logo

иқтисод

ХАТЛОН. ВУСЪАТИ ТОЗАИ КИШТУКОР

Эмомалӣ Раҳмон, Президенти кишвар, зимни суҳбати телефонӣ ба раиси вилояти Хатлон ва чанде аз раисони шаҳру ноҳияҳо доир ба вусъати кишти такрорӣ, истифодаи самараноки замин ва таъмини фаровонии бозори истеъмолӣ бо маҳсулоти хушсифати ватанӣ супоришҳои қатъӣ доданд. Илова бар ин, Пешвои миллат бо назардошти вазъи имрӯзаи ҷомеаи ҷаҳонӣ ҳамаи мутасаддиёни арсаи кишоварзии мамлакатро муваззаф карданд, ки нақшаи кишти зироат, мушаххасан майдони кишти картошкаро 40 дарсад ва майдони кишти такрориро аз ҳисоби ғалладона, лӯбиё ва ҷуворимаккаи дон то 60 дарсад зиёд намоянд. 

 
Ғазалшо Сафарзода, роҳбари дастгоҳи раиси вилояти Хатлон, иттилоъ дод, ки бо мақсади иҷрои дастурҳои Пешвои миллат аз ҷониби мақомоти иҷроияи ҳокимияти давлатии вилоят чор гурӯҳи корӣ таъсис ёфта, айни замон корҳои оммафаҳмонӣ дар масъалаи истифодаи дурусти қитъаҳои замини назди ташкилоту идораҳо, манзилҳои зист ва хоҷагиҳои деҳқонӣ мувофиқи мақсад ҷараён доранд.
Донишгоҳи давлатии Бохтар ба номи Носири Хусрав панҷ гектар замин дорад, ки ба қавли масъулон, дар 3 гектари он боғ бунёд шуда, дар ду гектари дигар картошка, тарбуз, пиёз ва харбуза кишт кардаанд. Дар байни дарахтон низ зироатҳои кишоварзӣ кишт шудаанд.
Замини назди бинои Кумитаи иҷроияи ҲХДТ дар вилояти Хатлон низ босамар истифода мешавад. 
– Дар замини назди идора ба ҷуз дарахтҳои мевадиҳандаи гелос, хурмо, зардолу, шафтолу, олуболу ва ток боз помидор, қаланфур, лӯбиё, кашничу шибит ва занҷабил кишт намуда, ният дорем, ки ҳосили онҳоро ба кормандон ройгон тақсим кунем, – гуфт боғбон Асадулло Убайдуллоев. – Аз субҳи содиқ то бегоҳ ба ин хотир заҳмат кашида истодаем, ки кормандон аз маводи ғизоии тару тоза танқисӣ накашанд.  
Баҳромшоҳ Акобиров, сокини ноҳияи Кӯшониён, чанд сол аст, ки дар замини наздиҳавлигии худ парвариши гулкарам ва картошкаро ба роҳ мондааст. Баъд аз ҷамъоварии ҳосил ҷуворимаккаи дон, помидор, бодиринг ва дигар зироатҳои кишоварзӣ коштанист. 
- Агар ҳар як ваҷаби заминро  оқилона истифода барем, ниёз ба муҳоҷири меҳнатӣ шудан нест. Аз аҳли оилаи мо чанд сол боз, хушбахтона, касе ба мардикорӣ намеравад. Ҳама каму кости зиндагиро аз ҳисоби даромади деҳқонӣ дуруст мекунем, – гуфт ӯ.
– Мо ягон сол картошка, лӯбиё, нахӯд, помидор ва бодирингро аз бозор намехарем, – иброз дошт Муҳаммад, сокини ноҳияи Вахш. – Ягон ваҷаби замини наздиҳавлиро холӣ намемонем. Ҳоло дар  чор садяк (0,04 гектар) картошка, лӯбиё, помидор ва бодиринг кишт кардаем, ки нашъунамояшон хеле хуб аст.
Ба гуфтаи деҳқони ҷавони кӯшониёнӣ – Сулаймон, ки 4 гектар замин дар ихтиёр дорад, маҳз истифодаи пурсамар аз замин дороиҳои оилавии онҳоро бештар кард. 
- Дар муддати кӯтоҳ соҳиби мошин ва хонаи нав шудем. Зиндагиамон хеле хуб гузашта истодааст. Ният дорем, ки картошкаро ҷамъоварӣ карда, бо нархи нисбатан арзон фурӯшем. Баъдан, заминро пору дода, боз кишти такрорӣ мегузаронем. Зеро мо аз холӣ мондани он фоида не, зарар мебинем, – гуфт ӯ. 
Амирбеки Темур, сардори сарраёсати кишоварзии вилоят, иброз дошт, ки деҳқонони вилояти Хатлон дар парвариши маҳсулоти кишоварзӣ таҷрибаи бой дошта, ҳамасола майдони киштро зиёд намуда истодаанд. Ва ба гармии ҳаво ва воҳимаҳо аз вирусе, ки ҷаҳонро нигарон намудааст, нигоҳ накарда, ба киштукори баҳорӣ ва нигоҳубини маҳсулоти кишоварзии худ  машғул ҳастанд. 
- Барзгарон дар майдони 128 ҳазору 142 гектар ғалладона, 113 ҳазору 498 гектар гандум, 3 ҳазору 548 гектар ҷуворимакка, 8 ҳазору 748 гектар ҷав коштаанд. Масоҳати кишти пахта 108 ҳазору 888 гектар, зироатҳои техникӣ 117 ҳазору 652 гектар, офтобпараст 707 гектар, зағир 4 ҳазору 751 гектар, полизиҳо 9 ҳазору 556 гектар ва сабзавот 19 ҳазору 371 гектарро ташкил медиҳанд. Дар майдони 10 ҳазору 440 гектар пиёз, 2 ҳазору 89 гектар сабзӣ, 922 гектар карам, 2 ҳазору  887 гектар помидор, 1 ҳазору 750  гектар бодиринг, 5 ҳазору 438 гектар картошка ва намудҳои дигари зироат кишт шудаанд. Дурнамои кишти заминҳои наздиҳавлигӣ 307 ҳазору 944 гектар буда, иҷрои он то имрӯз 289 ҳазору 473 гектарро ташкил медиҳад, – гуфт ӯ ва илова кард, ки бояд дар майдони 143 ҳазору 28 гектар кишти такрории зироатҳо гузаронда шавад. Деҳқонони ноҳияҳои Панҷу Ҷайҳун аллакай корро оғоз кардаанд. 
Мутаассифона, дар баъзе аз шаҳру ноҳияҳои вилояти Хатлон аҳолӣ, кормандони ташкилоту идораҳо ва хоҷагиҳои деҳқонӣ муҳимияти ин дастури Сардори давлатро ҳанӯз дуруст дарк накардаанд.  
Сафарбек Шарифзода, муовини роҳбари ситоди вилоятӣ оид ба истифодаи пурсамари замин, зимни як ҷаласаи вижа мисол овард, ки дар ноҳияи Хуросон қисме аз заминҳои наздиҳавлигӣ ва ташкилоту идораҳо, хоҷагиҳои деҳқонӣ, байни қаторҳои боғҳо ва заминҳои назди масҷидҳо дуруст истифода намешаванд. 
Паҳншавии бемории COVID-19, ки алъон ба мушкили рақами яки ҳамаи кишварҳои олам табдил ёфтааст, ба воридоту содироти молу маҳсулот бетаъсир нахоҳад монд. Биноан, аҳолӣ, кормандони ташкилоту идораҳо ва роҳбарони хоҷагиҳои деҳқониро зарур аст, ки ҳар як ваҷаб заминро пурсамар истифода баранд, то дар ҳама фаслҳои сол фаровонии бозори истеъмолии мамлакат таъмин гардад. 
 
Зокир ҲАСАН, 
“Ҷумҳурият”


Баёни ақида (0)    Санаи нашр: 26.06.2020    №: 118    Мутолиа карданд: 121
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед