби вакилони мардумӣ ҳиссагузорӣ мекунанд. Ҳоло мардуми шарифи Тоҷикистон дар марҳилаи таърихию тақдирсоз ва ҷӯшу хурӯши маъракаи муҳими сиёсӣ – омодагӣ ба интихоботи вакилони Маҷлиси намояндагони Маҷлиси Олӣ қарор доранд. Ин давраи пурмасъулият аз ҳар як шаҳрванд дақиқназарӣ, фаъолнокии баланд, зиракии сиёсӣ, маърифатнокӣ, дили софу виҷдони пок ва пос доштани нону намаки Ватанро тақозо дорад. Аз ин рӯ, ба ин ниҳоди намояндагӣ ва қонунгузорӣ бояд шахсони арзандаву донишманд ва дорои маҳорату ихтисоси баланд шомил гарданд.

Дар ин радиф мехостам шахсияти як олими донишманд ва фурӯтанро ба шумо муаррифӣ намоям. Хушбахтона, ман дар бораи номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатии Шаҳринав № 6 Файзулло Баротзода сухан ронданиам. Вақте ки дар бораи ин номзад андешаронӣ мекардем, ҳамин байти устод Абулқосим Фирдавсӣ ба ёд меомад:
Фиристода бояд, ки доно бувад,
Ба гуфтан далеру тавоно бувад.

Воқеан, Файзулло Баротзода на танҳо донишманди варзидаву шинохта, балки нотиқи варзида, беҳтарин мутахассис дар соҳаи илми суханшиносӣ ва диншиносӣ аст. Ӯ борҳо аз санҷишҳо гузашта, дар баландтарин вазифаҳо содиқонаву софдилона ифои вазифа намудааст. Вай аз зумраи шахсоне мебошад, ки ҳаёту ҳастии худро ба омӯзиши илму дониш, таҳқиқи фарҳанги миллӣ ва осори динию мазҳабии ниёгони пурифтихорамон бахшидааст ва ҳамин  пешаро то имрӯз содиқона давом дода истодааст. Ӯ худро дар дарки дуруст ва муаррифии арзандаи мероси мондагори ниёгон комёбгашта меҳисобад ва дар ин ҷода ноил шудан ба дастовардҳоро аз баракати ҳамин касб ва узвият дар сафи Ҳизби Халқии Демократии Тоҷикистон медонад. Воқеан, гарави пешравиҳояш аз эҳтирому дӯстдории Ватан, шукргузорӣ аз озодию истиқлолият ва хизмати холисона барои шукуфоии давлату миллат маншаъ мегирад.
Фаъолияти меҳнатии Файзулло Баротзода солҳои 1989 – 2015 асосан дар шуъбаҳои илмӣ - тадқиқотӣ ва корҳои роҳбарии Академияи илмҳои ҷумҳурӣ ҷараён доштааст. Дар даврони истиқлолият мавсуф вобаста ба зарурати таҳияи Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» ба масъалаҳои қуръоншиносӣ, ҳадисшиносӣ ва исломшиносӣ машғул мешавад, ки натиҷаи он бо нашри сарчашмаҳои асосии динию мазҳабӣ ва як идда осори гаронбаҳои асримиёнагии ниёгон муаррифӣ шудааст. Дар тӯли панҷ соли охир Файзулло Баротзода дар вазифаи хеле пурмасъул – директори Маркази исломшиносӣ дар назди Президенти Ҷумҳурии Тоҷикистон кору фаъолият намуда, дар омӯзиши масъалаҳои диншиносию исломшиносӣ ва муаррифии дурусти осори динию мазҳабӣ корҳои шоёни таҳсинро анҷом додааст. Ин гуфтаҳо донишманди закитабъ ва коршиноси соҳибистеъдод будани ӯро тасдиқ менамояд ва дар ҳайати парлумони кишвар яке аз номзадҳои арзанда шуданашро собит месозад. 
Бо боварии комил гуфтан мумкин аст, ки интихоби Файзулло Баротзода ба сифати вакили Маҷлиси намояндагони Маҷлиси Олии Ҷумҳурии Тоҷикистон имкон медиҳад, ки донишу таҷрибаи ӯ дар мақомоти олии қонунгузорӣ ҷиҳати бунёди асосҳои илмӣ, таҳия ва таъмини пояҳои ҳуқуқии рушди устувори ҷомеа ва зиндагии шоистаи мардум васеъ истифода гардад.

Ҳотам РАБИЕВ, рӯзноманигор


Баёни ақида (0)    Санаи нашр: 25.02.2020    №: 41    Мутолиа карданд: 5459
19.10.2021


Чин ба Тоҷикистон 800 миллион юан кумаки бебозгашт пешниҳод кард

БОКС

Ба машқҳои СААД дар Тоҷикистон 4 ҳазор нафар ҷалб шуд

Ҷаҳон дар як сатр

Рӯйдодҳои илмӣ

18.10.2021


КӮЛОБ. ТУҲФАИ ПЕШВОИ МИЛЛАТ БА МУАССИСАҲОИ ТАНДУРУСТӢ

Ифтитоҳи иншооти ҷашнӣ

РАШТ. 80 ХОҶАГИИ ДЕҲОТИ ҚАЛЪАНАК БО ОБИ НӮШОКӢ ТАЪМИН ГАШТ

ДАНҒАРА. АВЛАВИЯТ БА ТАЪМИНИ АҲОЛӢ БО ҶОЙИ КОР

ИДОРАКУНИИ ЗАХИРАҲОИ ОБ. Ҳамоиши муҳими илмию амалӣ

11.10.2021


«ИСТИҚЛОЛИЯТ ВА РУШДИ ЗАБОНИ ТОҶИКӢ»

ДАНҒАРА. ИСТЕҲСОЛИ 68 610 ТОННА ҒАЛЛА

«ТОҶИКИСТОН – КИШВАРИ ДАРЁҲОИ ТИЛЛОӢ»

06.10.2021


Рӯйдодҳои илмӣ

ФАЙЗОБОД. ИФТИТОҲИ ЧАНД ИНШООТ БО ИШТИРОКИ САРВАЗИР

СЕ ДАҲСОЛАИ ШАРИКИИ КИТОБХОНАҲОИ ИДМ

01.10.2021


3 СОМОНАИ НАВ ҚАДАМИ ҶИДДӢ БА СӮЙИ ҲУКУМАТИ ЭЛЕКТРОНӢ

ИСТАРАВШАН. СОКИНОНИ ДЕҲАИ СӮФӢ – ОРИФ БО ОБ ТАЪМИН ШУДАНД

МАСТЧОҲ. ИФТИТОҲИ 3 КОРГОҲИ ИСТЕҲСОЛӢ

29.09.2021


Ҳамкории Тоҷикистон бо СММ баррасӣ шуд

28.09.2021


Тағйирот ба қонун «Дар бораи нафақаҳои суғуртавӣ ва давлатӣ»

Путин чаҳор душмани асосии Россияро ном бурд

Навидҳои фарҳанг

27.09.2021


Мулоқоти Рустами Эмомалӣ бо Қосим-Жомарт Токаев

СОҲИБИСТИҚЛОЛӢ ВА РУШДИ ВАО

Лавров дар бораи ҳамоҳанг набудани ризоияти абарқудратҳо оид ба принсипҳои тартиботи ҷаҳонӣ сухан гуфт

Ҷаҳон дар як сатр

23.09.2021


Муносибатҳои дипломатии Тоҷикистон ва Мавритания барқарор шуданд

ЛИГАИ ОЛӢ

Машқҳои «Миссияи сулҳи СҲШ - 2021» дар вилояти Оренбург

Ҷаҳон дар як сатр

21.09.2021


Туҳфаи Пешвои миллат - “Тоҷикон” ба Хуҷанд расид

Навидҳои фарҳанг

17.09.2021


Токаев аз кишварҳои СААД хост, ки дар таҳкими марзи Тоҷикистон ёрӣ расонанд

Ҷаҳон дар як сатр


Дар сомонаҳои дигари Тоҷикистон хонед