logo

мулоқотҳо

Ба сохтмони нерӯгоҳи Роғун таваҷҷӯҳ бештар мегардад

10 март Президенти Ҷумҳурии Тоҷикистон Эмомалӣ Раҳмон директори Бонки ҷаҳонӣ оид ба кишварҳои Осиёи Марказӣ Мото Кониширо ба ҳузур пазируфт.
Дар мулоқот масоили кунунӣ ва дурнамои ҳамкории гуногунҷанбаи Тоҷикистону Бонки ҷаҳонӣ баррасӣ шуданд.

Таваҷҷӯҳи асосӣ ба татбиқи Стратегияи кишварии шарикии Бонки  ҷаҳонӣ бо Тоҷикистон, дастгирии кишвар баҳри коҳиш додани таъсири манфии бӯҳрони ҷаҳонии молиявию иқтисодӣ ва масоили сохтмони иншооти гидроэнергетикӣ зоҳир гардид.
Сарвари давлат Эмомалӣ Раҳмон таъкид дошт, ки «Стратегияи кишварии шарикии Бонки умумиҷаҳонӣ бо Тоҷикистон барои солҳои 2010-2013 бояд бо назардошти дархосту пешниҳодҳои Ҳукумати Тоҷикистон такмил дода шавад».
Гуфтугӯи судманд оид ба сохтмони нерӯгоҳи Роғун, аз ҷумла доир ба омодасозии асоснокии техникӣ-иқтисодӣ ва баҳодиҳии таъсири иҷтимоӣ-экологии ин лоиҳа сурат гирифт.
Мото Конишӣ иттилоъ дод, ки бо дархости Ҳукумати Тоҷикистон, ки се сол пеш равона гашта буд, ахиран аз ҷониби Бонки ҷаҳонӣ супориши техникӣ оид ба гузарондани асоcноккунии техникӣ – иқтисодии лоиҳаи сохтмони нерӯгоҳи Роғун ва баҳодиҳии таъсири иҷтимоӣ-экологии он омода гашт. Ба гуфти Мото Конишӣ, барои интихоби ширкатҳо ва мутахассисони амаликунандаи ин корҳо тақрибан 3 моҳ ва барои гузарондани асосноккунии техникӣ – иқтисодӣ ва баҳодиҳии таъсири иҷтимоӣ-экологии лоиҳаи сохтмони нерӯгоҳи Роғун аз 12 то 18 моҳ вақт сарф хоҳад шуд.
Сарвари давлат Эмомалӣ Раҳмон таъкид намуд:
-Асосноккунии техникӣ – иқтисодӣ ва баҳодиҳии таъсири иҷтимоӣ-экологии лоиҳа бояд аз ҷониби ширкатҳо ва мутахассисони эътирофшудаи ҷаҳонӣ дар сатҳи хеле баланд ва холисона анҷом дода шавад, то ки ҳеҷ гуна шакку шубҳа оид ба бехатарии нерӯгоҳи Роғун боқӣ намонад.
Мото Конишӣ ҳамчунин таъкид дошт, ки дар сурати ба натиҷаҳои дилхоҳ анҷом ёфтани асосноккунии техникӣ-иқтисодӣ ва баҳодиҳии таъсири иҷтимоӣ-экологии лоиҳаи сохтмони нерӯгоҳи Роғун Бонки  ҷаҳонӣ ба Ҳукумати Тоҷикистон дар ташкил додани консорсиуми байналмилалӣ ва дарёфти сарчашмаҳои маблағгузории идомаи сохтмони  ин нерӯгоҳ кӯмак хоҳад кард.
Таваҷҷӯҳи зиёд ҳамчунин ба татбиқи лоиҳаи бунёди хати 500- киловолтаи КАСА  - 1000, ки бояд аз Қирғизистону Тоҷикистон ба Афғонистону Покистон кашида шавад, сурат гирифт. Ба иттилои Мото Конишӣ асоснокии техникӣ-иқтисодии лоиҳаи бунёди ин хати интиқоли барқи баландшиддат моҳҳои август-октябри соли равон бояд омода шавад.
Таъкид гардид, ки омодасозии асоснокии техникӣ-иқтисодӣ ва баҳодиҳии таъсири иҷтимоӣ-экологии лоиҳаи сохтмони нерӯгоҳи Роғун ва ҳам лоиҳаи КАСА – 1000 аз ҷониби Бонки ҷаҳонӣ маблағгузорӣ карда мешавад.
х х х
Мото Конишӣ, директори Бонки ҷаҳонӣ оид ба кишварҳои Осиёи Марказӣ, пас аз дидору гуфтугӯ бо Эмомалӣ Раҳмон, Президенти  Ҷумҳурии Тоҷикистон, андешаҳояшро аз натиҷаҳои мулоқот ба намояндагони воситаҳои ахбори омма ба таври мухтасар чунин баён намуд:
-Мо бо ҷаноби Президент масоили вобаста ба бунёди иншооти гидроэнергетикии Тоҷикистон, бавижа  Нерӯгоҳи барқи обии Роғунро мавриди баррасии ҳамаҷониба қарор додем. Ман ба Президент дар бораи омода гардидани супориши техникӣ ҷиҳати гузарондани асоснокии техникӣ-иқтисодии тарҳи Роғун ва таъсири он  ба  муҳити  зист  маълумоти муфассал  додам. Ҷаноби Эмомалӣ Раҳмон, Президенти Ҷумҳурии Тоҷикистон, таъкид ба амал овард, ки кулли корҳои вобаста ба асосноксозии техникӣ-иқтисодӣ ва баҳодиҳӣ ба таъсири экологии иншоот бояд дар сатҳи ниҳоят баланди байналмилалӣ сурат бигирад.
 Мото Конишӣ иброз дошт, ки дар асосноксозии техникӣ-иқтисодии НБО-и Роғун на танҳо мутахассисони варзидаи Бонки ҷаҳонӣ, балки гурӯҳи коршиносони сатҳи байналмилалӣ низ ҷалб карда мешаванд. Ба гуфти ӯ, Президенти Тоҷикистон дар ин замина бо исрор талаб кардааст, ки натиҷаҳои ниҳоии ташхис ба маълумоти ҳамаи кишварҳои минтақа расонда шаванд, то онҳо дар бораи бехатарии сохтмони НБО-и Роғун мутмаин гарданд ва дар ин масъала дигар ягон хел шакку шубҳа намонад.
 Мо бо ҷаноби Президент ба мувофиқа расидем, ки дар ҳолати мусбат анҷом пазируфтани ташхиси техникию иқтисодӣ ва иҷтимоию экологии тарҳи Роғун Бонки ҷаҳонӣ дар ташкили консорсиуми байналмилалӣ  ба Ҷумҳурии Тоҷикистон кӯмак хоҳад кард. Ҳамзамон Бонки ҷаҳонӣ ва роҳбарияти Ҷумҳурии Тоҷикистон дар ин замина меморандуми ҳусни тафоҳум  ба имзо мерасонанд, ки мувофиқи он нақши БҶ дар ташкили консорсиуми байналмилалӣ муайян хоҳад гашт.
Директори Бонки ҷаҳонӣ оид ба кишварҳои Осиёи Марказӣ  дар мавриди идомаи сохтмони нерӯгоҳ дар ҷараёни гузаронидани  асоснокии техникӣ-иқтисодии тарҳи Роғун ва таъсири он ба муҳити зист баёни андеша намуда, тазаккур дод, ки ин масъала дар маркази таваҷҷӯҳи ҷонибҳо қарор дошт. Мо эҳтимолияти ҷалби муҳандисон, мушовирон ва намояндагони ширкатҳои бонуфузи байналмилалиро ҷиҳати назорати сифати корҳои барқарорсозӣ матраҳ намудем. Корҳои барқарорсозии НБО-и Роғун дар рафти гузарондани ташхис низ идома хоҳанд ёфт.

Додоҷон Рӯзиев,
«Ҷумҳурият»


Баёни ақида (0)    Санаи нашр:    №:    Мутолиа карданд: 751

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон


Дар сомонаҳои дигари Тоҷикистон хонед