logo

иқтисод

СЕБИСТОН. ШАҲРАК НАМОИ ТОЗА МЕГИРАД

Сокинони меҳнатдӯст, соҳибкорони баору номуси Ҷамоати деҳоти Себистони ноҳияи Данғара, дар қатори дигар ҳамватанони худ, азм доранд, ки барои сазовор истиқбол гирифтани Ҷашни 30 -  солагии Истиқлолияти давлатӣ дар обод кардани як гӯшаи Ватани маҳбуби худ саҳм гузоранд. Ба ин муносибат, дар ҳудуди ҷамоат бунёди 29 иншооти ҷашнӣ ба нақша гирифта шуда, аз ин шумора то имрӯз 8-тои он мавриди баҳрабардорӣ қарор гирифтааст. Ин ҳанӯз шумораи ниҳоии иншооти ҷашнӣ набуда, интизор меравад, ки теъдоди онҳо аз ҷониби соҳибкорон афзоиш ёбад.
Тавре Фарҳод Саймуродзода, муовини раиси ҷамоат, ба хабарнигори рӯзномаи «Ҷумҳурият» иттилоъ дод, ду муассисаи таълимӣ дар деҳаҳои Розиён ва Шар - Шар, беморхонаи минтақавии Себистон дар маркази ҷамоат – деҳаи Хоҷа Шақиқи Балхӣ, маркази саломатии деҳаи Шамолдара, бунгоҳи тиббии деҳаи Новобод ва маркази хизматрасонӣ (ҳаммом, меҳмонхона дорои 15 ҷои хоб, кошонаи ҳусн, толори варзиш) аз ҷумлаи иншооте мебошанд, ки, аллакай, ба сокинони ҷамоат хизмат мерасонанд.
Беморхонаи минтақавии Себистон, ки таъмирталаб буд, пурра навсозӣ шуда, 50 нафар корманди соҳа бо кор таъмин шуд. Ба кор даровардани беморхонаи мазкур мушкилоти сокинони маҳаллӣ, аз ҷумла деҳаҳои ҳудуди ҷамоат ва атрофи он ҳал шуда, мардум минбаъд бо сарсонӣ ба маркази ноҳия ва дигар беморхонаҳо намераванд.
- Аз ҷониби соҳибкорони ватандӯсти маҳаллӣ дар деҳаҳои Шар – Шар ва Хоҷа Шақиқи Балхӣ, дар маҷмӯъ, зиёда аз 3 километр роҳҳои байни кӯчаҳо мумфарш гардид. Сокинони маҳаллӣ низ аз ин амалҳои ободкоронаи соҳибкорон илҳом гирифта, ба хотири пешвози ҷашни умумимиллӣ ба обод ва рангубори хонаву дар ва деворҳои гирди ҳавлии худ шурӯъ кардаанд. Бояд гуфт, ки аз маркази ҷамоат шоҳроҳи байналмилалӣ мегузарад. Аҳолии ду тарафи шоҳроҳ деворҳои худро хишти бетонӣ ва якранг карда, ба ин васила дар зебогии деҳаи худ ҳисса гузошта истодаанд. Дар ин самт низ соҳибкорони саховатпеша ба оилаҳои шароиташон нисбатан маҳдуд ёрӣ мерасонанд, - гуфт Ф. Саймуродзода.
Бо ташаббуси соҳибкори маҳаллӣ Қиёмиддин Фазлиддинов дар деҳаи Хоҷа Шақиқи Балхӣ як фабрикаи парандапарварӣ бунёд ёфта, ба фаъолият шурӯъ кардааст. Дар он 10 ҳазор сар мурғ парвариш ёфта, гӯшти он баъди 40 рӯз ба фурӯш бароварда мешавад. Дар коргоҳ 10 нафар ба таври доимӣ ва 15 нафар сокини маҳаллӣ, аз ҷумла бонувони хонашин, ба кор ва маоши хуб таъминанд.
Дар баробари дигар иншооти ҷашнӣ, инчунин, дар деҳаи Хоҷа Шақиқи Балхӣ фабрикаи парандапарварие бунёд шуда истодааст, ки дар минтақа назир надорад. Тибқи лоиҳа, иншооти мазкур аз 24 бинои мурғхона иборат буда, ҳар кадоме бо дарозии 96 метр бунёд мегардад. Айни ҳол, сохтмони 12 мурғхона ҷараён дорад. Дар 24 бино дар ду даври истеҳсолӣ  450 ҳазор сар мурғ ва дар як сол 2,8 миллион сар паранда парвариш ёфта, зиёда аз 5140 тонна гӯшти парҳезӣ истеҳсол мешавад. Баъди пурра ба фаъолият оғоз намудан, дар маҷмӯъ 270 нафар бо ҷои кори доимӣ ва маоши баланд таъмин хоҳанд шуд.
Илова бар ин, феълан дар як иншооти дигар корҳои  сохтмонӣ идома доранд. Аз ҷумла, дар деҳаи Хоҷа Шақиқи Балхӣ маркази хизматрасонии сеошёна, ки иборат аз мағоза, толори варзиш, ошхона ва дигар иншооти хизматрасонӣ иборат хоҳад буд, бунёд мегардад.
Бояд ёдрас шуд, ки боду ҳавои Ҷамоати деҳоти Себистон барои бунёди боғу токзор хеле муносиб аст. Ҳанӯз аз солҳои шӯравӣ аз ин минтақа ба хориҷи кишвар ангур содирот мешуд. Ҳоло низ дар ҳудуди ҷамоат садҳо гектар токзор мавҷуд аст, ки дар таъмини бозори дохилӣ бо ангури хушсифат саҳм дорад. Ба истиқболи Ҷашни 30 – солагии Истиқлолияти давлатӣ боз бунёди боғу токзорҳои нав ба нақша гирифта шуда, то имрӯз, аллакай, 4 гектар токзор ва 3 гектар дигар намуди меваҷот бунёд шудааст.  
Дар маҷмӯъ, вусъати корҳои ободонӣ нишон медиҳад, ки соҳибкорону сокинони ноҳияи Данғара, аз ҷумла Ҷамоати деҳоти Себистон азм доранд, ки ин ҷашни муҳимро бо дастовардҳои намоён истиқбол намуда, симои ин гӯшаи диёри азизи хешро тарҳи тозаву нав бахшанд. 
 
Лашкар ШАРИФЗОДА, «Ҷумҳурият»


Баёни ақида (0)    Санаи нашр: 02.07.2020    №: 121    Мутолиа карданд: 435
30.11.2020


ВАО: БАЙДЕН БОРИ НАХУСТ ДАР ТАЪРИХИ ИНТИХОБОТИ ИМА 80 МИЛЛИОН ОВОЗ ГИРИФТ

ҶАҲОН ДАР ЯК САТР

ТАҒЙИРОТ БА ҚОНУН. МУТАХАССИСОН БО НАЗАРДОШТИ ТАЛАБОТИ БОЗОРИ МЕҲНАТ ОМОДА МЕГАРДАНД

26.11.2020


ВОХӮРИИ РУСТАМИ ЭМОМАЛӢ БО СЕРГЕЙ СОБЯНИН

НОҲИЯИ ТЕМУРМАЛИК. ТАРБИЯИ ИҶТИМОӢ ТАРБИЯИ МИЛЛАТ АСТ

СУҒД. ИТТИФОҚИ КОРГОҲҲОИ САНОАТИ САБУК ТАЪСИС ЁФТ

ДИЕГО МАРАДОНА . НОБИҒАИ ФУТБОЛ БА ДУНЁИ УЛВӢ ПАЙВАСТ

ДАР АФҒОНИСТОН АЗ ДУ ТАРКИШИ САХТ 17 НАФАР ҲАЛОК ГАШТ

ҶАҲОН ДАР ЯК САТР

25.11.2020


«ШАХСИЯТИ БУЗУРГИ ТАЪРИХСОЗ»

СУДИ ОЛИИ ИҚТИСОДӢ. ҲАМОИШИ ИДОНА БА ИФТИХОРИ ҶАШНИ МИЛЛӢ

ПАРЧАМИ ДАВЛАТӢ РАМЗИ БАХТУ САОДАТ

КФО. "ИСТИҚЛОЛ" 13 ЗИНА БОЛО РАФТ

ДАР ТОҶИКИСТОН ТЕЪДОДИ ШИФОЁБӢ АЗ COVID НАЗАР БА ГИРИФТОРӢ БЕШТАР ШУД

ҶАҲОН ДАР ЯК САТР

23.11.2020


НОҲИЯИ ФИРДАВСӢ. МУҚОВИМАТ БО КОРРУПСИЯРО ТАҲКИМ МЕБАХШАНД

ПУТИН АЗ МАНСУБИЯТИ КӮҲИСТОНИ ҚАРИЯБОҒ СУХАН КАРД

ҶАҲОН ДАР ЯК САТР

ЭРЛИНГ ҲОЛАНД "GOLDEN BOY" ШУД

ПАХТА. ИҶРОИ 97 ДАРСАДИ ДУРНАМО

НОҲИЯИ БОБОҶОН ҒАФУРОВ. НАҚШАИ ИСТЕҲСОЛИ ПАХТА БАРЗИЁД ИҶРО ШУД

БУҶЕТИ ДАВЛАТӢ – 2021. 27 МИЛЛИАРДУ 645,8 МИЛЛИОН СОМОНӢ ПЕШБИНӢ ГАРДИД

КӮЛОБ. ХӮРОК БАРОИ ДАРМОН АСТ, НА ЗИЁН

СУҒД. ДОРУҲОИ ПАСТСИФАТРО НОБУД КАРДАНД

АФШУРАИ АНОР АНГЕЗАИ COVID - РО ТО 80 ДАРСАД МАҲВ МЕКУНАД

«ТОҶИКИСТОН – 2020». ФОРУМИ БАЙНАЛМИЛАЛИИ САЙЁҲӢ

19.11.2020


ВАҲДАТ. ШАҲР ШУКУФТАН ДОРАД

16 – НОЯБР. ИН РӮЗРО ДАР СУДИ ОЛИИ ИҚТИСОДӢ БОТАНТАНА ҶАШН ГИРИФТАНД

НУРОБОД. 30-СОЛАГИИ ИСТИҚЛОЛИЯТРО САЗОВОР ИСТИҚБОЛ МЕГИРЕМ

18.11.2020


НОҲИЯИ СПИТАМЕН. НАҚШАИ ИСТЕҲСОЛИ ПАХТА 100,1 ДАРСАД ИҶРО ГАРДИД

ҶАЙҲУН. САРВАЗИР БА ДАСТРАНҶИ КИШОВАРЗОН БАҲОИ БАЛАНД ДОД

КӮЛОБ. БУНЁДИ МАЙДОНЧАИ ВАРЗИШ

ТАШРИФИ САРМОЯГУЗОРОНИ КОРЕЯ БА МОИ «КӮЛОБ»

ХИЗМАТИ ҲАРБӢ. НАҚШАИ ДАЪВАТИ ТИРАМОҲӢ ПЕШ АЗ МУҲЛАТ ИҶРО ШУД

ҶОИЗАИ НАВБАТИИ СИНАМОГАРОНИ ТОҶИК


Дар сомонаҳои дигари Тоҷикистон хонед