logo

иқтисод

ЗЕБИ ВАТАН. БАРДОШТ АЗ ШАҲРИ ХУҶАНД

Дар пайи ғамхории ҳамешагии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, талошҳои Ҳукумати ҷумҳурӣ, мақомоти иҷроияи ҳокимияти давлатӣ ва заҳмати содиқонаи сокинони шаҳр, хусусан соҳибкорони ватандӯст, шахсони саховатманд, Хуҷанди бостон ба дастоварду муваффаққиятҳои назаррас ноил шуда, ба яке аз шаҳрҳои замонавию зеботарини Тоҷикистон ва Осиёи Марказӣ табдил ёфтааст.

Маъруф Муҳаммадзода, раиси шаҳр, гуфт, ки ҳоло дар тамоми гӯшаю канори шаҳр омодагӣ ба Ҷашни 30 - солагии Истиқлолияти давлатии Ҷумҳурии Тоҷикистон бомаром идома дошта, тибқи нақшаи чорабиниҳо то ин рӯзи таърихӣ мавриди истифода қарор додани 510 иншооти таъйиноти гуногун, аз ҷумла мактабу бунгоҳҳои тиббӣ, коргоҳҳои истеҳсолию коркарди саноатӣ, биноҳои маъмурию хизматӣ ва истиқоматии баландошёна, марказҳои фароғатию истироҳатӣ, хизматрасонӣ, майдончаҳои варзиш ва иншооти ҷашнии дигар дар назар аст. То 1 апрели соли равон 350 иншооти ҷашнӣ бо харҷи 600 миллион сомонӣ бунёд ёфта, беш аз 1500 нафар бо ҷойи кори доимӣ ва маоши хуб таъмин шуд.
- Соли равон дар шаҳр корхонаи коркарди меваю сабзавоти ҶДММ “Хуҷанд - Агро”, маркази ташхисӣ - табобатии “Дармонгоҳи Хуҷанд”, корхонаи муштараки ҶДММ “Хантана Канада ИНК”, ҶДММ корхонаи муштараки тоҷикӣ - туркии “Афранг пластик”, маркази хизматрасонии “Мавҷ”,  расадхонаи ба номи Абумаҳмуди Хуҷандӣ, боғи фарҳангию фароғатии дорои шаҳраки афсонавӣ, китобхона, дастгоҳҳои машқу тамрин ва иншооти дигари ҷашнӣ мавриди истифода қарор гирифт, ки ба ҳусни шаҳр ҳусн зам кард, - гуфт Маъруф Муҳаммадзода.
Ба масъалаи таъмиру тармими роҳҳо таваҷҷуҳи ҷиддӣ зоҳир мешавад. Дар семоҳа 7,8 километр роҳ таъмиру мумфарш гардид. Ҳамчунин, ҳар ҳафта рӯзи шанбе ҳашарҳои умумишаҳрӣ гузаронда, ҳудуди шаҳр тозаву озода нигоҳ дошта мешавад. Дар кӯчаю маҳалла ва майдонҳои шаҳр 2419 бех ниҳоли сояафкан, ороишӣ, ҳамешасабз, дарахтони мевадиҳанда ва наздики 739 ҳазор дона гулҳои гуногун шинонда шудааст.
Яке аз самтҳои афзали фаъоли мақомоти иҷроияи ҳокимияти давлатии шаҳр амалисозии ҳадафи чоруми стратегии Тоҷикистон - саноатикунонии босуръат аст. Масъулону мутахассисони соҳа ва соҳибкорони шаҳр то чӣ андоза аҳамияти бузург доштани саноатикунониро дарк мекунанд. Ҳамин аст, ки дар се моҳ 5 корхонаи нави истеҳсолӣ мавриди баҳрабардорӣ қарор гирифта, шароит фароҳам омад, ки аз ин ҳисоб 82 ҷойи нави корӣ таъсис дода шавад. То охири сол дар шаҳр бояд 10 корхонаву коргоҳи нави истеҳсолӣ бо таъсиси 100 ҷойи нави корӣ бунёд ёбад.
Корхонаҳои саноатӣ дар семоҳа ба маблағи 283 миллиону 500 ҳазор сомонӣ маҳсулот истеҳсол карданд, ки нисбат ба ҳамин давраи соли гузашта 6,6 дарсад зиёд аст.
Баҳри рушди соҳаи саноати шаҳр 5 миллион сомонӣ сармояи иловагии дохилӣ ва хориҷӣ ҷалб гардид. Дар самти содироти маҳсулот ба хориҷи кишвар низ қадаме ба пеш гузошта шуд. Дар се моҳ ба маблағи беш аз 74 миллион сомонӣ маҳсулот содирот гардид. Айни замон дар корхонаҳои шаҳр 95 намуд маҳсулоти саноатӣ истеҳсол мешавад.
Ҷиҳати баланд бардоштани сатҳи некуаҳволии мардум се лоиҳаи инвеститсионӣ - “Идоракунии партовҳои сахти маишии шаҳри Хуҷанд”, “Беҳтар намудани вазъи оби нӯшокии шаҳри Хуҷанд” ва “Рушди нақлиёти ҷамъиятии шаҳри Хуҷанд” идома дорад.
Сарфи назар аз баъзе омилҳои таъсиррасони манфии беруна, нақшаи даромади буҷети маҳаллӣ 100,5 дарсад таъмин гардид.
Чор ярмаркаи ҷойҳои кори холӣ ва вазифаҳои озод баргузор шуда, 120 нафар сокини маҳаллӣ соҳиби кор ва шаҳрвандони зиёд соҳиби роҳхат ба касбомӯзӣ гардиданд. Дар корхонаи воҳиди давлатии «Маркази таълимии шаҳри Хуҷанд» 83 нафар ба курсҳои махсуси кӯтоҳмуддат, аз ҷумла кор бо компютер, дӯзандагӣ, сӯзанидӯзӣ, адрасбофӣ, қолинбофӣ, кешбофӣ, қаннодӣ, ошпазӣ, муҳосибӣ, барқчӣ, ороишгари мӯй ва касбҳои дигар ҷалб шуда, 255 нафар тариқи худмаблағгузорӣ соҳибкасб гардид. Дар заминаи татбиқи барномаи мусоидат ба шуғли аҳолӣ 431 корҷӯ бо ҷойи кори доимӣ ва мавсимӣ таъмин гашт.
Бовар аст, ки дар партави сиёсати оқилонаи Сарвари давлат муҳтарам Эмомалӣ Раҳмон шаҳри Хуҷанд бештару беҳтар рушд карда, ба як гӯшаи боз ҳам дилпазиру камназир табдил меёбад.

Кароматулло АТО,
“Ҷумҳурият”


Баёни ақида (0)    Санаи нашр: 12.05.2020    №: 90    Мутолиа карданд: 252
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед