logo

ҳуқуқ

ҲАЛНОМАИ БАҲСБАРАНГЕЗ Ё ЧАНД СУОЛИ БЕПОСУХ!

Сокини шаҳри Душанбе Рано Бурханова дар номае ба идораи рӯзномаи «Ҷумҳурият» ҳалли масъалаеро, ки вобаста ба баҳси қитъаи замин ва манзили истиқоматӣ дар асоси ваколатнома сурат гирифтааст, ноодилона арзёбӣ карда, қарору таъйиноти судии вобаста ба онро қонунӣ намедонад.

Омӯзиши номаи шикоятии муаллиф ба идораи рӯзнома, ки чанде қабл ворид шуда буд,  нишон дод, ки Рано Бурханова бо шаҳрванд Абдулло Эшназаров, зодаи шаҳри Турсунзода, 2 декабри соли 2003 ақди никоҳ баста, онро дар мақомоти САҲШ расман сабт намудаанд. Шавҳараш соли 2004 ба Федератсияи Россия рафтаву ӯ дар Душанбе мондааст.
Бино ба нақли Р. Бурханова онҳо соҳиби ду фарзанд буда, дар шаҳри Турсунзода соҳиби қитъаи замин ва манзили нимсохт дар он буданд, ки бо қарори Ҷамоати деҳоти Пахтаободи ноҳияи Турсунзода ба шавҳараш Абдулло Эшназаров вобаста шудааст. Вале чун шавҳар ба Россия рафту то ҳол барнагаштааст дар ин байн вазъи печидае ба миён омадааст, ки боиси саргардонии ин шаҳрванд гардидааст.
Моҳи апрели соли 2017 ба мақомоти иҷроияи ҳокимияти давлатии шаҳри Турсунзода барои ба номи худаш сабт намудани қитъаи замин ва манзили истиқоматӣ муроҷиат намуд. Ба ӯ посух доданд, ки ин хона 22 октябри соли 2016 ба шаҳрванд Н. Қурбоналиев фурӯхта шудааст.
Маълум гардид, ки духтари шавҳараш - Сайёра Шукурова (аз ҳамсари пешинааш) дар асоси нусхаи ваколатнома, ки гӯё падараш тавассути нотариуси шаҳри Москваи Федератсияи Россия аз 17 марти соли 2015 додааст, хонаро фурӯхтааст. Аммо, Рано Бурханова иддао дорад, ки шавҳари ӯ Абдулло Эшназаров аст ва дар ягон ҳуҷҷат номи падари ӯ - Эшназарович сабт нашудааст, ки дар идома оид ба ин масъала маълумоти бештар медиҳем.
Рано Бурханова дар суҳбат бо мо изҳор дошт, ки моҳи сентябри соли 2016 ба Суди шаҳри Турсунзода оид ба беэътибор донистани шартномаи хариду фурӯши манзили истиқоматӣ муроҷиат намуд ва моҳи декабри соли 2017 суд аризаи ӯро қонеъ гардонд. Зеро ба боварӣ вай, ваколатномае, ки манзили ӯ дар асоси он фурӯхта шудааст, ғайриқонунист. Чунки ваколатномаи аслӣ умуман вуҷуд надорад ва тибқи қонун дар сурати мавҷуд набудани ваколатномаи аслӣ С. Шукурова на танҳо худ ҳуқуқ надорад, дар мурофиаи судӣ иштирок намояд, балки дар асоси нусхаи ваколатнома ба дигар кас додани ваколатнома аз доираи салоҳияташ берун аст. С. Шукурова дидаву дониста ба чунин амали ғайриқонунӣ даст задааст, - таъкид кард Р. Бурханова. Гузашта аз ин, бо чунин ваколатномаҳои ғайриқонунӣ аризаҳои даъвогӣ нисбат ба бекор кардани ақди никоҳи Р. Бурханова бо А. Эшназаров ва тақсими молу мулк аз ҷониби шахсони алоҳида расидааст, ки боиси ҳайрати ин шаҳрванд гардидааст. Зеро ба қавли ӯ, қонун танҳо ба шавҳараш барои анҷоми чунин коре иҷозат медиҳад на шахсони дигар ва на дар асоси санади шубҳанок. 
Омӯзиши санад ва ҳуҷҷатҳое, ки Р. Бурханова зимни муроҷиат ба «Ҷумҳурият» бо худ овард, нишон медиҳанд, ки шахсияти Эшназаров Абдулло Эшназарович дар Ҷумҳурии Тоҷикистон ба қайд гирифта  нашудааст ва ӯ шаҳрванди Федератсияи Россия буда, сокини вилояти Тамбови ноҳияи Сампур, деҳаи Садовая, кӯчаи Магистралная 67 мебошад. Абдулло Эшназаров бошад, шавҳари Рано Бурханова, шаҳрванди Ҷумҳурии Тоҷикистон, зодаи деҳаи Ташкалоки шаҳри Турсунзода мебошад, ки ин ду шахс айният надоранд. Ин далелро суди ноҳияи Шоҳмансур дар пайи даъвои Р. Бурханова бо судури ҳалномае аз 15 апрели соли 2016 тасдиқ кардааст.
Рано Бурханова дар асоси ҳамин ҳалнома 9 ноябри соли 2017 дигарбора ба суди шаҳри Турсунзода бо аризаи даъвогӣ муроҷиат карда, талаб сохт, ки ваколатномаҳо беэътибор дониста шаванд. Аммо, аризаи ӯ зарфи ду сол бо сабаби ба мурофиаи судӣ наомадани ҷавобгар бе баррасӣ мононда шуд. Ҳамсуҳбати мо сабаби чунин кашолкории суд ва ба мурофиа ҳозир нашудани ҷавобгарро дар мавҷуд набудани нусхаи аслии ваколатнома арзёбӣ кард. Вале дар ниҳоят суди шаҳри Турсунзода  аризаи даъвогии Рано Бурхановаро нисбат ба Сайёра Шукурова, шахси сеюм Идораи нотариалии давлатии шаҳри Турсунзода дар бораи беэътибор донистани ваколатномаро рад кард. Ҳол он ки нусхаи асли ваколатнома аз ҷониби ҳеҷ як иштирокчии баҳси судӣ ба суд пешниҳод нашудааст.
Дар идома ин моҷаро то ба сатҳи Суди Олӣ рафт ва Рано Бурханова аз рӯи ин ҳалнома 19 августи соли 2019 шикояти кассатсионӣ навишт. Вале марҳилаи кассатсионӣ ҳам ин баҳсро нуқта нагузошт  ва ҳалномаи суди шаҳри Турсунзода бетағйир ва шикояти кассатсионӣ беқаноат мононда шуд.
Ақди никоҳи Рано Бурханова бо Абдулло Эшназаровро дар ҳоле бекор ва молу мулкашон бегона карда шудааст, ки ба шаҳодати худи Р. Бурханова аз соли 2016 ба ин сӯ аз шавҳараш дараке нест ва ӯ дар ин бора ба мақомоти дахлдори Федератсияи Россия ҷиҳати эълон намудани кофтуков дархост ирсол намудааст.
Зимни таҳқиқи маводе, ки Р. Бурханова дар ин бора ба ихтиёри рӯзнома гузошт, саволҳои норӯшане ба миён омад. Аз ин рӯ, мо дар нишасти матбуотӣ бо иштироки роҳбарияти Суди Олӣ ин масъаларо матраҳ кардем. Роҳбарияти Суди Олӣ итминон доданд, ки масъаларо мавриди омӯзиш қарор медиҳанд. Тавре Р. Бурханова иқрор кард, воқеан Суди Олӣ ба баррасии дигарбораи ин баҳс рӯ овард. Аммо, кор бенатиҷа анҷом шудааст.
Ҳоло Рано Бурханова дунболи посух пайдо кардан ба ин саволҳост:
Чаро суд тавассути мақомоти дахлдор шахсияти Эшназаров Абдулло Эшназарович, шаҳрванди Федератсияи Россия, сокини вилояти Тамбови ноҳияи Сампур, деҳаи Садовая, кӯчаи Магистралная 67, ки ба Сайёра Шукурова ваколатнома додааст, муайян накард?
Агар номбурда сокини вилояти Тамбов бошад, пас чаро ваколатнома на аз Тамбов, балки аз шаҳри Москва бидуни нишони муайяни нотариати давлатӣ фиристода шудааст?
Чаро ваҷҳи ҳалномаи суди ноҳияи Шоҳмансури шаҳри Душанбе аз 15 апрели соли 2016 дар бораи айният надоштани шахсияти Эшназаров Абдулло Эшназарович бо Эшназаров Абдулло аз ҷониби марҳилаҳои дигари судӣ дақиқан мавриди омӯзиш ва ба инобат гирифта нашуд?
Чаро Сайёра Шукурова нусхаи аслии ваколатномаро пешниҳод накард? Оё ваколатдоронаш ба суд ҳуқуқи пешниҳоди аризаҳои даъвогиро дар бораи бекор кардани ақди никоҳ ва тақсими молу мулк доштанд?
Умедворем, ки мақомоти салоҳиятдори давлатӣ баъд аз нашри матлаб ба ин суолҳо посухи мушаххас медиҳанд ва дар ниҳоят саргардониҳои ин шаҳрванд ба поён мерасад.

Мунаввари САФАР, «Ҷумҳурият»


Баёни ақида (0)    Санаи нашр: 21.05.2020    №: 96    Мутолиа карданд: 48
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед