logo

ҳуқуқ

ДАЪВАТИ БАҲОРӢ – 2020. ВМКБ АВВАЛИН ШУДА АЗ ИҶРОИ НАҚША ГУЗОРИШ ДОД

Шурӯъ аз 1 апрели соли равон дар ҷумҳурӣ даъвати баҳории шаҳрвандони солҳои таваллуди 1993-2002 ба сафи Қувваҳои Мусаллаҳи Ҷумҳурии Тоҷикистон оғоз шуд. Ба ин муносибат, дар тамоми шаҳру навоҳии мамлакат маъракаи гусели наваскарон дар фазои тантанавӣ идома дорад.

Бахшида ба Рӯзи даъватшаванда дар шаҳри Душанбе ҷамъомади тантанавӣ  баргузор шуд. Дар ҷамъомад Умед Гуреззода, муовини раиси шаҳр, зикр кард, ки хизмат дар сафи Артиши миллӣ ва ҳимояи марзу буми Ватан ҳамеша мояи шараф ва ифтихори ҳар як фарди боору номус ва ватанхоҳ буд, ҳаст ва ин рисолат то абад боқӣ мемонад. Артиши миллӣ  пеш аз ҳама  мактаби мардонагист ва ҳар ҷавонмарди асил бояд онро гузарад, дар он обутоб ёфта, ҳамчун сарбози ҳақиқӣ ба камол расида, баҳри ҳимояи Ватан омода гардад.
Тайи солҳои охир зиёд гардидани шумораи ҷавонписароне, ки ихтиёрӣ барои хизмат ба сафи Қувваҳои Мусаллаҳ шомил мегарданд, шоистаи таҳсин аст. Яъне, ҷавонон бо камоли ифтихор ва нангу номуси ватандорӣ  омодаи хизматанд. Зеро онҳо ба хубӣ дарк намудаанд, ки ҳимояи марзу буми Ватан қарзи фарзандӣ ва мояи ифтихори ҳар як ҷавонмард аст.
Тибқи иттилои Раҳмони Гулзор, хабарнигори рӯзномаи «Ҷумҳурият» дар Вилояти Мухтори Кӯҳистони Бадахшон, нақшаи даъвати ҷавонон ба сафи Қувваҳои Мусаллаҳи ҷумҳурӣ дар вилоят рӯзи аввали даъват пурра иҷро гардида, ҷавонони ватандӯст дар фазои тантанавӣ ва оростани чорабинии бошукӯҳ ба хидмати ҳарбӣ гусел шуданд.
Дар вилояти Хатлон ин маърака муташаккилона оғоз шуда, рӯзи 3 апрел бо иштироки раиси вилоят Қурбон Ҳакимзода қисмати зиёди ҷавонон ихтиёрӣ дар вазъияти тантанавӣ ба хизмати ҳарбӣ рафтанд. Носирҷон Маъмурзода, сардори шуъбаи иттилоотию таҳлилии дастгоҳи раиси вилоят, дар як тамоси телефонӣ ба мо гуфт, ки дар ин рӯз 700 нафар ҷавони меҳандӯсти вилоят ба сафи Қувваҳои Мусаллаҳ пайвастанд. Дар ҳамин ҳол, шаҳру ноҳияҳои Норак, Носири Хусрав, Шамсиддин Шоҳин, Балҷувон ва Ховалинг дар се рӯзи оғози маърака аз иҷрои нақшаи даъват мужда доданд.
Дар вилояти Суғд ва шаҳру ноҳияҳои тобеи ҷумҳурӣ низ 3 апрел маросими гусели ҷавонон ба хидматӣ ҳарбӣ бо баргузории ҳамоишҳои тантанавӣ сурат гирифт, ки дар хотири наваскарон ва наздикони онҳо боқӣ хоҳад монд.
Имрӯзҳо дар ҳамаи қисмҳои низомӣ мувофиқ ба талаботи ҳарбӣ барои ҳайати шахсӣ ё худ наваскарон синфхонаҳои таълимӣ, мавзеъҳои омӯзишии муҷаҳҳаз бо лавозимоти зарурӣ, ошхона, хобгоҳ, китобхона, шаҳракҳои васеи варзишӣ, мавзеъҳои махсуси суҳбатороӣ, хонаҳои дидорбинии волидони сарбозон ва дигар шароитҳои зарурӣ муҳайё карда шудааст. Ҳамзамон, қисмҳои ҳарбӣ дорои марказҳои таълимӣ ва тамрингоҳҳои хос буда, наваскарон зимни омӯзиши дарсҳои назариявӣ ва амалӣ ба онҳо ҷалб карда мешаванд. Дар ин машқгоҳҳо хаймаҳои муҷаҳҳаз бо лавозимоти зарурӣ барои дашту саҳро, ошхона, хобгоҳҳои саҳроӣ, парки техникӣ, нуқтаи тиббии саҳроӣ, хонаҳои фарҳангӣ - фароғатӣ ва синфхонаҳои зимистонаву тобистона, ҳаммом, майдончаҳои варзиш ва дигар шароити зарурӣ мавриди истифода қарор дода шудааст.

Лашкар ШАРИФЗОДА, “Ҷумҳурият”


Баёни ақида (0)    Санаи нашр: 06.04.2020    №: 66 - 67    Мутолиа карданд: 690
22.10.2020


"РАВШАН" – ҒОЛИБИ ЛИГАИ ЯКУМ

ШАҲРИ ТУРСУНЗОДА. СОЛИ ЧАРОҒОНКУНӢ

ПОМПЕО ИМА ВА РОССИЯРО БА ОҒОЗИ ҲАРЧИ ТЕЗТАРИ ГУФТУШУНИД ОИД БА МСС-3 ДАЪВАТ НАМУД

ҶАҲОН ДАР ЯК САТР

21.10.2020


90 СОЛИ ПУРБАРОР

САРАЗМ. АЗ ТАНТАНАҲОИ ҶАШНӢ ТО ТАНТАНАИ ЗИНДАГӢ

ҶАШНИ МЕҲРГОН ВА ФЕСТИВАЛИ ШОЛИЮ БИРИНҶ

19.10.2020


ҶОМИ ТОҶИКИСТОН – 2020. "РАВШАН" БАРАНДАИ ОН ГАРДИД

16.10.2020


МОЛИЯЧИЁНИ ХАТЛОН: МО ПАЙРАВИ ПЕШВОИ МИЛЛАТЕМ!

ТАСАРРУФИ 430 000 ДОЛЛАР. ПАРВАНДАИ ҶИНОЯТӢ НИСБАТ БА ҚАЛЛОБЕ, КИ ДАР АВРУПО ПАНОҲ МЕБАРАД

14.10.2020


«ҲАБДАҲ ЧАМАН»

13.10.2020


ХАТЛОН. СОДИРОТИ МАҲСУЛОТИ КИШОВАРЗӢ МЕАФЗОЯД

ТОҶИКИСТОН. 88,7 ДАРСАДИ ГИРИФТОРОНИ КОРОНАВИРУС ШИФО ЁФТАНД

ЛИГАИ ЧЕМПИОНҲО – 2020 «БАРСЕЛОНА» ҚАҲРАМОНИ ОН

ОҒОЗИ МАШҚҲОИ СААД ДАР БЕЛАРУС

ҶАҲОН ДАР ЯК САТР

ЛЕВАКАНТ. ТАҶДИДУ НАВСОЗИИ РОҲҲО

НОБОЛИҒОН. ҚОНУНШИКАНӢ ҲАНӮЗ АЗ БАЙН НАРАФТААСТ

ОЗАРБОЙҶОН ВА АРМАНИСТОН ОТАШБАС ЭЪЛОН НАМУДАНД

ҶАҲОН ДАР ЯК САТР

ФИЛМИ “ХИЁНАТ” АСРОРИ ДУШМАНИВУ ХОИНИРО ИФШО КАРД

12.10.2020


ЧЕМПИОНАТИ ОСИЁ - 2020. ФУТЗАЛБОЗОНИ ТОҶИК БАРОИ ИШТИРОК ОМОДАГӢ МЕГИРАНД

ХАЙКО МААС: "ИТТИҲОДИ АВРУПО МУКОЛАМА БО РОССИЯРО НАБОЯД ҚАТЪ КУНАД"

ҶАҲОН ДАР ЯК САТР

08.10.2020


БЕҲТАРИНҲО МУАЙЯН ШУДАНД

ҲАВЗАИ ИШКОШИМ БА ИНТИХОБОТ ОМОДА АСТ

ВОХӮРӢ БО НОМЗАДҲО

СУҒД. ҶАМЪОВАРИИ 56 654 ТОННА ПАХТА

ЗАРКОРОНИ ЛЕВАКАНТ АВВАЛИН ШУДА НАҚШАРО ИҶРО КАРДАНД

ММВЗО «СОЛОР» – ЧЕМПИОНИ ТОҶИКИСТОН БАЙНИ НАВРАСОНИ ТО 14 - СОЛА

07.10.2020


МОИ “СУҒД”. КОРХОНАИ КОРКАРДИ МЕВАИ ХУШК БУНЁД МЕГАРДАД

ҶАМЪОВАРИИ 2660 ТОННА ПАХТА ДАР НОҲИЯИ ҶАББОР РАСУЛОВ

ДАНҒАРА. ОМОДАГИҲО МУТАШАККИЛОНА ИДОМА ДОРАНД

06.10.2020


ЛИГАИ ОЛӢ. КМВА ҶОИ СЕЮМРО ГИРИФТ ВА «ЛОКОМОТИВ – ПОМИР» БА ЛИГАИ АВВАЛ РАФТ

ИНТИХОБОТИ ПРЕЗИДЕНТИИ ТОҶИКИСТОН: 122 НОЗИР ВА 258 РӮЗНОМАНИГОР АККРЕДИТАТСИЯ ГИРИФТАНД


Дар сомонаҳои дигари Тоҷикистон хонед