logo

иқтисод

ЯЗГУЛОМ. ОЯНДАРО БО ДАСТИ ХУД МЕСОЗЕМ!

Хурду калони  деҳоти Язгуломи ноҳияи Ванҷ  басе ҳам сипосгузор ва миннатдоранд, ки баъди  ҳар  сафари кории Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ин водии баландкӯҳ  дар рӯзгори сокинон дигаргуниҳои мусбат ба вуқӯъ меоянд. Дар кӯтоҳтарин фурсат вусъати баланд пайдо кардани амалҳои ободонӣ, бунёдкориву созандагӣ ва  ба дигаргун гаштани  инфрасохтори деҳот, инчунин, ба зиндагонии  шоистаи рангину ширин  расидани мардум  далели ин гуфтаҳо мебошанд.
Мавриди зикр  аст, ки аҳолии деҳаҳои Язгулом мушкилоти бисёр доштанд. Ба деҳаҳои баландкӯҳи  водӣ роҳи мошин  набуд. Пулҳои нақлиётиву пиёдагузар дар ҳоли вайронӣ қарор доштанд, аҳолӣ аз истифодаи неруи барқ маҳрум буд. Муассисаҳои таълимӣ, тиббӣ ва фарҳангӣ  дар биноҳои  куҳна ва садамавӣ  ҷойгир буданд. Ин  музофот  киштзорону  боғоти зиёде дорад, вале  то даврони истиқлолият заминҳо аз нарасидани оби полизӣ кишт карда намешуданд, аксари  дарахтони боғистонҳо хушк мешуданд. 
Ниҳоят бахти мардум баландӣ кард ва  дар нахустин айёми истиқлолият бо дастуру ҳидоятҳои Роҳбари давлат  дар ҳамдастии мақомоти иҷроияи маҳаллии ҳокимияти давлатии Вилояти Мухтори Кӯҳистони Бадахшон, ноҳияи Ванҷ ва шарикони хориҷии рушд сараввал заминҳои ташналаби дашти Язгулом, ки қариб 70 гектарро ташкил медиҳад, бо об таъмин шуданд. Тариқи лӯлаҳои қутрашон калон дар масофаи 7 километр хати обгузари Мотравн - дашти Язгулом  бунёд гардид. Ҳоло дар ин масири серзамин ва боғоти  дорои садҳо бех дарахтони  туту зардолуи   шафати шоҳроҳи  байналхалқии  автомобилгарди Душанбе - Кӯлоб - Дарвоз - Хоруғ - Мурғоб - Қулма  макони нави аҳолинишин арзи вуҷуд намудааст. Қариб панҷоҳ хонавода манзилҳои истиқоматии ҷавобгӯи талаботи меъморӣ ва шаҳрсозӣ бунёд кардаанд. Ҳамаи ин ободгариҳо аз шарофати обёрӣ гардидани ин  мавзеи сарироҳӣ мебошад. Дар ин маънӣ басе ҳам дуруст гуфтаанд, ки ободӣ аз об аст, то реша дар об аст, умеди самар аст.
Ба гуфти роҳбари  хазинаи Оғохон дар ноҳияи Ванҷ Саидбек Қосимов,  баъди саросар обёрӣ гаштани дашти Язгулом дар ин водии баландкӯҳ   то  имрӯз боз чор деҳа аз оби  нӯшокӣ таъмин гардид. Аз ҷумла,  нарасидани оби полиз домангири  сокинони деҳаҳои Андарбаку Вишхарв ва Хнев буд. Ин мушкилот як моҳ пештар   ҳалли худро пайдо намуд. Аз дарёчаи Қумочдара дар масофаи қариб 7 километр  тариқи лӯлаҳои полиэтиленӣ бо дастгирии мақомоти иҷроияи маҳаллии ҳокимияти давлатии Вилояти Мухтори Кӯҳистони Бадахшон, ноҳияи Ванҷ ва саҳми сардори  раёсати Вазорати корҳои дохилии кишвар дар вилоят Абдураҳмон Аламшозода ва соҳибкорони  банангу номус ба маблағи 1 миллиону 200 ҳазор сомонӣ оби полизӣ ба ин русто оварда шуд. Ба ҳамин гуна орзуи асрҳо боз дар дилдоштаи  аҳолии  деҳаҳои Вишхарву Андарбак ҷомаи амал пӯшид. Акнун, ки ба ин мавзеъҳо об омадааст, деҳнишинон саъю талош доранд, ки то Ҷашни 30 - солагии Истиқлолияти  давлатӣ ба таври илова боз 22 гектар замини нав мекушоянд ва домони боғҳоро 15 гектар  васеътар менамоянд.
Ҳамсуҳбати мо Саидбек Қосимов зикр кард, ки бо дастгирии шарикони хориҷии рушд  ба маблағи қариб 700 ҳазор сомонӣ ва  190 ҳазор сомонӣ саҳми аҳолии деҳа   хати оби нӯшокӣ дар масофаи 11 километр  сохта, мавриди баҳрабардорӣ  қарор гирифт. Аз ин иншооти  обрасон бештар аз 80 хонавода, хонандагону омӯзгорони муассисаи таҳсилоти миёнаи умумии деҳа ва дигар идораву муассисаҳо истифода мебаранд.
Собиқадори меҳнат, собиқ директори мактаб ва раиси Ҷамоати деҳоти Язгулом Давлатбибӣ Орзуева  ба Пешвои муаззами миллат барои  дастгириҳои рӯзафзунашон дар ҳаққи сокинони Бадахшон, аз ҷумла водии Язгулом, изҳори  миннатдорӣ намуд. Мавриди зикр аст, таи солҳои  охир дар  ҳудуди деҳот се бинои нави таълимӣ,  касалхонаи минтақавӣ дар рустои Мотравн, чор бунгоҳи тиббӣ ва толорҳои варзиш сохта шудаанд. Роҳҳо тахту ҳамвор гашта, боз чор пули мошингузар аз болои Язгуломоб ва дарёчаҳои кӯҳӣ сохта мешавад.
Ҳамзамон, Саидбек Қосимов гуфт, ки то  Ҷашни  Рӯзи Ваҳдати миллӣ иншооти  обрасонӣ  ба деҳаи Андарбак низ ба дарозии 16 километр бунёд гашта,  мавриди истифода қарор мегирад. Аз оби мусаффои  дарёчаи Қумочдара 110 хонаводаи ин деҳаи баландкӯҳи  водии Язгулом  ва хонандагону омӯзгорони таълимгоҳи навбунёди деҳа истифода хоҳанд бурд. Ҳамчунин, то ин рӯзи таърихӣ дарозтарин хати обгузари 21 - километраи Чихох - Баравн  дар деҳоти Ҷовидони Ванҷи Боло мавриди баҳрабардорӣ қарор мегирад.

Муҳаммадзоиршо ШАРИФЗОДА, «Ҷумҳурият»,                                                      
Сироншоҳи ДИЛОВАР, Рӯзноманигор


Баёни ақида (0)    Санаи нашр: 04.06.2020    №: 104    Мутолиа карданд: 142
26.11.2020


ВОХӮРИИ РУСТАМИ ЭМОМАЛӢ БО СЕРГЕЙ СОБЯНИН

НОҲИЯИ ТЕМУРМАЛИК. ТАРБИЯИ ИҶТИМОӢ ТАРБИЯИ МИЛЛАТ АСТ

СУҒД. ИТТИФОҚИ КОРГОҲҲОИ САНОАТИ САБУК ТАЪСИС ЁФТ

ДИЕГО МАРАДОНА . НОБИҒАИ ФУТБОЛ БА ДУНЁИ УЛВӢ ПАЙВАСТ

ДАР АФҒОНИСТОН АЗ ДУ ТАРКИШИ САХТ 17 НАФАР ҲАЛОК ГАШТ

ҶАҲОН ДАР ЯК САТР

25.11.2020


«ШАХСИЯТИ БУЗУРГИ ТАЪРИХСОЗ»

СУДИ ОЛИИ ИҚТИСОДӢ. ҲАМОИШИ ИДОНА БА ИФТИХОРИ ҶАШНИ МИЛЛӢ

ПАРЧАМИ ДАВЛАТӢ РАМЗИ БАХТУ САОДАТ

КФО. "ИСТИҚЛОЛ" 13 ЗИНА БОЛО РАФТ

ДАР ТОҶИКИСТОН ТЕЪДОДИ ШИФОЁБӢ АЗ COVID НАЗАР БА ГИРИФТОРӢ БЕШТАР ШУД

ҶАҲОН ДАР ЯК САТР

23.11.2020


НОҲИЯИ ФИРДАВСӢ. МУҚОВИМАТ БО КОРРУПСИЯРО ТАҲКИМ МЕБАХШАНД

ПУТИН АЗ МАНСУБИЯТИ КӮҲИСТОНИ ҚАРИЯБОҒ СУХАН КАРД

ҶАҲОН ДАР ЯК САТР

ЭРЛИНГ ҲОЛАНД "GOLDEN BOY" ШУД

ПАХТА. ИҶРОИ 97 ДАРСАДИ ДУРНАМО

НОҲИЯИ БОБОҶОН ҒАФУРОВ. НАҚШАИ ИСТЕҲСОЛИ ПАХТА БАРЗИЁД ИҶРО ШУД

БУҶЕТИ ДАВЛАТӢ – 2021. 27 МИЛЛИАРДУ 645,8 МИЛЛИОН СОМОНӢ ПЕШБИНӢ ГАРДИД

КӮЛОБ. ХӮРОК БАРОИ ДАРМОН АСТ, НА ЗИЁН

СУҒД. ДОРУҲОИ ПАСТСИФАТРО НОБУД КАРДАНД

АФШУРАИ АНОР АНГЕЗАИ COVID - РО ТО 80 ДАРСАД МАҲВ МЕКУНАД

«ТОҶИКИСТОН – 2020». ФОРУМИ БАЙНАЛМИЛАЛИИ САЙЁҲӢ

19.11.2020


ВАҲДАТ. ШАҲР ШУКУФТАН ДОРАД

16 – НОЯБР. ИН РӮЗРО ДАР СУДИ ОЛИИ ИҚТИСОДӢ БОТАНТАНА ҶАШН ГИРИФТАНД

НУРОБОД. 30-СОЛАГИИ ИСТИҚЛОЛИЯТРО САЗОВОР ИСТИҚБОЛ МЕГИРЕМ

18.11.2020


НОҲИЯИ СПИТАМЕН. НАҚШАИ ИСТЕҲСОЛИ ПАХТА 100,1 ДАРСАД ИҶРО ГАРДИД

ҶАЙҲУН. САРВАЗИР БА ДАСТРАНҶИ КИШОВАРЗОН БАҲОИ БАЛАНД ДОД

КӮЛОБ. БУНЁДИ МАЙДОНЧАИ ВАРЗИШ

ТАШРИФИ САРМОЯГУЗОРОНИ КОРЕЯ БА МОИ «КӮЛОБ»

ХИЗМАТИ ҲАРБӢ. НАҚШАИ ДАЪВАТИ ТИРАМОҲӢ ПЕШ АЗ МУҲЛАТ ИҶРО ШУД

ҶОИЗАИ НАВБАТИИ СИНАМОГАРОНИ ТОҶИК

ДЗЮДО

КИШВАРҲОИ ОСИЁ ОИД БА КАЛОНТАРИН ДАР ҶАҲОН МИНТАҚАИ ТИҶОРАТИ ОЗОД ПАЙМОН БАСТАНД

ҶАҲОН ДАР ЯК САТР


Дар сомонаҳои дигари Тоҷикистон хонед