logo

фарҳанг

РАЗВЕДКАЧӢ. ПОРАЕ АЗ ЗИНДАГИНОМАИ АБДУҲАЛИМ ҲАКИМОВ

Исми ӯ дар китоби “Ҷангномаи халқҳои Иттиҳоди Шӯравӣ” зикр шуда, ҳамчунин, дар ёддошту очеркҳои таърихе чун “Ёде аз дӯстону рафиқони ҷангии ман” - и адиби ҷанговар – Захар Якови украинӣ, “Разведчик аз Ворух” - и Иван Зинченко, “Старшина Ҳакимов”, “Разведкаи шабона” корномаҳои ҷангиаш ба тасвир кашида шудааст.

Абдуҳалим Ҳакимов, зодаи деҳаи Ворухи шаҳри Исфара соли 1941 ба фронт рафт. Дар ҳайати қисми 395 - тирандозии Байрақи сурхи дорандаи ордени Суворови дивизияи Таман меҷангид. Ин ҷанговари далери тоҷик то Берлин расид ва бо ғалаба ба Ватан баргашт. Корнамоӣ ва ҷонбозиҳои А. Ҳакимов дар бахши разведкаи ҷангӣ бо ду ордени “Шараф”,  чор ордени “Ситораи Сурх”, ордени “Байрақи сурхи ҷангӣ”, даҳҳо медалу сипосномаи Сарфармондеҳи Олии Қувваҳои Мусаллаҳи Шӯравӣ қадршиносӣ шудааст.
Дар варақаи мукофотонӣ барои қадршиносии сержанти тоҷик Абдуҳалим Ҳакимов бо ордени “Шараф” дараҷаи сеюм, фармондеҳи полки тирандозии 395 Таман полковник  Симоненко  ҷанговари тоҷикро чунин сифат кардааст: “Дар давоми хизмат дар взводи пиёдаи разведка сержант Ҳакимов хешро чун ҷанговари далеру шикастнопазир ва боинтизом дар иҷрои супоришҳои қисм нишон медиҳад. Ҳангоми яке аз муҳорибаҳои шадидӣ шабона Ҳакимов бебоку нотарсона худро ба хандақи душман андохта, нуқтаи тирпарронии шадиди пулемётиро бо граната маҳв сохта, дар ин ҳолат боз чанд тан душманро нобуд сохт. Бо ёрии ҳамяроқони худ 2 ҷанговари немисро асир гирифт. Дар идомаи ин амалиёти ҷангӣ ба сержант Ҳакимов ҳамзамон муяссар мешавад, ки нуқтаи дигари  тӯпҳои душманро нобуд сохта, ба ҳуҷуми муваффақонаи аскарони шӯравӣ шароит муҳайё созад. Месазад барои чунин мардонагиву шуҷоат сержант Ҳакимов бо мукофоти давлатии Ордени “Шараф” сарфароз гардонда шавад”.
Дар майдони набард ҳар як амалиёти ҷангӣ барои Абдуҳалим Ҳакимов як санҷиши далериву шуҷоат, мактаби мардонагӣ маҳсуб меёфт. Баъд аз як амалиёти ҷангии барои Артиши шӯравӣ аҳамияти стратегидошта, ки моҳи феврали соли 1945 дар сарзамини душман ба амал омад, А. Ҳакимов бори дигар ҷасорати бемисл нишон дод. Амалиёт аллакай дар хонаи душман - соҳили ғарбии дарёи Одер, маҳаллаҳои аҳолинишини Тишвис Мглич буд. Ҷанг басо шадиду пурқурбонӣ идома меёфт. Душман, ки дар лонаи худ қарор дошт, ба ҳуҷумҳои артиши шӯравӣ муқобилияти сахт нишон дода, новобаста ба талафоти зиёд ақибнишинӣ намекард. Дар ҳамин ҳол, ин тоҷикписари ғаюр бо садои баланди “Ба пеш барои ғалаба” ҳамяроқони худро рӯҳбаланд сохта, худ ба хати аввали ҷабҳа гузашт. Дигар ҳамяроқонаш бо пайравӣ аз ӯ ба ҷониби муқобил зарба мезаданд, дар натиҷа 25 сарбози душманро маҳв сохта,  3 афсар ва 6 нафар сарбози немисро асир гирифтанд.
Ҳайати фармондеҳии дивизия ба ҷуръату ҷасорати сарбози тоҷикистонӣ аҳсан гуфта, ӯро ба унвони баланд - Қаҳрамони Иттиҳоди Шӯравӣ пешниҳод мекунанд. Мутаассифона, пешниҳоди фармондеҳи дивизияи Таман, полковник Симоненко дар ин бора дар зинаҳои болоӣ бо сабабҳои норӯшан роҳ наёфт. 
Абдуҳалим Ҳакимов аз ин ҳолат маъюсу рӯҳафтода нашуд. Зеро вай аллакай қаҳрамон буд, дар ғалабаи бузург бар фашизм дастболо шуд. Рисолати фарзандии худро дар назди халқу Ватан бо сарбаландӣ анҷом дода, пирӯзмандона ба Ватан баргашт.

Ҷовиди АШТӢ, “Ҷумҳурият”


Баёни ақида (0)    Санаи нашр: 07.05.2020    №: 88    Мутолиа карданд: 47
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед