logo

порлумон

ҒИЁСИДДИН ШАРИФЗОДА НОМЗАДЕ, КИ АЗ ЗАМИРИ ХАЛҚ РӮИДА

Инак, бо интихоботи даъвати нави вакилон ба Маҷлиси намояндагони Маҷлиси Олӣ ва маҷлисҳои маҳаллии вакилони халқ Тоҷикистони соҳибистиқлоли мо вориди боз як марҳилаи нави рушд мешавад. Зеро интихобот воситаест, ки халқ тавассути он дар идораи ҳокимияти давлатӣ шарик шуда, бо интихоби номзадҳои арзанда сарнавишти имрӯзу ояндаи худро муайян месозад.

Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии худ ба Маҷлиси Олии Ҷумҳурии Тоҷикистон махсус зикр намуданд, ки интихобот ифодаи олии бевоситаи ҳокимияти халқ тавассути изҳори озодона ва ихтиёрии иродаи интихобкунандагон буда, ба таври демократӣ ва озоду шаффоф баргузор намудани он яке аз вазифаҳои муҳими давлат мебошад.
Чун бо рӯйхати номзадҳо аз матбуот шинос шудем, ки номзадии Шарифзода Ғиёсиддин Абдуваҳоб ба вакилии Маҷлиси Намояндагони Маҷлиси Олии Ҷумҳурии Тоҷикистон аз ҳавзаи якмандатии Айнӣ № 22 пешниҳод шудааст, ба зиндагинома ва кору фаъолияташ рӯ овардем. Мавсуф соли 1984 факултети таърих ва соли 1999 факултети ҳуқуқшиносиии Донишгоҳи милли Тоҷикистонро хатм намуда, то ба имрӯз дар зинаҳои гуногун содиқона хидмат кардааст. Ӯро баъд аз фаъолияти  китобдорӣ,  омӯзгорӣ  ва  директори  мактаби  № 19 - и деҳаи Сангистони ноҳияи Айнӣ ба мақомоти иҷроияи маҳалии ҳокимияти давлатии ноҳия ба кор даъват намуданд. Ғиёсиддин Шарифзодаро соли 1999 мудири шуъбаи фарҳанги ноҳия таъйин  карданд. Дар он солҳо, ки ҳанӯз харобаҳои ҷанги шаҳрвандӣ пурра барқарор нагардида буданд, шуъбаи фарҳанги ноҳия ба ном вуҷуд дошт. Вале ин роҳбари кордон ва инсони хирадпеша дар фароҳам овардани шароит, ба кор даъват намудани ҷавонони соҳибихтисос, кушодани хонаҳои фарҳанг, ташкили ансамблҳои “шашмақом” - у “фалак”, гурӯҳҳои рақсӣ, навозандагон, сарояндагон хизматҳои арзанда намуд. Маҳз самари ин талошҳо буд, ки имрӯз дар деҳоти ноҳияи Айнӣ - 39 муассисаи клубӣ, як қасри фарҳанг ва 69 китобхона амал мекунад, ки дар сохтмон, таҷдиду таъмири онҳо хизматҳои Ғиёсиддин Шарифзода қобили қадршиносист.
Вақте ки арзишҳои фарҳангӣ дар ноҳия ҷойгоҳи хуб касб карданд, мақомоти иҷроияи маҳаллии ҳокимияти давлатии ноҳия тасмим гирифт, ки ӯро ба садри маорифи ноҳия баргузинанд. Чунин ҳам шуд ва ӯ соли 2009 мудири маорифи ноҳия таъйин гардида, қобилияти фавқулодааш ба маорифчиён комёбиҳо овард. Усулҳои фаъоли таълим ба роҳ монда шуд ва омӯзгорони пешқадам мунтазам ҳавасманд мегардиданд. Муассисаҳои таълимӣ бо аёниятҳо ва таҷҳизоти техникӣ муҷаҳҳаз гардида, норасоии омӯзгорон дар мактабҳо марҳила ба марҳила аз байн рафт. Хонандагон дар озмунҳои ноҳиявӣ, вилоятӣ ва ҷумҳуриявӣ иштирок мекардагӣ шуданд. Силсилаи чорабиниҳои бахши маорифи ноҳия ба он нигаронда шудааст, ки шогирдони мактабҳо ба фанҳои биология , химия, риёзӣ ва дақиқ майл намоянд, то ки дастури Пешвои миллат дар самт татбиқ гардад.
Дар ноҳияи Кӯҳистони Мастчоҳ, Айнӣ ва шаҳри Панҷакент Ғиёсиддин Шарифзодаро ҳамчун шахси донишманд, поквиҷдон, хоксору фурӯтан, ташаббускор, худшиносу ватандӯст мешиносанд. Сатҳи баланди касбиаш водор намудааст, ки ӯро ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ намоянд. Дар аксарияти вохӯриҳо  бо интихобкунандагон тазаккур дода шуд, ки ӯ бо сифатҳои олиаш сазовори вакилӣ мебошад. Барномаи пешазинтихоботии Ғиёсиддин Шарифзода фарогири пешрафти ҳамаи соҳаҳо, аз ҷумла рушди фарҳанг, маориф, иқтисоду иҷтимоъ буда, аз барномаи ҲХДТ маншаъ гирифтааст.

Бобоҷони НУРЗОД, Аълочии фарҳанги Ҷумҳурии Тоҷикистон


Баёни ақида (0)    Санаи нашр: 27.02.2020    №: 43    Мутолиа карданд: 5619
19.10.2021


Чин ба Тоҷикистон 800 миллион юан кумаки бебозгашт пешниҳод кард

БОКС

Ба машқҳои СААД дар Тоҷикистон 4 ҳазор нафар ҷалб шуд

Ҷаҳон дар як сатр

Рӯйдодҳои илмӣ

18.10.2021


КӮЛОБ. ТУҲФАИ ПЕШВОИ МИЛЛАТ БА МУАССИСАҲОИ ТАНДУРУСТӢ

Ифтитоҳи иншооти ҷашнӣ

РАШТ. 80 ХОҶАГИИ ДЕҲОТИ ҚАЛЪАНАК БО ОБИ НӮШОКӢ ТАЪМИН ГАШТ

ДАНҒАРА. АВЛАВИЯТ БА ТАЪМИНИ АҲОЛӢ БО ҶОЙИ КОР

ИДОРАКУНИИ ЗАХИРАҲОИ ОБ. Ҳамоиши муҳими илмию амалӣ

11.10.2021


«ИСТИҚЛОЛИЯТ ВА РУШДИ ЗАБОНИ ТОҶИКӢ»

ДАНҒАРА. ИСТЕҲСОЛИ 68 610 ТОННА ҒАЛЛА

«ТОҶИКИСТОН – КИШВАРИ ДАРЁҲОИ ТИЛЛОӢ»

06.10.2021


Рӯйдодҳои илмӣ

ФАЙЗОБОД. ИФТИТОҲИ ЧАНД ИНШООТ БО ИШТИРОКИ САРВАЗИР

СЕ ДАҲСОЛАИ ШАРИКИИ КИТОБХОНАҲОИ ИДМ

01.10.2021


3 СОМОНАИ НАВ ҚАДАМИ ҶИДДӢ БА СӮЙИ ҲУКУМАТИ ЭЛЕКТРОНӢ

ИСТАРАВШАН. СОКИНОНИ ДЕҲАИ СӮФӢ – ОРИФ БО ОБ ТАЪМИН ШУДАНД

МАСТЧОҲ. ИФТИТОҲИ 3 КОРГОҲИ ИСТЕҲСОЛӢ

29.09.2021


Ҳамкории Тоҷикистон бо СММ баррасӣ шуд

28.09.2021


Тағйирот ба қонун «Дар бораи нафақаҳои суғуртавӣ ва давлатӣ»

Путин чаҳор душмани асосии Россияро ном бурд

Навидҳои фарҳанг

27.09.2021


Мулоқоти Рустами Эмомалӣ бо Қосим-Жомарт Токаев

СОҲИБИСТИҚЛОЛӢ ВА РУШДИ ВАО

Лавров дар бораи ҳамоҳанг набудани ризоияти абарқудратҳо оид ба принсипҳои тартиботи ҷаҳонӣ сухан гуфт

Ҷаҳон дар як сатр

23.09.2021


Муносибатҳои дипломатии Тоҷикистон ва Мавритания барқарор шуданд

ЛИГАИ ОЛӢ

Машқҳои «Миссияи сулҳи СҲШ - 2021» дар вилояти Оренбург

Ҷаҳон дар як сатр

21.09.2021


Туҳфаи Пешвои миллат - “Тоҷикон” ба Хуҷанд расид

Навидҳои фарҳанг

17.09.2021


Токаев аз кишварҳои СААД хост, ки дар таҳкими марзи Тоҷикистон ёрӣ расонанд

Ҷаҳон дар як сатр


Дар сомонаҳои дигари Тоҷикистон хонед