logo

ҳукумат

Сарвари давлат ба тарғибу таҷлили хосаи Наврӯз таваҷҷӯҳ зоҳир намуд

26 феврали соли 2010 таҳти раёсати Президенти Ҷумҳурии Тоҷикистон, Раиси Ҳукумати мамлакат Эмомалӣ Раҳмон  маҷлиси навбатии Ҳукумати Ҷумҳурии Тоҷикистон баргузор гашт, ки дар он наздики 40 масъалаи муҳим баррасӣ шуд.

Дар оғози маҷлис масъалаи кадрҳо баррасӣ гардид. Аз ҷумла Хайрулло Маҳмадуллоев муовини вазири энергетика ва саноат, Наргис Бойаҳмадова муовини аввали директори Агентии миллии иттилоотии Тоҷикистон “Ховар”, Маҳмадӣ Тӯраев намояндаи тиҷоратии Тоҷикистон дар Ҷумҳурии Исломии Эрон ва Комилҷон Ҷӯраев намояндаи тиҷоратии Тоҷикистон дар Ҷумҳурии Федеративии Олмон таъйин гардиданд.
Сипас раиси ноҳияи Панҷ оид ба рафти иҷрои Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ» ва сардори Саридораи назорати давлатии бехатарии корҳо дар саноат ва кӯҳкорӣ ҳисобот доданд.
Ба раиси ноҳияи Панҷ ва роҳбарони дигар сохторҳои дахлдор оид ба баргардондани 1200 гектар заминҳои корам ба гардиши кишоварзӣ ва бунёд намудани деҳаҳои обод дар ин мавзеъҳо супоришҳои мушаххас дода шуд.
Барномаи давлатии рушди пахши телевизиони рақамӣ дар Ҷумҳурии Тоҷикистон барои солҳои 2010-2015 ва як қатор санадҳои дигари меъёрӣ - ҳуқуқӣ тасдиқ  гаштанд.
Лоиҳаҳои як қатор қонунҳо оид ба ворид намудани тағйиру иловаҳо ба қонунҳои амалкунанда маъқул дониста шуда, ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод гардиданд. Тағйиру иловаҳо  аз ҷумла ба қонунҳо «Дар бораи фаъолияти бонкӣ», «Дар бораи нотариати давлатӣ», «Дар бораи ҳифзи ҳавои атмосфера», «Дар бораи маориф» пешниҳод  гардиданд.
Ҳамчунин Барномаи рушди илмҳои табиатшиносӣ, риёзию техникӣ барои солҳои 2010-2020 ва Низомномаи Шӯрои ҳамоҳангсозии илмию техникии назди Ҳукумати Ҷумҳурии Тоҷикистон тасдиқи худро ёфт.
Дар охир Сарвари давлат Эмомалӣ Раҳмон ба масоили тарғибу ташвиқи соли нави аҷдодӣ – Наврӯзи хуҷастапай таваҷҷӯҳи хос зоҳир намуда, баҳри таҷлили бошукӯҳи ин ҷашни фархунда, эҳёи расму оини судбахши наврӯзӣ, фаҳмондани таърихи он ба мардум ва ба ин васила мусоидат кардан ба болобарии ҳисси худшиносии миллӣ ва ифтихору сарфарозӣ аз таъриху фарҳанги бостонии ниёгон дастуру ҳидоятҳо дод.
Таъкид гардид, ки расондани кӯмак ба эҳтиёҷмандон, аз ҷумла ятимону бепарасторон, маъюбон, пирону барҷомондагон ва оилаҳои камбизоат, бояд чун анъанаи неки наврӯзӣ эҳё гашта, ривоҷ ёбад. Бо кӯмаки саховатмандон дастаҷамъона гузарондани хатнасур ва ҷашни арӯсии ятимону бепарасторон ва фарзандони оилаҳои камбизоат низ бояд чун як анъанаи накӯи наврӯзӣ тарғиб шавад.


Баёни ақида (0)    Санаи нашр:    №:    Мутолиа карданд: 858

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед