logo

ҳуқуқ

ҒОРАТГАРӢ. ҶИНОЯТКОР АЗ ОЗОДӢ МАҲРУМ ШУД

Коллегияи судӣ оид ба парвандаҳои ҷиноятии суди шаҳри Душанбе ҳукми суди ноҳияи Сино нисбат ба Шаҳбоз Рауфовро бетағйир  ва шикояти кассатсионӣ аз болои ҳукмро бе қаноат мононд.

Суди марҳилаи якум шаҳрванд Ш. Рауфовро дар содир намудани ҷинояти ғоратгарӣ (моддаи  248 қисми 2 бандҳои «б», «в» Кодекси ҷиноятӣ)  гунаҳкор дониста, ба ӯ ҷазои маҳрум сохтан аз озодӣ ба муҳлати 1 солу 6 моҳ бо адо намудани ҷазо дар муассисаи ислоҳии дорои низоми пурзӯр таъйин кард. Баррасии парвандаи ҷиноятӣ нисбат ба маҳкумшуда нишон додааст, ки ӯ бо рафиқи ноболиғаш Муҳаммадҷони Шариф моҳи ноябри соли 2019 дар кӯчаи Борбади шаҳри Душанбе тибқи маслиҳати пешакӣ, бо истифодаи зӯроварии барои ҳаёт ва саломатӣ хавфнокнабуда аз дасти роҳгузар – шаҳрванд Шукрона Азизова телефони мобилӣ бо симкорташро ошкоро тасарруф намуда, аз ҷойи ҳодиса фирор намудаанд. Арзиши умумии телефон ва симкорти рабудашуда 2845 сомониро ташкил дода, дар пайи ин амали ғоратгарона ба ҷабрдида зарари ҷиддӣ расонда шудааст.
Ш. Рауфов ва адвокат Д. Саидова ба ҳукми суд шикояти кассатсионӣ оварда, аз коллегияи судӣ хоҳиш намудаанд, ки ҳукм бинобар беасос буданаш бекор ва пешбурди парвандаи ҷиноятӣ бо сабаби дар кирдори маҳкумшуда мавҷуд набудани аломати таркиби ҷиноят қатъ карда шавад. Вале омӯзиши маводи парванда аз ҷониби коллегияи судӣ оид ба парвандаҳои ҷиноятии суди шаҳри Душанбе нишон дод, ки ваҷҳҳои дар шикояти кассатсионӣ баённамудаи маҳкумшуда ва адвокат дар бораи он ки мақомоти тафтишоти пешакӣ ва суди марҳилаи якум ба вайронкуниҳои ҷиддии қонунгузории мурофиавии ҷиноятӣ роҳ дода, ба нишондодҳои шубҳанок ва мухолифатомези гумонбаршудаи ноболиғ Муҳаммадҷони Шариф, ҷабрдида Ш. Азизова такя намуда, ҳукми ғайриқонунӣ баровардааст, беасос мебошанд. Зеро аз маводи парвандаи ҷиноятӣ бармеояд, пешбурди парвандаи ҷиноятӣ дар тафтишоти пешакӣ бо риояи талаботи моддаи 21 Кодекси мурофиавии ҷиноятӣ гузаронда, аз ҷумла ба маҳкумшуда ҳуқуқҳои мурофиавиаш зимни ҳар як пурсиш тавзеҳ шуда, аз ҳуқуқҳои худ озодона истифода намудааст.
Маълум гардид, ки суди марҳилаи якум, маҷмӯи далелҳои боэътимодро, ки гунаҳкории бевоситаи маҳкумшуда Ш. Рауфовро тасдиқ менамоянд, ба инобат гирифта, кирдори ӯро бо моддаи 248 қисми 2 бандҳои «б, «в» - и Кодекси ҷиноятӣ, ки ҷавобгарии ҷиноятиро барои ғоратгарӣ, яъне ошкоро тасарруф кардани молу мулки ғайр, бо истифодаи зӯроварии барои ҳаёт ва саломатӣ хавфнокнабуда пешбинӣ менамояд, дуруст бандубаст карда, нисбат ба номбурда ҳукми айбдоркунӣ баровардааст. Аз ин рӯ, коллегияи судӣ ба хулоса омад, ки ҳукми суди марҳилаи якум қонунӣ буда, асос барои бекор кардан ва ё тағйир додани он мавҷуд нест.

Ҷамила АБДУЛХАЙРЗОДА, Беҳрӯз НАСРИДДИНОВ,
кормандони дастгоҳи суди шаҳри Душанбе


Баёни ақида (0)    Санаи нашр: 02.04.2020    №: 64    Мутолиа карданд: 558
22.10.2020


"РАВШАН" – ҒОЛИБИ ЛИГАИ ЯКУМ

ШАҲРИ ТУРСУНЗОДА. СОЛИ ЧАРОҒОНКУНӢ

ПОМПЕО ИМА ВА РОССИЯРО БА ОҒОЗИ ҲАРЧИ ТЕЗТАРИ ГУФТУШУНИД ОИД БА МСС-3 ДАЪВАТ НАМУД

ҶАҲОН ДАР ЯК САТР

21.10.2020


90 СОЛИ ПУРБАРОР

САРАЗМ. АЗ ТАНТАНАҲОИ ҶАШНӢ ТО ТАНТАНАИ ЗИНДАГӢ

ҶАШНИ МЕҲРГОН ВА ФЕСТИВАЛИ ШОЛИЮ БИРИНҶ

19.10.2020


ҶОМИ ТОҶИКИСТОН – 2020. "РАВШАН" БАРАНДАИ ОН ГАРДИД

16.10.2020


МОЛИЯЧИЁНИ ХАТЛОН: МО ПАЙРАВИ ПЕШВОИ МИЛЛАТЕМ!

ТАСАРРУФИ 430 000 ДОЛЛАР. ПАРВАНДАИ ҶИНОЯТӢ НИСБАТ БА ҚАЛЛОБЕ, КИ ДАР АВРУПО ПАНОҲ МЕБАРАД

14.10.2020


«ҲАБДАҲ ЧАМАН»

13.10.2020


ХАТЛОН. СОДИРОТИ МАҲСУЛОТИ КИШОВАРЗӢ МЕАФЗОЯД

ТОҶИКИСТОН. 88,7 ДАРСАДИ ГИРИФТОРОНИ КОРОНАВИРУС ШИФО ЁФТАНД

ЛИГАИ ЧЕМПИОНҲО – 2020 «БАРСЕЛОНА» ҚАҲРАМОНИ ОН

ОҒОЗИ МАШҚҲОИ СААД ДАР БЕЛАРУС

ҶАҲОН ДАР ЯК САТР

ЛЕВАКАНТ. ТАҶДИДУ НАВСОЗИИ РОҲҲО

НОБОЛИҒОН. ҚОНУНШИКАНӢ ҲАНӮЗ АЗ БАЙН НАРАФТААСТ

ОЗАРБОЙҶОН ВА АРМАНИСТОН ОТАШБАС ЭЪЛОН НАМУДАНД

ҶАҲОН ДАР ЯК САТР

ФИЛМИ “ХИЁНАТ” АСРОРИ ДУШМАНИВУ ХОИНИРО ИФШО КАРД

12.10.2020


ЧЕМПИОНАТИ ОСИЁ - 2020. ФУТЗАЛБОЗОНИ ТОҶИК БАРОИ ИШТИРОК ОМОДАГӢ МЕГИРАНД

ХАЙКО МААС: "ИТТИҲОДИ АВРУПО МУКОЛАМА БО РОССИЯРО НАБОЯД ҚАТЪ КУНАД"

ҶАҲОН ДАР ЯК САТР

08.10.2020


БЕҲТАРИНҲО МУАЙЯН ШУДАНД

ҲАВЗАИ ИШКОШИМ БА ИНТИХОБОТ ОМОДА АСТ

ВОХӮРӢ БО НОМЗАДҲО

СУҒД. ҶАМЪОВАРИИ 56 654 ТОННА ПАХТА

ЗАРКОРОНИ ЛЕВАКАНТ АВВАЛИН ШУДА НАҚШАРО ИҶРО КАРДАНД

ММВЗО «СОЛОР» – ЧЕМПИОНИ ТОҶИКИСТОН БАЙНИ НАВРАСОНИ ТО 14 - СОЛА

07.10.2020


МОИ “СУҒД”. КОРХОНАИ КОРКАРДИ МЕВАИ ХУШК БУНЁД МЕГАРДАД

ҶАМЪОВАРИИ 2660 ТОННА ПАХТА ДАР НОҲИЯИ ҶАББОР РАСУЛОВ

ДАНҒАРА. ОМОДАГИҲО МУТАШАККИЛОНА ИДОМА ДОРАНД

06.10.2020


ЛИГАИ ОЛӢ. КМВА ҶОИ СЕЮМРО ГИРИФТ ВА «ЛОКОМОТИВ – ПОМИР» БА ЛИГАИ АВВАЛ РАФТ

ИНТИХОБОТИ ПРЕЗИДЕНТИИ ТОҶИКИСТОН: 122 НОЗИР ВА 258 РӮЗНОМАНИГОР АККРЕДИТАТСИЯ ГИРИФТАНД


Дар сомонаҳои дигари Тоҷикистон хонед