logo

илм

Занони орёӣ тахтнишину чавгонбоз, гулдӯзу навозанда... буданд

Агар ба шоҳроҳи тӯлонӣ ва пур аз шебу фарози паймудаи инсоният назар афканем, дар он як чеҳраи зебою нуронӣ ва пайкари ҷозибу дилнишинеро мебинем, ки машъали нурафшонеро монад. Ин машъали  фурӯзон Зан-Модар аст, ки ба меҳри гарми хуршедии хеш роҳи башарро мунаввар намуда. 
Зан-Модар нахустин мавҷуди заминист, ки инсоният онро парастидааст. Муҷассамаву пайкараҳои Олиҳа – Модар  дар тамаддунҳои куҳани Шарқи бостон, аз ҷумла Орёнзамин фаровон ёфта шудаанд.
Тарроҳи азал ба бонувон чеҳраҳои дилкашу зеборо арзонӣ дошт. Анвои зеварҳои нафису нодири симину зарин оганда ба дурру лаълу ёқуту алмосро барои занон офаридаанд, то дилрабову нозанинтар бошанд.
Мо аз маҳсули хушу гуворои дастони Модар - ғизоҳои лазизу пероҳанҳои нарму гарму ҳарир ва гулдӯзиҳои нигоринаш, ки манзилҳоро ба гулхона табдил додаанд, ҳаловат мебарем. Имрӯз садҳо сӯзаниҳо ва зардӯзиҳои бонувони тоҷик толорҳои осорхонаҳои ҷаҳонро оро медиҳанд.
Бонувон дар ҳама замонҳо на танҳо чароғи рахшони хонавода, балки такондиҳандагони илму ҳунар, сиёсату иқтисод буданд ва  ба қадри ин қудрати нерӯи зеҳнии онҳо ниёгони мо  расидаанд. Тасвири зебои бонувони чобуксавору чавгонбоз ва навозандаву раққоса дар деворнигораҳо ва пайкараву мусаввараҳо гувоҳи ин гуфтаҳоянд. Номи шоираҳо ва навозандаҳои асрҳои гузашта ба ҳамагон шиносанд.
Муаррихони даврони куҳан ва асримиёна оид ба бонувони ҷасуру закию ҳушманде чун Рухшонаю Апама (духтари Спитамен), ки маликаҳои давлатҳои бузург буданд, ахбор додаанд. Наршахӣ маликаи мулки Бухороро «зани ширин ва боҷамол» номида, ки сарлашкари араб Саид волаву мафтуни ӯ гашта буд. Танҳо дар асри VII ду бону бонавбат соҳиби тахти мулки Панҷаканд будааст. Аммо пас аз ҳуҷуми даҳшатзои муғул кишвари мо хароб гашт ва аз он асрҳо бонувон ранҷҳо диданд, ҳуқуқу озодиҳои онон маҳдуд шуданд. Ва шукри Худо, ки як аср боз бонувони тоҷик баҳри фатҳи қуллаҳои баланди илм, маориф, ҳунар, тиб, варзиш, сиёсат ва ғайра кӯшиш доранд. Ояндаи бонувони мо дурахшон аст.

У. Зарвонӣ,
«Ҷумҳурият»


Баёни ақида (0)    Санаи нашр:    №:    Мутолиа карданд: 848

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед