logo

иқтисод

НОҲИЯИ МИР САЙИД АЛИИ ҲАМАДОНӢ. КОРҲОИ ОБОДОНӢ ДАР АВҶАНД

Аҳли заҳмати ноҳияи  Мир Сайид Алии Ҳамадонӣ бо ҷонибдорӣ аз сиёсати бунёдкоронаи давлату Ҳукумати мамлакат ба хотири бо дастовардҳои бузург истиқбол гирифтани  Ҷашни фархундаи 30 - солагии Истиқлолияти давлатӣ имрӯзҳо корҳои ободонию созандагиро вусъат бахшидаанд.

Тавре Бозоралӣ Одиназода, раиси ноҳия, иттиллоъ дод, дар ноҳия ба истиқболи ҷашн бунёду таъмири 242 иншоот ба нақша гирифта, аз ин   шумора то ҳол сохтмону таъмири 132 иншоот, анҷом ёфтааст. Аз ҷумла, 11 корхонаи саноатӣ, 35 маркази хизматрасонӣ  ва  9  толору майдончаи варзиш  мавриди баҳрабардорӣ қарор гирифт.
Давоми соли 2020 бунёду навсозии 112 иншоот ба нақша гирифта, дар се моҳи соли ҷорӣ  30 иншоот ба истифода дода шуд. Соҳибкори ватанӣ Далер Хушвахтов бо маблағи 300 ҳазор сомонӣ толори варзишии кушоду барҳаво бо тамоми таҷҳизоти замони муосир сохта, барои сокинони Ҷамоати шаҳраки Москва пешкаш намуд. Аз тарафи Агентии давлатии суғуртаи иҷтимоӣ ва нафақаи назди Ҳукумати ҷумҳурӣ дар маркази ноҳия бинои нави раёсати агентӣ бо маблағи 1 миллиону 300 ҳазор сомонӣ бунёд ёфт.
Корҳои ободонию созандагӣ дар ҷамоатҳои деҳоти ноҳия вусъати бештар доранд. То имрӯз роҳҳои 10 маҳаллаи аҳолинишин бо дарозии 22 километр мумфарш ва 39 километр сангфарш шуда, 3 пули мошингузар бунёд ёфт. Дар 8 маҳалла хати оби нӯшоӣ кашида шуд. Бо мақсади таъмини босифати аҳолӣ бо қувваи барқ 12 зеристгоҳ ва зиёда аз 400 пояи бетонӣ нав карда, ба масофаи 5 километр хати нави барқ кашида шуд.
Бо саъю кӯшиши соҳибкори маҳаллӣ Аҳтам Файзов дар деҳаи Туғули Ҷамоати деҳоти Чӯбек маркази хизматрасонӣ ифтитоҳ ёфт, ки он аз мағозаи молҳои омехта, таъмири нақлиёт ва меҳмонхона иборат мебошад. Дар деҳаи Иқболи Ҷамоати деҳоти ба номи Саидқул Турдиев коргоҳи бандубаст ва истеҳсоли ҷӯроб  ба истифода дода шуд ва  дар он 20 сокини маҳаллӣ соҳиби ҷои кори доимӣ гардид. Ҳамзамон, дар деҳаи Файзободи Ҷамоати деҳоти Даштигуло маркази хизматрасонии «Даҳбед» ба фаъолият оғоз кард. Маҷмааи мазкур аз ҷойи мошиншӯӣ, нуқтаи хизматрасонии БДА «Амонатбонк», устохонаи мебелсозӣ, мағозаи молҳои хоҷагӣ, кошонаи ҳусн, маслиҳатхонаи ҳуқуқӣ, дукони хизматрасониҳои компютерӣ ва толори саққобозӣ иборат буда, дар он 22 нафар бо ҷои кор таъмин аст. Бо саҳми соҳибкорони ҳимматбаланд Асад Абдуллоев ва Ҷиёнхон Мирзоев дар деҳаи Марғоб корхонаи шарбатбарорӣ бунёд ёфта, кӯпруки байни деҳаҳои Пушкин ва Дараи Калот баъди навсозӣ мавриди истифода қарор дода шуд. Бунёди 3 муассисаи таълимӣ, гулгашти назди муҷассамаи Исмоили Сомонӣ, 3 бунгоҳи тиббӣ,  маркази саломатӣ, корхонаи парандапарварӣ, 2 китобхона, 2 майдони варзиш, корхонаи коркарди намак, 3 сартарошхона, азнавсозии боғи фарҳангӣ, таъмири 2 беморхонаи минтақавӣ, бинои шуъбаи ҷарроҳии беморхонаи марказии ноҳия ва нуқтаи ҳозиршавии даъватшавандаҳо дар комиссарияти ҳарбӣ аз зумраи созандагиҳоеанд, ки итмомашон имсол ба нақша гирифта шудааст. 
Дар доираи татбиқи ҳадафи чоруми стратегӣ – саноатикунонии босуръати мамлакат дар ноҳия бунёду навсозии 13 корхонаи саноатии истеҳсолӣ дар назар аст, ки тибқи нақша то Ҷашни 30 – солагии Истиқлолияти давлатӣ мавриди истифода қарор дода мешаванд.

Холназар КАСИРОВ, «Ҷумҳурият»


Баёни ақида (0)    Санаи нашр: 08.06.2020    №: 106    Мутолиа карданд: 199
25.11.2020


«ШАХСИЯТИ БУЗУРГИ ТАЪРИХСОЗ»

СУДИ ОЛИИ ИҚТИСОДӢ. ҲАМОИШИ ИДОНА БА ИФТИХОРИ ҶАШНИ МИЛЛӢ

ПАРЧАМИ ДАВЛАТӢ РАМЗИ БАХТУ САОДАТ

КФО. "ИСТИҚЛОЛ" 13 ЗИНА БОЛО РАФТ

ДАР ТОҶИКИСТОН ТЕЪДОДИ ШИФОЁБӢ АЗ COVID НАЗАР БА ГИРИФТОРӢ БЕШТАР ШУД

ҶАҲОН ДАР ЯК САТР

23.11.2020


НОҲИЯИ ФИРДАВСӢ. МУҚОВИМАТ БО КОРРУПСИЯРО ТАҲКИМ МЕБАХШАНД

ПУТИН АЗ МАНСУБИЯТИ КӮҲИСТОНИ ҚАРИЯБОҒ СУХАН КАРД

ҶАҲОН ДАР ЯК САТР

ЭРЛИНГ ҲОЛАНД "GOLDEN BOY" ШУД

ПАХТА. ИҶРОИ 97 ДАРСАДИ ДУРНАМО

НОҲИЯИ БОБОҶОН ҒАФУРОВ. НАҚШАИ ИСТЕҲСОЛИ ПАХТА БАРЗИЁД ИҶРО ШУД

БУҶЕТИ ДАВЛАТӢ – 2021. 27 МИЛЛИАРДУ 645,8 МИЛЛИОН СОМОНӢ ПЕШБИНӢ ГАРДИД

КӮЛОБ. ХӮРОК БАРОИ ДАРМОН АСТ, НА ЗИЁН

СУҒД. ДОРУҲОИ ПАСТСИФАТРО НОБУД КАРДАНД

АФШУРАИ АНОР АНГЕЗАИ COVID - РО ТО 80 ДАРСАД МАҲВ МЕКУНАД

«ТОҶИКИСТОН – 2020». ФОРУМИ БАЙНАЛМИЛАЛИИ САЙЁҲӢ

19.11.2020


ВАҲДАТ. ШАҲР ШУКУФТАН ДОРАД

16 – НОЯБР. ИН РӮЗРО ДАР СУДИ ОЛИИ ИҚТИСОДӢ БОТАНТАНА ҶАШН ГИРИФТАНД

НУРОБОД. 30-СОЛАГИИ ИСТИҚЛОЛИЯТРО САЗОВОР ИСТИҚБОЛ МЕГИРЕМ

18.11.2020


НОҲИЯИ СПИТАМЕН. НАҚШАИ ИСТЕҲСОЛИ ПАХТА 100,1 ДАРСАД ИҶРО ГАРДИД

ҶАЙҲУН. САРВАЗИР БА ДАСТРАНҶИ КИШОВАРЗОН БАҲОИ БАЛАНД ДОД

КӮЛОБ. БУНЁДИ МАЙДОНЧАИ ВАРЗИШ

ТАШРИФИ САРМОЯГУЗОРОНИ КОРЕЯ БА МОИ «КӮЛОБ»

ХИЗМАТИ ҲАРБӢ. НАҚШАИ ДАЪВАТИ ТИРАМОҲӢ ПЕШ АЗ МУҲЛАТ ИҶРО ШУД

ҶОИЗАИ НАВБАТИИ СИНАМОГАРОНИ ТОҶИК

ДЗЮДО

КИШВАРҲОИ ОСИЁ ОИД БА КАЛОНТАРИН ДАР ҶАҲОН МИНТАҚАИ ТИҶОРАТИ ОЗОД ПАЙМОН БАСТАНД

ҶАҲОН ДАР ЯК САТР

«АМОНАТБОНК». РАИСӢ ДАР ИТТИҲОДИ БАЙНИБОНКИИ СҲШ

ДДЗТ. ТАНТАНАИ РӮЗИ ПРЕЗИДЕНТ

12.11.2020


КФО

МОСКВА БАРОИ ЁРӢ БА СУРИЯ БЕШ АЗ $1 МИЛЛИАРД ҶУДО НАМУД

ҶАҲОН ДАР ЯК САТР

11.11.2020


БУНЁДИ 532 ИНШООТИ ТИББӢ


Дар сомонаҳои дигари Тоҷикистон хонед