logo

ҳуқуқ

ҚОЧОҚ. ГУРӮҲИ МУТАШАККИЛИ ҶИНОЯТӢ БОЗДОШТ ШУД!

Раёсати Вазорати корҳои дохилӣ дар шаҳри Душанбе аз боздошти гурӯҳи муташаккили ҷиноятии фаромиллие хабар дод, ки ба муомилоти ғайриқонунии маводи нашъаовар дар дохил ва хориҷи кишвар гумонбар мешаванд.
Бино ба иттилои маркази матбуоти РВКД дар шаҳри Душанбе, ба ҳайати ин гурӯҳи нашъаҷаллоб 7 нафар шомил буда, зимни боздошт аз онҳо дар ҳаҷми махсусан калон - 70 килограмму 283 грамм навъҳои гуногуни воситаҳои нашъаовар дарёфту мусодира шудааст.
Гурӯҳи муташаккили ҷиноятӣ фаъолиятҳои ғайриқонунии худро таҳти роҳбарии Муқим Қурбонов, сокини шаҳри Норак, ки дар байни гурӯҳ бо лақабҳои «Муқимча» ва «Бачаи кампир» маълум аст, амалӣ менамудаанд. Ин дар ҳолест, ки номбурда бо ҷурми муомилоти ғайриқонунии воситаҳои нашъаовар ду маротиба дар Федератсияи Россия ҳабс шудааст. Дар доираи амалиёти боздошти Муқим Қурбонов кормандони милитсия аз манзили истиқоматиаш дар шаҳри Норак 13 килограмму 542 грамм маводи мухаддири навъи «ҳашиш», 221 грамм «афюн» ва ҳабҳои навъи «МДМА – экстазӣ» дарёфт намуданд.
Дар идомаи амалиёт дигар аъзои гурӯҳи муташаккил - Шамсиддин Салимдодов (соли таваллудаш 1981), сокини шаҳри Душанбе, Сироҷ Назиров (1981), зодаи ноҳияи Шамсиддин Шоҳини вилояти Хатлон, истиқоматкунандаи шаҳри Хуҷанд, Руҳангез Назиров (1989), зодаи ноҳияи Шамсидини Шоҳин, истиқоматкунандаи ноҳияи Рӯдакӣ, Зоир Латифов (1985), сокини ноҳияи Шамсиддини Шоҳин, Ҳикматулло Боронов (1975), зодаи ноҳияи Муъминобод, истиқоматкунандаи шаҳри Душанбе, Доваршо Қаландаров (1978), зодаи ноҳияи Мирсайид Алии Ҳамадонӣ, истиқоматкунандаи шаҳри Душанбе дар ҳудуди пойтахт дастгир шуданд, ки аз онҳо воситаҳои гуногуни нашъаовар дар ҳаҷми махсусан калон дарёфту мусодира гардидааст.
Ба таъкиди манбаъ, дастгиршудагон чун занҷира ва ҳалқаҳои ҷиноятӣ бо ҳамдигар пайваст ва робита дошта, воситаҳои нашъадорро аз гурӯҳҳои нашъаҷаллоби кишвари ҳамсоя - Ҷумҳурии Исломии Афғонистон ба таври қочоқ ворид намуда, сипас ба кишварҳои дигар интиқол медодаанд. Харидуфурӯш ва амалиётҳои додугирифти ғайриқонунии воситаҳои нашъаоварро роҳбари гурӯҳи муташаккил назорат ва тарҳрезӣ намуда, тавассути шабакаҳои иҷтимоии интернетӣ бо дигар ҳаммаслаконаш ба роҳ мондааст.
Аъзои гурӯҳ воситаҳои нашъаоварро ба шаҳрҳои гуногуни кишварҳои хориҷӣ интиқол дода, дар махфигоҳ гузошта, бо истифода аз фановариҳои техникӣ расм ва схемаи макони гузоштаашонро тавассути интернет - моҳвора нусхабардорӣ ва ба роҳбари гурӯҳ мефиристоданд. Сипас, Муқим Қурбонов схемаҳои дастрасшударо ба харидорон ирсол намуда, ин маводи заҳрогинро ба фурӯш мегузошт. Тавре маркази матбуоти РВКД дар шаҳри Душанбе хабар медиҳад, онҳо охирон маротиба 10 октябри соли 2019 - ум 55 килограмм маводи мухаддирро ба яке аз кишварҳои ИДМ интиқол дода, бо ҳамин шева ба гурӯҳҳои нашъаҷаллоби хориҷӣ фурӯхтаанд.
Айни ҳол, боздоштшудаҳо дар ҳабси пешакӣ қарор дошта, нисбат ба онҳо тибқи талаботи моддаи 200 қисми 4 - и Кодекси ҷиноятӣ (муомилоти ғайриқонунии воситаҳои нашъадор ё моддаҳои психотропӣ, аз ҷониби гурӯҳи муташаккил ё иттиҳоди ҷиноятӣ) парвандаи ҷиноятӣ оғоз шудааст.

Ф.ҶУМЪАЕВ, «Ҷумҳурият»
 


Баёни ақида (0)    Санаи нашр: 13.03.2020    №: 72    Мутолиа карданд: 1190
22.10.2020


"РАВШАН" – ҒОЛИБИ ЛИГАИ ЯКУМ

ШАҲРИ ТУРСУНЗОДА. СОЛИ ЧАРОҒОНКУНӢ

ПОМПЕО ИМА ВА РОССИЯРО БА ОҒОЗИ ҲАРЧИ ТЕЗТАРИ ГУФТУШУНИД ОИД БА МСС-3 ДАЪВАТ НАМУД

ҶАҲОН ДАР ЯК САТР

21.10.2020


90 СОЛИ ПУРБАРОР

САРАЗМ. АЗ ТАНТАНАҲОИ ҶАШНӢ ТО ТАНТАНАИ ЗИНДАГӢ

ҶАШНИ МЕҲРГОН ВА ФЕСТИВАЛИ ШОЛИЮ БИРИНҶ

19.10.2020


ҶОМИ ТОҶИКИСТОН – 2020. "РАВШАН" БАРАНДАИ ОН ГАРДИД

16.10.2020


МОЛИЯЧИЁНИ ХАТЛОН: МО ПАЙРАВИ ПЕШВОИ МИЛЛАТЕМ!

ТАСАРРУФИ 430 000 ДОЛЛАР. ПАРВАНДАИ ҶИНОЯТӢ НИСБАТ БА ҚАЛЛОБЕ, КИ ДАР АВРУПО ПАНОҲ МЕБАРАД

14.10.2020


«ҲАБДАҲ ЧАМАН»

13.10.2020


ХАТЛОН. СОДИРОТИ МАҲСУЛОТИ КИШОВАРЗӢ МЕАФЗОЯД

ТОҶИКИСТОН. 88,7 ДАРСАДИ ГИРИФТОРОНИ КОРОНАВИРУС ШИФО ЁФТАНД

ЛИГАИ ЧЕМПИОНҲО – 2020 «БАРСЕЛОНА» ҚАҲРАМОНИ ОН

ОҒОЗИ МАШҚҲОИ СААД ДАР БЕЛАРУС

ҶАҲОН ДАР ЯК САТР

ЛЕВАКАНТ. ТАҶДИДУ НАВСОЗИИ РОҲҲО

НОБОЛИҒОН. ҚОНУНШИКАНӢ ҲАНӮЗ АЗ БАЙН НАРАФТААСТ

ОЗАРБОЙҶОН ВА АРМАНИСТОН ОТАШБАС ЭЪЛОН НАМУДАНД

ҶАҲОН ДАР ЯК САТР

ФИЛМИ “ХИЁНАТ” АСРОРИ ДУШМАНИВУ ХОИНИРО ИФШО КАРД

12.10.2020


ЧЕМПИОНАТИ ОСИЁ - 2020. ФУТЗАЛБОЗОНИ ТОҶИК БАРОИ ИШТИРОК ОМОДАГӢ МЕГИРАНД

ХАЙКО МААС: "ИТТИҲОДИ АВРУПО МУКОЛАМА БО РОССИЯРО НАБОЯД ҚАТЪ КУНАД"

ҶАҲОН ДАР ЯК САТР

08.10.2020


БЕҲТАРИНҲО МУАЙЯН ШУДАНД

ҲАВЗАИ ИШКОШИМ БА ИНТИХОБОТ ОМОДА АСТ

ВОХӮРӢ БО НОМЗАДҲО

СУҒД. ҶАМЪОВАРИИ 56 654 ТОННА ПАХТА

ЗАРКОРОНИ ЛЕВАКАНТ АВВАЛИН ШУДА НАҚШАРО ИҶРО КАРДАНД

ММВЗО «СОЛОР» – ЧЕМПИОНИ ТОҶИКИСТОН БАЙНИ НАВРАСОНИ ТО 14 - СОЛА

07.10.2020


МОИ “СУҒД”. КОРХОНАИ КОРКАРДИ МЕВАИ ХУШК БУНЁД МЕГАРДАД

ҶАМЪОВАРИИ 2660 ТОННА ПАХТА ДАР НОҲИЯИ ҶАББОР РАСУЛОВ

ДАНҒАРА. ОМОДАГИҲО МУТАШАККИЛОНА ИДОМА ДОРАНД

06.10.2020


ЛИГАИ ОЛӢ. КМВА ҶОИ СЕЮМРО ГИРИФТ ВА «ЛОКОМОТИВ – ПОМИР» БА ЛИГАИ АВВАЛ РАФТ

ИНТИХОБОТИ ПРЕЗИДЕНТИИ ТОҶИКИСТОН: 122 НОЗИР ВА 258 РӮЗНОМАНИГОР АККРЕДИТАТСИЯ ГИРИФТАНД


Дар сомонаҳои дигари Тоҷикистон хонед