logo

ҳуқуқ

 "ҲУКМИ СУД ИҶРО НАМЕШАВАД, ЧАРО?"


(Ҷавоб ба муроҷиати шаҳрванд Бибисоро Болтаева, ки 11 декабри соли 2019 дар рӯзномаи «Ҷумҳурият» нашр гардидааст)
Хадамоти иҷрои назди Ҳукумати Ҷумҳурии Тоҷикистон аризаи шаҳрванд Бибисоро Болтаева, сокини ноҳияи Темурмаликро вобаста ба иҷро нагардидани варақаи иҷро бо ҳукми суди ноҳияи Темурмалик аз 26 декабри соли 2017 оид ба аз ҳисоби собиқ келинаш маҳкумшуда Шаҳноза Сафарова ба фоидаи писараш Суҳроб Давлатов рӯёндани маблағи зарар ба андозаи 72465 сомонӣ, мавриди баррасӣ қарор дода, аз натиҷааш ба муаллиф 1 август, 17 сентябр ва 14 ноябри соли 2019 ҷавоб ирсол намуда буд.
Зимни баррасӣ муайян карда шуд, ки бо ҳукми суди ноҳияи Темурмалик аз 26 декабри соли 2017 Ш. Сафарова дар содир намудани ҷинояти бо моддаи 255 қисми 2 бандҳои «а, в» Кодекси ҷиноятии Ҷумҳурии Тоҷикистон пешбинишуда гунаҳгор дониста шуда, нисбат ба ӯ ҷазо дар намуди маҳрум сохтан аз озодӣ ба муҳлати ду сол таъйин шудааст. Дар асоси моддаи 71 Кодекси ҷиноятӣ ҷазои таъйиншуда шартан татбиқ нашуда, як сол муҳлати санҷишӣ таъйин гардидааст.
Ҳамзамон, тибқи ҳукми суд аз ҳисоби маҳкумшуда Ш. Сафарова ба фоидаи С. Давлатов рӯёниши маблағи зарар ба андозаи 72465 сомонӣ муқаррар гардидааст. Варақаи иҷро бо ҳукми суд 4 марти соли 2019 барои таъмини иҷро ба иҷрочиёни Хадамоти иҷро дар вилояти Хатлон, ноҳияи Темурмалик ирсол гардида, мавриди иҷро қарор дода шудааст.
Омӯзиши истеҳсолоти иҷро нишон дод, ки иҷрочии Хадамоти иҷро дар ноҳияи Темурмалик бо мақсади таъмини иҷрои санади судӣ ҷиҳати аз ҳисоби қарздор Ш. Сафарова ба фоидаи С. Давлатов рӯёндани маблағи зарар дар доираи Қонуни Ҷумҳурии Тоҷикистон «Дар бораи истеҳсолоти иҷро» баҳри дарёфт кардани молу мулк, маблағҳои пулӣ ва даромади дигари қарздор, ки ба онҳо нигарондани ситониш мумкин аст, чораҷӯӣ намуда, ҷойи истиқомати қарздорро, воқеъ дар манзили истиқоматии волидайнаш аз назар гузаронда, аз мақоми бақайдгирандаи молу мулки ғайриманқул, Бозрасии давлатии автомобилӣ, бонк, нозироти андоз ва ҷамоат маълумоти заруриро дастрас намудааст. Амалҳои иҷро пурра гузаронда шуданд, аммо молу мулк, маблағҳои пулӣ ва даромади дигари қарздор Ш. Сафарова дарёфт нагардидааст.
Аз баёноти қарздор Ш. Сафарова бармеояд, ки айни замон донишҷӯи коллеҷи омӯзгории шаҳри Кӯлоб буда, бо сабаби надоштани шароити молию пулӣ имконияти пардохти маблағи зарари расондаашро надорад.
Падари қарздор Ш. Сафарова Р. Сафаров низ дар баёноташ қайд кардааст, ки имконияти молиявии пардохти зарари расондаи духтарашро надорад.
Тибқи маълумотномаҳои пешниҳод-намудаи Ҷамоати деҳоти Л. Қармишеви ноҳияи Темурмалик аз 4 марти соли 2019, № 568 ва бахши ҳифзи иҷтимоии аҳолии мақомоти иҷроияи маҳаллии ҳокимияти давлатии ноҳияи мазкур аз 19 марти соли 2019 оилаи Ш. Сафарова ҳамчун оилаи камбизоат эътироф гардидааст.
Аз ин лиҳоз, бо қарори иҷрочии Хадамоти иҷро дар ноҳияи Темурмалик аз 18 марти соли 2019 варақаи иҷрои суди ноҳияи Темурмалик аз 26 декабри соли 2017 бинобар дарёфт нагардидани молу мулки қарздор ва ғайриимкон будани ситониш, дар асоси талаботи сархати 4 қисми 1 моддаи 32 Қонуни Ҷумҳурии Тоҷикистон «Дар бораи истеҳсолоти иҷро» ба ситонанда С. Давлатов – Б. Болтаева дар муроҷиаташ хоҳиш намуда буд, ки маблағи зарар аз ҳисоби молу мулки хешовандони наздики қарздор Р. Сафарова рӯёнда шавад.
Ба номбурда фаҳмонда шуд, ки қонеъ намудани ин талаботи ӯ имконнопазир аст. Зеро тибқи қонунгузорӣ ҳар шахси болиғи қобили меҳнат барои кирдор ва уҳдадориҳои молиявиаш шахсан ҷавобгар ва масъул мебошад.
Б. САИДВАЛИЗОДА,
муовини якуми сардори
Хадамоти иҷро


Баёни ақида (0)    Санаи нашр: 4.03.2020    №: 47    Мутолиа карданд: 285
02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД


Дар сомонаҳои дигари Тоҷикистон хонед