logo

порлумон

ИНТИХОБОТ. АЗ ПРИНСИПИ ҶОМЕАИ ДЕМОКРАТӢ ТО ИФОДАИ ИРОДАИ ХАЛҚ

То рӯзи баргузории интихоботи даъвати нави вакилони Маҷлиси намояндагони Маҷлиси Олӣ ва маҷлисҳои маҳаллии вакилони халқ рӯзҳои башумор монданд. Рафти омодагӣ ва таваҷҷуҳи шаҳрвандони ҷумҳурӣ ба ин маъракаи муҳими сиёсӣ аз ҳоло баёнгари он аст, ки интихобот дар сатҳи баланд, бо низом, иштироки фаъолонаи интихобкунандагон ва озоду шаффоф доир хоҳад шуд.

Воқеан, интихобот аз ҷумлаи падидаҳоест, ки дар он талаботу манфиатҳои ҷомеа ифода меёбанд. Ин дар ҳолест, ки омӯзиши сарчашмаҳои таърихӣ, рисолаҳои арзишманди илмӣ далолат бар он доранд, ки интихобот яке аз қадимтарин унсурҳои ҷомеаи башарӣ ба ҳисоб рафта, дар ҳамагуна ҷомеаҳо халқ ба воситаи он мақсаду мароми худро амалӣ намуда, дар идораи давлат саҳм мегузорад. Ҳарчанд интихобот дар шаклу навъҳои гуногун ба зуҳур омодааст, вале ин падида, ҳамчун унсури муҳими сиёсӣ дар ҷомеаҳои демократӣ ба таври зарурӣ шакл гирифта, усул ва вазифаҳои вижаи худро соҳиб гардидааст.
Дар моддаи 6 - и Конститутсияи Ҷумҳурии Тоҷикистон аҳамияти интихобот ва нақши он дар ташаккул ва амалигардонии ҳокимият чунин тафсир мешавад: “Дар Тоҷикистон халқ баёнгари соҳибихтиёрӣ ва сарчашмаи ягонаи ҳокимияти давлатӣ буда, онро бевосита ва ё ба воситаи вакилони худ амалӣ мегардонад. Ифодаи олии бевоситаи ҳокимияти халқ раъйпурсии умумихалқӣ ва интихобот аст”. Яъне, нақши интихобот ҳамчун восита дар воқеӣ гардидани ҳокимияти халқ басо назаррас аст.
Аҳамияти интихоботи қарибулвуқӯъ дар он зоҳир мегардад, ки ба воситаи он яке аз шохаҳои асосии ҳокимияти давлатӣ – қонунгузорӣ ташаккул меёбад. Ин дар ҳолест, ки боби сеюми Конститутсияи Ҷумҳурии Тоҷикистон ба Маҷлиси Олӣ бахшида шуда, маҳз фаъолияти самаранок ва бомароми он заминаҳои боэътимоди ҳуқуқиву ташкилии фаъолияти муназзами тамоми рукнҳои муҳими давлатдориро фароҳам меорад.
Тавре маълум аст, дар Ҷумҳурии Тоҷикистон ҳамчун давлати демократӣ сарчашмаи ягона ва асосии ҳокимият халқ ба ҳисоб меравад. Дар чунин ҳолат интихобот воситае мегардад, ки халқ метавонад, ҳокимиятро бо роҳи интихоб намудани номзадҳои мувофиқ ташкил, ҳамзамон, фаъолияти онҳоро назорат намояд. Гузашта аз ин, имконият фароҳам мегардад, ки шаҳрвандон манфиатҳои худро дар симои номзади арзанда бо манфиатҳои миллӣ ҳамоҳанг созанд. Аз ин рӯ, интихоби дуруст дар ин самт заминаи устувори ҳамагуна пешравиҳо хоҳад буд. Зимнан, шаҳрвандоне, ки ҳуқуқи иштирок дар интихоботро доранд, бояд дарк намоянд, ки бетарафӣ дар интихобот амали манфӣ буда, амалигардии ҳокимияти худи онҳоро зери суол мебарад. Пас, зарур аст, ки ҳамаи шаҳрвандони дорои ҳуқуқи раъйдиҳӣ дар ин маъракаи муҳими сиёсӣ фаъолона иштирок намуда, мавқеи худро дар интихоби вакилон муайян созанд ва ба ин васила дар пешрафту шукуфоии Ватани азиз саҳми худро гузоранд.

Зайнулло САОДАТОВ, иҷрочии калони хадамоти иҷро
дар ноҳияи Фирдавсии шаҳри Душанбе


Баёни ақида (0)    Санаи нашр: 26.02.2020    №: 42    Мутолиа карданд: 1324
06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД


Дар сомонаҳои дигари Тоҷикистон хонед