logo

иқтисод

ҲУСНИЯ РАҶАБЗОДА: “МУРҒОБ ДАР ҲОЛИ РУШД АСТ”

- Мақомоти иҷроияи маҳаллии ҳокимияти давлатии ноҳияи Мурғоб фаъолияти худро дар нимсолаи якуми соли 2020 мутобиқи вазифаҳое, ки аз Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон аз 26 декабри соли 2019 «Дар бораи самтҳои асосии сиёсати дохилию хориҷии Ҷумҳурии Тоҷикистон» бармеоянд, ба роҳ монд. Як нуктаро бояд зикр созам, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба рушди ноҳияи баландкӯҳи мо аҳамияти хосса дода, барои беҳбудии зиндагии аҳолӣ ва рушди ноҳия тамоми чораҳои заруриро амалӣ карда истодаанд. Сокинони Боми ҷаҳон сиёсати хирадмандонаи Пешвои миллатро дастгирӣ менамоянд ва аз ғамхориҳои Роҳбари давлат миннатдор мебошанд, - иброз дошт Ҳусния Раҷабзода,  раиси ноҳияи Мурғоб.
РОҲҲО
Ноҳияҳои баландкӯҳ, аз ҷумла Мурғоб, бе роҳҳои нақлиётӣ наметавонанд ба рушди ҳама соҳаҳои хоҷагии халқ даст ёбад. Бинобар ин, мо ба ҳолати роҳҳо таваҷҷуҳи доимӣ зоҳир месозем. Ҳаҷми корҳои иҷрошудаи муассисаи давлатии нигоҳдории роҳҳои автомобилгарди ноҳия 1 миллиону 51 ҳазору 701 сомониро ташкил медиҳад, ки ин нишони комёбиҳои муассисаҳо ба ҳисоб меравад.
Дар асоси қарори раиси Вилояти Мухтори Кӯҳистони Бадахшон «Дар бораи эълон намудани маъракаи ободонӣ ва кабудизоркунии маҳалҳои аҳолинишини ҳудуди Вилояти Мухтори Кӯҳистони Бадахшон» пайваста маъракаҳои ниҳолшинонӣ, кабудизоркунӣ, таъмири каналҳо ва ободонии маҳаллаҳо идома доранд.  
СОХТМОН
Соҳаи мазкур ҳамасола дар ҳолати рушд аст. Толори варзиш дар деҳаи Кунакургани Ҷамоати деҳоти Ғ. Бердибаев ва майдони маҷмааи Парчам ва Нишони давлатӣ ба истифода дода мешаванд.
Ҷиҳати сазовор пешвоз гирифтани Ҷашни 30 - солагии Истиқлолияти давлатии Ҷумҳурии Тоҷикистон корҳои сохт-монӣ вусъат гирифтааст.   

МАОРИФ
Дар ноҳия 13 муассисаи таҳсилоти миёнаи умумӣ, аз ҷумла 2 муассисаи таҳсилоти ибтидоӣ, 6 боғчаи бачагона, 13 маркази инкишофи барвақтии кӯдакони назди муассисаҳои таҳсилоти миёнаи умумӣ ва 8 интернати назди муассисаҳои таҳсилоти миёнаи умумӣ фаъолият дорад. Шумораи умумии хонандагон  2484 нафар аст,  аз онҳо 1202 нафар духтарон  мебошанд. Ба онҳо 363 омӯзгор, аз ҷумла 238 муаллима, сабақ медиҳад. 271 омӯзгор соҳиби маълумоти олист.
Ноҳияи Мурғоб аз ҷиҳати фоизи дохилшавандагон ба мактабҳои олии ҷумҳурӣ ва хориҷӣ пешсаф аст. Алҳол 80 дарсади хатмкунандагон дар Маркази миллии тестӣ аз қайд гузаштанд. Тибқи Квотаи президентӣ имсол тариқи озмун қариб 20 нафар, аз ҷумла 12 қирғиз, ба донишгоҳу донишкадаҳои ҷумҳурӣ дохил шуд.
ТАНДУРУСТӢ
Дар шароити зуҳури коронавирус соҳаи тандурустии ноҳия  дар иҷрои Фармони Президенти Ҷумҳурии Тоҷикистон “Дар бораи пешгирии таъсири бемории сироятии COVID-19 ба соҳаҳои иҷтимоию иқтисодии Ҷумҳурии Тоҷикистон”, ки 5 июн ба имзо расид, фаъол буда, риояи санитария ва гигиенаи шахсии мардумро пайваста назорат мебаранд. Ба сокинон беморхонаи марказӣ, 5 беморхонаи минтақавӣ, 6 маркази саломатӣ, 7 бунгоҳи тиббӣ, 3 нуқтаи доруфурӯшии хусусӣ, 1 МНДСЭ бо фаъолияти ҳамгироӣ хизмат мерасонанд.
Маркази назорати давлатии санитарию эпидемиологӣ 48 объектро санҷида барои вайронкунӣ ва риоя накардани талаботи қоидаҳои санитарию эпидемиологӣ 27 санад ва протокол тартиб дод ва вайронкунандагони қоидаҳоро ба маблағи 3346 сомонӣ ҷарима баст, ки ба фоидаи буҷет ситонда шуд.

САЙЁҲӢ
Дар ноҳияи Мурғоб 16 ширкати сайёҳӣ фаъол аст. Соли 2019 зиёда аз 2120 сайёҳ аз диёри баландболои мо дидан намуд. Албатта, имсол ин шумора бо сабаби авҷи бемории коронавирус дар дунё хеле ихтисор ёфт, вале кормандони ширкатҳо барои ҷалби сайёҳон дар солҳои минбаъда пешниҳодҳои ҷолибро роҳандозӣ доранд.
Мурғоб, ки диёри диданисту ҳар сол ҳазорҳо сайёҳон ба тамошояш меоянд, ба муҳити зист, тозагии атроф, ободонӣ диққати ҷиддӣ медиҳад. Шуъбаи ҳифзи муҳити зист, мудирияти минтақавии Боғи миллии Тоҷикистон саршумори ҳайвоноту парандаҳоро ба ҳисоб гирифта, барои афзун шуданашон чораҳои муфид меандешанд.
ИҶТИМОИЁТ
6 комиссияи доимӣ ва 80 комиссияи ҷамъиятӣ ҷараёни иҷрои Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» - ро пайваста зери назорат доранд. Имсол 72 хатнасури хайриявӣ, 6 ҷашни домодию арӯсӣ, 36 мулоқоту  вохӯрӣ, 8 муроҷиати шаҳрвандон, 37  ақди никоҳ ба қайд гирифта шудаанд. Аз тарафи соҳаи дину танзими ноҳия як қонунвайронкунӣ оид ба танзими анъана ва ҷашну маросим ошкор гардида, соҳиби маърака аз тарафи суди ноҳияи Мурғоб панҷ ҳазору панҷсад сомонӣ ҷарима шуд.
Тибқи ҳисоботи бахши агентии меҳнат ва шуғли аҳолии ноҳия дар нимсолаи аввали соли ҷорӣ 1229 бекор ба қайд гирифта шудааст, аз ҷумла 761 зан ва 351 ҷавон. Аз ноҳияи Мурғоб 853 нафар ҳамчун муҳоҷири меҳнатӣ  дар  хориҷа қарор дорад. Албатта, дар кӯҳистони шароиташ вазнин дарёфти ҷойи кор осон нест, вале тамоми имкониятҳоро истифода мебарем, ки соҳаи хизматрасонӣ, тиҷорати хурд, бунёди корхонаҳои хурди оилавӣ, коркарди маҳсулоти чорво, сайёҳии кӯҳӣ, экологӣ, ҳунарҳои мардумӣ рушд ёбанд.
Мақомоти иҷроияи маҳаллии ҳокимияти давлатии ноҳияи Мурғоб минбаъд ҳам барои беҳтар намудани вазъи иҷтимоию иқтисодии сокинон, дар иҷрои вазифаҳои аз тарафи Президенти мамлакат, Ҳукумати ҷумҳурӣ ва мақомоти иҷроияи маҳаллии ҳокимияти давлатии вилоят гузошташуда тамоми чораҳои заруриро роҳандозӣ менамояд.

Муҳаммадзоиршо ШАРИФЗОДА, “Ҷумҳурият”


Баёни ақида (0)    Санаи нашр: 16.07.2020    №: 132    Мутолиа карданд: 102
25.11.2020


«ШАХСИЯТИ БУЗУРГИ ТАЪРИХСОЗ»

СУДИ ОЛИИ ИҚТИСОДӢ. ҲАМОИШИ ИДОНА БА ИФТИХОРИ ҶАШНИ МИЛЛӢ

ПАРЧАМИ ДАВЛАТӢ РАМЗИ БАХТУ САОДАТ

КФО. "ИСТИҚЛОЛ" 13 ЗИНА БОЛО РАФТ

ДАР ТОҶИКИСТОН ТЕЪДОДИ ШИФОЁБӢ АЗ COVID НАЗАР БА ГИРИФТОРӢ БЕШТАР ШУД

ҶАҲОН ДАР ЯК САТР

23.11.2020


НОҲИЯИ ФИРДАВСӢ. МУҚОВИМАТ БО КОРРУПСИЯРО ТАҲКИМ МЕБАХШАНД

ПУТИН АЗ МАНСУБИЯТИ КӮҲИСТОНИ ҚАРИЯБОҒ СУХАН КАРД

ҶАҲОН ДАР ЯК САТР

ЭРЛИНГ ҲОЛАНД "GOLDEN BOY" ШУД

ПАХТА. ИҶРОИ 97 ДАРСАДИ ДУРНАМО

НОҲИЯИ БОБОҶОН ҒАФУРОВ. НАҚШАИ ИСТЕҲСОЛИ ПАХТА БАРЗИЁД ИҶРО ШУД

БУҶЕТИ ДАВЛАТӢ – 2021. 27 МИЛЛИАРДУ 645,8 МИЛЛИОН СОМОНӢ ПЕШБИНӢ ГАРДИД

КӮЛОБ. ХӮРОК БАРОИ ДАРМОН АСТ, НА ЗИЁН

СУҒД. ДОРУҲОИ ПАСТСИФАТРО НОБУД КАРДАНД

АФШУРАИ АНОР АНГЕЗАИ COVID - РО ТО 80 ДАРСАД МАҲВ МЕКУНАД

«ТОҶИКИСТОН – 2020». ФОРУМИ БАЙНАЛМИЛАЛИИ САЙЁҲӢ

19.11.2020


ВАҲДАТ. ШАҲР ШУКУФТАН ДОРАД

16 – НОЯБР. ИН РӮЗРО ДАР СУДИ ОЛИИ ИҚТИСОДӢ БОТАНТАНА ҶАШН ГИРИФТАНД

НУРОБОД. 30-СОЛАГИИ ИСТИҚЛОЛИЯТРО САЗОВОР ИСТИҚБОЛ МЕГИРЕМ

18.11.2020


НОҲИЯИ СПИТАМЕН. НАҚШАИ ИСТЕҲСОЛИ ПАХТА 100,1 ДАРСАД ИҶРО ГАРДИД

ҶАЙҲУН. САРВАЗИР БА ДАСТРАНҶИ КИШОВАРЗОН БАҲОИ БАЛАНД ДОД

КӮЛОБ. БУНЁДИ МАЙДОНЧАИ ВАРЗИШ

ТАШРИФИ САРМОЯГУЗОРОНИ КОРЕЯ БА МОИ «КӮЛОБ»

ХИЗМАТИ ҲАРБӢ. НАҚШАИ ДАЪВАТИ ТИРАМОҲӢ ПЕШ АЗ МУҲЛАТ ИҶРО ШУД

ҶОИЗАИ НАВБАТИИ СИНАМОГАРОНИ ТОҶИК

ДЗЮДО

КИШВАРҲОИ ОСИЁ ОИД БА КАЛОНТАРИН ДАР ҶАҲОН МИНТАҚАИ ТИҶОРАТИ ОЗОД ПАЙМОН БАСТАНД

ҶАҲОН ДАР ЯК САТР

«АМОНАТБОНК». РАИСӢ ДАР ИТТИҲОДИ БАЙНИБОНКИИ СҲШ

ДДЗТ. ТАНТАНАИ РӮЗИ ПРЕЗИДЕНТ

12.11.2020


КФО

МОСКВА БАРОИ ЁРӢ БА СУРИЯ БЕШ АЗ $1 МИЛЛИАРД ҶУДО НАМУД

ҶАҲОН ДАР ЯК САТР

11.11.2020


БУНЁДИ 532 ИНШООТИ ТИББӢ


Дар сомонаҳои дигари Тоҷикистон хонед