logo

Хабарҳо

МУБОРИЗА БАР ЗИДДИ МАЛАХ. ҶАЛАСАИ СИТОДИ ҶУМҲУРИЯВӢ

Бо иштироки намояндагони вазоратҳои тандурустӣ ва ҳифзи иҷтимоии аҳолӣ, Кумитаи ҳолатҳои фавқулода ва мудофиаи гражданӣ, клуби миллии ҳавопаймоии Ташкилоти ҷамъиятии мададгори мудофиа, Агентии хоҷагии ҷангал, Кумитаи ҳифзи муҳити зисти назди Ҳукумати Ҷумҳурии Тоҷикистон, шарикони хориҷӣ, роҳбарони намояндагии созмони озуқаворӣ ва кишоварзии СММ дар Тоҷикистон, агентии Ҷопон оид ба масъалаҳои байналмилалӣ дар Тоҷикистон ва сардорони сарраёсат ва раёсатҳои вилоятҳо, шаҳру ноҳияҳо, намояндагони филиалҳои назди МД «Экспедитсияи мубориза бар зидди малах», МД «Муҳофизати рустаниҳо ва химикунонии кишоварзӣ» ва кормандони масъули дастгоҳи марказии Вазорати кишоварзӣ ҷаласаи ситоди доимоамалкунандаи ҷумҳуриявии муҳофизати рустаниҳо, мубориза бар зидди малах ва дигар зараррасонҳои зироатҳои кишоварзӣ доир гардид.
Амонулло Салимзода, вазири кишоварзии Ҷумҳурии Тоҷикистон, иброз дошт, ки рушди соҳаи кишоварзӣ яке аз самтҳои афзалиятнок ба ҳисоб рафта, ҷиҳати таъмини аҳолӣ бо маводи озуқаворӣ, ғанӣ гардондани сабади истеъмолӣ ва афзун гардондани имкониятҳои содиротии маҳсулоти босифат мавқеи бузургро ишғол менамояд. Яке аз омилҳои баланд бардоштани ҳосилнокии зироатҳои кишоварзӣ ин чораҳои пешгирии саривақтӣ аз ҳар гуна касаливу ҳашароти зараррасон мебошад. Соли сипаригардида мутахассисони вазорат ва зерсохторҳои он тавонистанд, ки бо истифода аз техникаву таҷҳизоти муосир дар шаҳру ноҳияҳои ҷумҳурӣ пайваста муҳофизати рустаниҳо ва пешгирӣ аз касаливу ҳашароти зараррасонро идома дода, зироатҳои кишоварзиро аз зараррасонҳо ва нобудшавӣ эмин нигоҳ доранд.
С. Хайридинов, сардори муассисаи давлатии «Экспедитсияи мубориза бар зидди малах», доир ба корҳои иҷрогардида дар соли гузашта ба иштирокчиён маълумоти муфассал пешниҳод намуда, барои дастгирии ҳамаҷониба ҷиҳати пешгирии саривақтии паҳншавии малах ва зарари он ба зироатҳои кишоварзӣ, боғу токзор ва чарогоҳҳо ба Ҳукумати ҷумҳурӣ ва ҳозирин изҳори миннатдорӣ баён намуд.
Аҳмадҷон Қодиров, сардори МД «Муҳофизати рустаниҳо ва химикунонии кишоварзӣ», иброз дошт, ки дар ин давра якҷо бо мутахассисону олимони соҳа барои нест кардани зараррасонҳои боғу токзор ва майдони зироатҳои кишоварзӣ ҷиҳати пешгирии пайдошавӣ ва паҳншавии зараррасонҳо чораҳои пешгирикунанда (бо роҳҳои агротехникӣ, механикӣ, кимиёвӣ ва биологӣ) дар шаҳру ноҳияҳои ҷумҳурӣ дар майдони умумии 158937 гектар боғ ва 38109 гектар токзор  корҳои коркарди байни қаторҳо, башаклдарорӣ, яхобмонӣ ва коркарди кимёвӣ гузаронда шуд, ки ин усул барои кам шудани пайдоиши  ҳашароти зараррасон мусоидат намуд.
Вазири кишоварзӣ ба аъзоёни ситод ва масъулини соҳа супоришҳои мушаххас дода, таъкид намуд, ки  бо сабаби камии боришоти барф дар  фаслҳои тирамоҳ ва зимистони имсола нисбат ба солҳои қаблӣ, пайдоиши касаливу ҳашароти зараррасон, бахусус ҳашароти зиёновар – малах, аз эҳтимол дур нест. Аз ин рӯ, моро лозим аст, ки ҳар чи бештар мубориза бар зидди касаливу ҳашароти зараррасонро хуб ба роҳ монда, барои пешгирии паҳншавии онҳо дар ҷумҳурӣ тамоми чораҳои заруриро андешем, то ки меҳнати бо ранҷ парваридаи кишоварзонро аз зараррасонҳо эмин нигоҳ дорем.
Дар интиҳои ҷаласа як зумра пешқадамони соҳа барои фаъолияти пурсамар ва саҳми арзанда гузоштан дар таъмини амнияти озуқаворӣ бо сипоснома ва туҳфаҳои хотиравии Вазорати кишоварзӣ қадрдонӣ шуданд.
Матлубаи АБДУҚАҲҲОР, «Ҷумҳурият»


Баёни ақида (0)    Санаи нашр:    №:    Мутолиа карданд: 818
12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД


Дар сомонаҳои дигари Тоҷикистон хонед