logo

порлумон

РАЪЙ БОЯД, КИ ОЯНДАСОЗ БОШАД!

Интихобот аз ибтидои мавҷудияти хеш вазифаи ташаккули ҳокимияти ҳалқ ва ҳимояи манфиатҳои ҷомеаро иҷро намудаасту менамояд. Дар давлатҳои демократӣ интихобот василаи таъмину такмил ва таҷдиди сохторҳои сиёсию ҷамъиятӣ аст. Одамон маҳз ба воситаи интихобот метавонанд ҳуқуқу озодиҳои хешро дар амал татбиқ намоянд.
Тартиби ташкил ва баргузор намудани интихоботро дар Ҷумҳурии Тоҷикистон санадҳои меъёрию ҳуқуқии мушаххас ба танзим медароранд. Дар ин раванд нақши қонунҳои конститутсионии Ҷумҳурии Тоҷикистон “Дар бораи интихоботи Маҷлиси Олии Ҷумҳурии Тоҷикистон” ва “Дар бораи интихоботи вакилон ба маҷлисҳои маҳаллии вакилони халқ” ва ҳуҷҷатҳои байналмилалие, ки Ҷумҳурии Тоҷикистон онҳоро эътироф кардааст, хеле муассир аст.
Тибқи муқаррароти пешбининамудаи қисми сеюми моддаи 27-и Конститутсияи Ҷумҳурии Тоҷикистон, шаҳрванде, ки синнаш ба 18 расидааст ҳуқуқи дар раъйпурсӣ (интихобот) иштирок кардан, интихоб намудан ва аз синни муқаррарнамудаи Конститутсия ва санадҳои меъёрии ҳуқуқӣ, ҳуқуқи интихоб шуданро дорад.
Интихобот инъикоси ҳуқуқи инсон ва шаҳрванд аст. Он воситаи асосӣ ва ҳатто дар баъзе давлатҳо шакли беҳтарин ё ягонаи иштироки воқеӣ дар сиёсат ва идораи корҳои ҷамъиятию давлатӣ мебошад. Шаҳрванд дар ин раванд бевосита иштирок намуда, номзади фаъол ва арзандаи худро интихоб менамояд ё мавриди интихоби дигарон қарор мегирад.
Раванди интихобот аз марҳилаҳои гуногун иборат аст. Як марҳилаи интихобот раванди омодагӣ аст. Дар раванди омодагӣ ба интихобот нақши комиссияҳои интихоботӣ хеле бузург аст. Маҳз комиссияҳои интихоботӣ ҳамчун мақомоти пешбари интихобот дар эълон, бақайдгирӣ ва ташкили ҳавзаҳои интихоботӣ иштирок намуда, ҳамчунин, рафти интихоботро назорат менамоянд. Муҳим аст, ки омодагӣ ва гузарондани интихобот аз ҷониби комиссияҳои интихоботӣ ба таври шаффоф ва ошкоро сурат гирад. Чунин ҷиҳати баргузории интихобот принсипи шаффофиятро дар Ҷумҳурии Тоҷикистон инъикос менамояд.
Дар раванди интихобот иштирок ва раъйдиҳӣ ба номзадҳо марҳилаи ҳассос ва муҳим мебошад. Дахолат накардан ба ҳуқуқи овоздиҳии шахс яке аз принсипҳои ҳуқуқи интихоботӣ ба ҳисоб меравад. Дар марҳилаи овоздиҳӣ принсипи баробарӣ хеле аҳамиятнок аст, яъне ҳамаи шаҳрвандон (аз роҳбарон сар карда, то шаҳрвандони қаторӣ), тибқи принсипи  “Як шахс - як овоз” дар интихобот  ширкат меварзанд. Ба ҳамин хотир, ҳар як шаҳрвандро зарур аст, ки дар ин маъракаи муҳими сиёсӣ фаъолона ширкат варзад. Фаъолнокии сиёсии шаҳрвандон боиси ба таври демократӣ ва шаффоф баргузор гардидани интихобот дар ҷомеа мегардад.
Марҳалаи дигари муҳим натиҷагирӣ ё худ эълони ниҳоии раъйҳои додашуда ба номзадҳост. Дар ин марҳала нақши нозирон, шахсони боэътимоди номзадҳо ва воситаҳои ахбори омма муҳим мебошад, зеро онҳо бевосита раванди ташкил, баргузор ва натиҷагирӣ аз интихоботро назорат менамоянд. Нозироне, ки аз ҷониби ҳизбҳои сиёсӣ, давлатҳо ва созмонҳои байналмилалӣ сафарбар карда мешаванд низ, вазифаи назорат карданро иҷро менамоянд.
Ҳоло Ҷумҳурии Тоҷикистон дар арафаи маъракаи муҳими интихоботӣ қарор дорад. Ҷиҳати дар сатҳи зарурӣ баргузор намудан ва даъвати интихобкунандагон ба интихоботи дарпешистода дар шаҳру ноҳияҳои ҷумҳурӣ шиору овезаҳо овехта шудаанд. Ҳамчунин, дар сатҳи маҳал низ ҷиҳати дар сатҳи зарурӣ гузарондани интихобот мутасаддиёне фаъолият мекунанд, ки дар гузарондани чунин чорабиниҳо, аллакай, таҷрибаи ғанӣ доранд.
Ҳамин тавр, шаҳрвандони кишварро зарур аст, ки дар ин маъракаи муҳими сиёӣ фаъолона ширкат варзида, ба номзади арзандаи худ раъй диҳанд ва дар рушди устувори  минбаъдаи Ҷумҳурии Тоҷикистон саҳми муносиби худро гузоранд.

Хусрав АЛИЗОДА, корманди раёсати таҳлил ва  ояндабинии сиёсати дохилии Маркази тадқиқоти стратегии назди Президенти Ҷумҳурии Тоҷикистон


Баёни ақида (0)    Санаи нашр: 26.02.2020    №: 42    Мутолиа карданд: 625
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед