logo

сиёсат

МАШВАРАТИ КОРӢ БО РОҲБАРОНУ ФАЪОЛОНИ ВИЛОЯТИ СУҒД

25 март дар шаҳри Гулистон Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо роҳбарону фаъолони вилояти Суғд машварати корӣ доир карданд.

Дар кори машварат натиҷаҳои рушди иҷтимоиву иқтисодии вилояти Суғд дар соли 2019 ва ду моҳи соли 2020 баррасӣ гардида, ҷиҳати иҷрои дастуру супоришҳои Президент ва Ҳукумати Ҷумҳурии Тоҷикистон, вусъати корҳои ободонӣ, рушди соҳаҳои саноат ва кишоварзӣ дар назди мақомоти иҷроияи ҳокимияти давлатии шаҳру ноҳияҳои вилоят вазифаҳои мушаххас гузошта шуд.
Президенти мамлакат муҳтарам Эмомалӣ Раҳмон сафари корӣ дар шаҳру ноҳияҳои Хуҷанд, Гулистон, Бӯстон, Бобоҷон Ғафуров ва Спитаменро натиҷагирӣ карда, аз раванди корҳои ободониву бунёдкорӣ ба истиқболи Ҷашни 30 - солагии Истиқлолияти давлатии Тоҷикистон изҳори қаноатмандӣ намуданд.
Таъкид гардид, ки рушди иҷтимоиву иқтисодии вилоят, шаҳру ноҳияҳои он ва иҷрои нишондиҳандаҳои рушди соҳаҳои афзалиятнок дар ҳафт моҳи соли 2019, асосан, таъмин шудааст.
Дар соли 2019 ҳаҷми маҷмӯи маҳсулоти вилоят ба 20 миллиарду 500 миллион сомонӣ баробар шудааст, ки 26,5 фоизи маҷмӯи маҳсулоти дохилии кишварро ташкил медиҳад.
Сатҳи камбизоатӣ дар вилоят назар ба соли 2018-ум 0,5 банди фоиз коҳиш ёфта, сатҳу сифати зиндагии мардум беҳтар гардидааст.
Ҳоло Барномаи рушди иҷтимоиву иқтисодии вилояти Суғд барои солҳои 2016 - 2020, инчунин, барномаҳои рушди иҷтимоиву иқтисодии шаҳру ноҳияҳои вилоят татбиқ шуда истодаанд.
Мақомоти иҷроияи ҳокимияти давлатии вилоят ва шаҳру ноҳияҳои он вазифадор гардиданд, ки ҷиҳати самаранок ва босифат татбиқ намудани барномаҳои қабулгардида ҳамкориро бо вазорату идораҳо, шарикони рушд, соҳибкорону сармоягузорон ва дигар ҷонибҳои манфиатдор таҳким бахшанд.
Ҳаҷми истеҳсоли маҳсулоти саноатӣ дар вилоят соли 2019 ба 13 миллиард сомонӣ расида, дар муқоиса бо соли 2018-ум 12,9 фоиз ва дар ду моҳи соли 2020 назар ба ҳамин давраи соли гузашта 20,2 фоиз зиёд шудааст.
Дар ду моҳи соли 2020 ҳаҷми маҳсулоти саноати истихроҷи маъдан нисбат ба ҳамин давраи соли гузашта 10 фоиз афзудааст.
Вазорати саноат ва технологияҳои нав, Кумитаи давлатии идораи замин ва геодезӣ ва мақомоти иҷроияи ҳокимияти давлатии вилоят вазифадор шуданд, ки корҳои назоратиро ҷиҳати сари вақт амалӣ гардидани лоиҳаҳои бунёди корхонаҳои металлургӣ аз ҷониби сармоягузорони хориҷӣ, ҳалли масъалаҳои ҷудо намудани замин ва ба расмият даровардани онҳо пурзӯр намоянд.
Дар натиҷаи тадбирҳои амалинамудаи Ҳукумати мамлакат доир ба беҳтар гардондани фазои сармоягузорӣ соли 2019 ба вилоят қариб 1,8 миллиард сомонӣ сармояи мустақим ворид шудааст.
Гарчанде нишондиҳандаи мазкур нисбат ба соли 2018 афзоиш ёфтааст, вале барои расидан ба ҳадафи саноатикунонии босуръати мамлакат ва бо дарназардошти имкониятҳои вилоят ҳоло ҳам қонеъкунанда нест.
Беш аз 70 фоизи сармояи мустақими хориҷӣ дар соли 2019 танҳо ба шаҳри Гулистон рост омада, дар шаҳрҳои Исфара, Конибодом, Истиқлол, Истаравшан ва ноҳияҳои Кӯҳистони Мастчоҳ, Ҷаббор Расулов, Спитамен, Мастчоҳ ва Деваштич сармояи хориҷӣ, умуман, ҷалб нашудааст.
Сарвари давлат муҳтарам Эмомалӣ Раҳмон роҳбарони мақомоти иҷроияи ҳокимияти давлатии вилоят ва шаҳру ноҳияҳои онро вазифадор карданд, ки фаъолияти худро дар самти ҷалби сармояи мустақими хориҷӣ тақвият бахшида, имкониятҳои сармоягузориро ба сармоягузорони хориҷӣ ҳарчи бештар муаррифӣ намоянд.
Зимни машварати корӣ бо фаъолони вилоят Президенти мамлакат вазъи соҳаҳои чорводорӣ, парандапарварӣ, моҳипарварӣ, занбӯриасалпарварӣ, боғдорӣ, истифодаи самараноки замин, истеҳсолу содироти маҳсулоти кишоварзӣ ба хориҷи кишвар ва дигар соҳаҳои афзалиятноки мамлакат, аз ҷумла маориф, тандурустӣ, фарҳангро дар вилоят баррасӣ карда, барои ҳифзи амнияти озуқаворӣ ва дар ин самт васеъ истифода намудан аз ҳама шароиту имкониятҳо дар назди роҳбарони вилоят ва шаҳру ноҳияҳо дастуру супоришҳои мушаххас гузоштанд.
Дар охир Сарвари давлат муҳтарам Эмомалӣ Раҳмон барои боз ҳам хубтару беҳтар гардондани шароити зиндагии мардум, вусъати корҳои ободонӣ, таъмини рушди иқтисодиву иҷтимоии шаҳру ноҳияҳои вилоят, таъсиси ҷойҳои корӣ, ислоҳи камбудиҳои мавҷуда ва инкишофи босуботи соҳаҳои иқтисодӣ, алалхусус бахшҳои истеҳсолӣ ба роҳбарону масъулони мақомоти иҷроияи ҳокимияти давлатии вилоят ва шаҳру ноҳияҳои он супоришҳои мушаххас доданд.
Дар кори машварат ба Президенти Ҷумҳурии Тоҷикистон муҳтарам Эмомалӣ Раҳмон оид ба натиҷаҳои рушди иҷтимоиву иқтисодии вилояти Суғд дар соли 2019 ва ду моҳи соли 2020 раиси вилояти Суғд Раҷаббой Аҳмадзода ва раисони яқ қатор шаҳру ноҳияҳои вилоят ҳисобот доданд.
Таъкид гардид, ки то имрӯз дар шаҳру ноҳияҳои вилоят тибқи нақшаи корҳои ободониву созандагӣ ба истиқболи Ҷашни 30 - солагии Истиқлолияти давлатӣ беш аз 4000 бинои навбунёд ба истифода супурда шуда, корҳо дар иншооти дигари ҷашнӣ бомаром идома доранд.
Ҳамчунин, дар кори машварат раисони шаҳрҳои Хуҷанду Панҷакент ва ноҳияи Мастчоҳ оид ба омодагӣ ба ҷашнҳои миллӣ - 30 - солагии Истиқлолияти давлатӣ, Рӯзи Ваҳдати миллӣ ва таҷлили 5500 - солагии Саразм ҳисобот доданд.
Раиси вилояти Суғд Раҷаббой Аҳмадзода зимни баромади худ аз номи мардуми меҳнатдӯсти вилоят ба Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои тамоми талошҳову ташаббусҳо ва ғамхориҳояшон изҳори сипосу миннатдорӣ карданд.


Баёни ақида (0)    Санаи нашр: 27.03.2020    №: 59 - 60    Мутолиа карданд: 175
22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ

ВМКБ. ИСТИФОДАИ САМАРАНОКИ ЗАМИН ДАР МАДДИ АВВАЛ

ИҚДОМИ ЯК ДОНИШКАДА

ХУҶАНД. ВЕБ-СЕМИНАР ОИД БА ТАШХИС ВА ТАБОБАТИ COVID – 19

САНОАТ. ҲАҶМИ ИСТЕҲСОЛ 15,3 ДАРСАД ЗИЁД ШУД

СУҒД.РОҲАНДОЗИИ ТАЪТИЛИ САМАРАНОК

ПАЙРАВӢ АЗ ИҚДОМИ ПЕШВОИ МИЛЛАТ

РАФАЭЛ НАДАЛ БЕҲТАРИН ВАРЗИШГАР ДАР ТАЪРИХИ ИСПАНИЯ

МАСТЧОҲ СИМОИ ИДОНА МЕГИРАД

18.05.2020


СУҒД. МУБОРИЗА АЛАЙҲИ БЕМОРИҲОИ СИРОЯТӢ ПУРЗӮР МЕГАРДАД

НУРОБОД ҲУСНИ НАВ МЕГИРАД

ФУТБОЛ. ЧЕМПИОНАТИ БЕЛГИЯ НИЗ ПЕШ АЗ МУҲЛАТ АНҶОМ ЁФТ

ТОҶИКИСТОНУ БЕЛАРУС ДАР МУБОРИЗА БО КОРОНАВИРУС ҲАМКОРӢ МЕКУНАНД

ҶАҲОН ДАР ЯК САТР

15.05.2020


МАШВАРАТИ КОРИИ МУОВИНИ САРВАЗИРИ МАМЛАКАТ ДАР ШАҲРИ БӮСТОН

ТОҶИКИСТОН. БОЗ 403 МУБТАЛОИ КОРОНАВИРУС ШИФО ЁФТ

ДАР ИСФАРА МАКТАБИ БАЙНАЛМИЛАЛИИ «ОРИОН» БУНЁД МЕШАВАД

КӮДАКОН. КОРОНАВИРУС ҚУДРАТИ "ЗАБТ" - И ОРГАНИЗМИ ОНҲОРО НАДОРАД

ДАРВОЗ. САҲМИ ЗАНОН ДАР РУШДИ НОҲИЯ БЕШТАР МЕГАРДАД

БОЗОРИ ТРАНСФЕРӢ. АРЗИШИ ФУТБОЛБОЗОНИ ДАСТАҲОИ ЛИГАИ ОЛӢ

ПЕШНИҲОДИ ВОХӮРИИ НАМОЯНДАҲОИ ИДМ ВА СҶТ БАРОИ МУБОДИЛАИ ТАҶРИБАИ МУБОРИЗА БО COVID – 19

ҶАҲОН ДАР ЯК САТР

ХАТЛОН. САҲМИ РАЁСАТИ КҲФ ДАР ПЕШГИРИИ COVID-19

14.05.2020


КИТОБХОНАИ МИЛЛӢ. ТАЪСИСИ МАХЗАНИ ЭЛЕКТРОНӢ


Дар сомонаҳои дигари Тоҷикистон хонед