logo

сиёсат

ГУЛБОҒИ ҶАҲОН

Боиси ифтихору фараҳмандист, ки дар пайи амалисозии дастуру ҳидоятҳо ва сиёсати созандаи Асосгузори сулҳу ваҳдати миллӣ - Пешвои миллат, Президенти кишвар муҳтарам Эмомалӣ Раҳмон, талошҳои раиси шаҳр Рустами Эмомалӣ ва заҳмати содиқонаи сокинон шаҳри Душанбе – пойтахти Ҷумҳурии Тоҷикистон тадриҷан ба яке аз шаҳрҳои зеботарини ҷаҳон табдил меёбад.
Душанбеи имрӯзро на танҳо бо пойтахти навбунёди солҳои 20 – уми асри гузашта муқоиса кардан хост, балки он аз Душанбеи даҳсолаи аввали қарни навин ва ҳатто се – чор сол пеш куллан фарқ мекунад. Ҳақ ба ҷониби Низом Қосим, Шоири халқии Тоҷикистон, барандаи Ҷоизаи давлатии Ҷумҳурии Тоҷикистон ба номи устод Рӯдакӣ, вакили Маҷлиси вакилони халқи шаҳри Душанбест, ки дар бораи маъруфияти пойтахти тоҷикон дар арсаи ҷаҳон ва хизматҳои раиси ҷавони он Рустами Эмомалӣ гуфт:
«Ҳар касе, ки дар кӯчаю хиёбонҳои ободу зебо ва боғу бӯстони Душанбе қадам мезанад, ҳатман ба Рустами Эмомалӣ барои ин созандагию ободонӣ аҳсант мехонад».
Дар ҳақиқат, Душанбеи соли 1924, ки ҳамагӣ 5 ҳазор сокин дошт ва аз биноҳои якошёна иборат буд, имрӯз бо аҳолии қариб миллионнафара (бо шумули меҳмонону навомадагон) ба маркази бузургтарини сиёсӣ, иқтисодӣ, фарҳангӣ, сайёҳӣ, варзишии ҷумҳурӣ, маркази ҳамоишҳои сатҳи баландтарин ва яке аз шаҳрҳои зеботарини ҷаҳон табдил ёфтааст.
Саноати сабук (хусусан бофандагию нассоҷӣ), мошинсозӣ, хӯрокворӣ, электротехникӣ, масолеҳи сохтмон, техникаи электронӣ ва барқӣ аз самтҳои тараққикардаи комплекси саноатии Душанбе ба ҳисоб меравад. Истеҳсолоти Душанберо бештар маҳсулоти нассоҷию бофандагӣ (пахтагию абрешимӣ), техникаи электронӣ, барқии маишӣ, дастгоҳҳо барои муассисаҳои тиҷоратӣ, мебел, тамоми намудҳои хӯрокворӣ ва нӯшокиҳо, қаннодӣ, ширию гӯштӣ, масолеҳи бинокорӣ (семент, шифер, хиштҳои гуногун, молу конструксияҳои оҳанию бетонӣ, металлургӣ), таҷҳизоти рӯзгор ва молу маҳсулоти дигар ташкил медиҳанд.
Душанбе ҳамчун шаҳри барои сайёҳӣ ҷолиб ва амн дар ҷаҳон эътибори хосса касб мекунад. Дар пайи тадбирҳои роҳандозишуда, аз ҷумла татбиқи босамари «Барномаи рушди сайёҳӣ дар шаҳри Душанбе барои солҳои 2018 – 2020», ки бо қарори раиси шаҳр Рустами Эмомалӣ тасдиқ шуд, Душанбе аз ҷониби хабаргузориҳои байналмилалӣ ва ҷомеаи ҷаҳонӣ дар ИДМ ҳамчун шаҳри «барои сафари тирамоҳӣ ҷолибтарин», «барои сафари баҳорӣ ҷолибтарин», дар ҷаҳон «яке аз шаҳрҳои амнтарин» эътироф гардид. Душанбе узви Федератсияи умумиҷаҳонии шаҳрҳои туристӣ (аз соли 2108) аст.
Ҳамчунин, Душанбе «Пойтахти фарҳангии Иттиҳоди Давлатҳои Мустақил дар соли 2021» ва «Пойтахти сайёҳии кишварҳои узви Созмони ҳамкории иқтисодӣ барои солҳои 2020 – 2021» интихоб гардидааст. Талошҳои роҳбарияти ҷавони шаҳр, роҳандозии мусобиқа ва озмуну ҷашнвораҳои кишварию байналмилалӣ, назири «Наврӯзи Душанбе», «Фестивали сайёҳии Душанбе», «Фестивали тобистонаи Душанбе», «Чакомаи гесу», «Сайри гули лола», «Оши палав», «Боғи беҳтарин», «Гулгашти беҳтарин», «Кӯчаи беҳтарин», «Хиёбони беҳтарин», «Ҷоми пойтахт», «Ҷоми раиси шаҳри Душанбе», таъсиси «Фонди рушди пойтахти Тоҷикистон», «Стипендияи раиси шаҳри Душанбе», куллан беҳсозии хизматрасонии нақлиётӣ ба сокинону меҳмонони пойтахт (автобусу троллейбусҳои нав, ҷорисозии тарзи пардохти муосири электронӣ, таксиҳои нави дорои намои зоҳирии ягона), тибқи Қонуни ҶТ «Дар бораи мақоми пойтахти Ҷумҳурии Тоҷикистон» дорои эмблемаи (нишони) хоссаи худ гардидан, муқаррар шудани унвони «Сокини фахрии пойтахт» ва даҳҳо тадбиру талошҳои дигар барои боло рафтани эътибори байналмилалии Душанбе мусоидат намуданд.
Ба истиқболи Ҷашни 30 – солагии Истиқлолияти давлатӣ боғи «Истиқлолият» бо майдони маҷмааи «Истиқлол ва Озодӣ», 9 меҳмонхонаи замонавӣ, минтақаи саноатии Душанбе (бунёди даҳҳо корхонаҳо дар мавзеи шарқӣ), Масҷиди марказии Душанбе (калонтарин дар Осиёи Марказӣ), варзишгоҳи калонтарин, маҷмааи шиноварӣ ва садҳо иншооти бузурги дигар бунёд меёбанд.
Комёбиҳои Душанбе беназиранд, аммо, бешубҳа, боғҳои ба номи Рӯдакӣ, Фирдавсӣ, Куруши Кабир, Аҳмади Дониш, Хайём, Навоӣ, Айнӣ, Восеъ, Кӯли ҷавонон, Ғалаба, Ирам, Наврӯзгоҳ ва даҳҳо боғу гулбоғу гулгаштҳои дигар беҳтарин ва зеботарин зинати Душанбеанд. Ҳамин аст, ки Душанбе ба гулбоғи ҷаҳон табдил меёбад.

С. РАҶАБЗОДА,
«Ҷумҳурият»


Баёни ақида (0)    Санаи нашр: 17.04.2020    №: 75    Мутолиа карданд: 217
01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД


Дар сомонаҳои дигари Тоҷикистон хонед