logo

иқтисод

ЭНЕРГЕТИКА. СОДИРОТИ 912,4 МИЛЛИОН КВТ - СОАТ НЕРУИ БАРҚ

- Дар нимсолаи якуми соли равон дар ҷумҳурӣ 10 миллиарду 243,2 миллион кВт - соат неруи  барқ истеҳсол шудааст, ки нисбат ба ҳамин давраи соли гузашта 112 миллион кВт - соат зиёд мебошад, - гуфт Ҷамшед Шоимзода,  муовини вазири энергетика ва захираҳои оби ҷумҳурӣ.

Вазорат бо дастгирии давлат ва Ҳукумати мамлакат дар баробари бунёди неругоҳҳои барқи обии нав ба масъалаи барқарор кардани  иқтидорҳои мавҷуда таваҷҷуҳи хоса зоҳир менамояд. Ҳоло таҷдиди неругоҳҳои «Сарбанд», «Қайроққум» ва марҳилаи якуми таҷдиди НБО «Норак» бомаром идома дошта, баъди навсозӣ тавоноии ин се неругоҳ зиёд мегардад. Ҳаҷми умумии содироти неруи барқ дар ин давра 912,4 миллион кВт - соатро ташкил дод.
Аз муштариёни дохилӣ 1 миллиарду 477 миллион сомонӣ маблағи неруи барқ ҷамъ оварда шуд, ки дар қиёс ба шашмоҳаи соли гузашта 241,8 миллион сомонӣ зиёд мебошад. Сарфи назар аз ин, дар ин давра қарзи дебитории ШСХК «Барқи тоҷик» аз ҳисоби истифодабарандагони энергияи барқ ва гармӣ 271,3 миллион сомониро ташкил дод.
Дар доираи лоиҳаи «Барномаи рушди соҳаи энергетика» ҷорӣ намудани низоми муосири назорат ва ҳисоби неруи барқ дар шаҳрҳои Душанбе, Панҷакент, Истаравшан, Исфара, Конибодом, Бӯстон ва ноҳияи Данғара, татбиқи шартномаи идоракунии беруна дар ҶСК «Шабакаҳои тақсимоти барқ» ва дастгирии Буҷети давлатӣ пешбинӣ гардидаанд. Дар робита ба ин, аз ҷониби Бонки осиёии рушд барои маблағгузории барнома 105 миллион доллари ИМА грант пешбинӣ шудааст. Аз он 70 миллион доллари ИМА барои кам намудани талафоти энергияи барқ, 15 миллион доллар барои маблағгузории шартномаи идоракунӣ дар ҶСК  «Шабакаҳои тақсимоти барқ»  ва  20 миллион доллар барои дастгирии Буҷети давлатӣ равона мегардад. Дар доираи лоиҳа барои ҷорӣ намудани низоми назорат ва ҳисоби неруи барқ Бонки аврупоии таҷдид ва рушд ба сифати қарзи имтиёзнок 25 миллион доллар пешниҳод кардааст.
Тайи ним сол дар ҷумҳурӣ 12 ҳазору 132 тонна нафт истеҳсол гардид. Истихроҷи гази табиӣ бошад, ба 354 ҳазор метри мукааб расонда шуд. Аз ҳисоби соҳибкорон ва ҷамъиятҳои саҳомӣ 577 ҳазору 883 тонна маҳсулоти нафтӣ, аз ҷумла бензин, сӯзишвории дизелӣ ва реактивӣ, мазут, битум, равғанҳои молиданӣ, кокси нафтӣ ва гази моеъ ворид гардидааст.
- Алҳол дар соҳаи электроэнергетика 7 лоиҳаи  сармоягузорӣ роҳандозӣ гашта истодааст, ки яке аз онҳо «Лоиҳаи минтақавии хати интиқоли барқи CASA - 1000» мебошад. Дар доираи лоиҳаи минтақавии CASA - 1000 корҳои лоиҳакашию ҷустуҷӯӣ, сохтмонӣ, иҷрои чорабиниҳои  иҷтимоию экологӣ ва таҳияи нақшаи муҳоҷиркунонӣ идома доранд. Дар доираи сохтмони зеристгоҳи конверторӣ корҳои заминию бетонӣ идома ёфта, то ин муддат конструксияҳои металлии равоқпояҳо, болтҳои анкерӣ ва қубурҳои заҳкашӣ ба майдони сохтмонӣ оварда шуданд, - гуфт Ҷамшед Шоимзода.
CASA – 1000 лоиҳаи минтақавии беҳамто буда, аз бунёди он ҳам кишварҳои содиркунанда ва ҳам кишварҳои истеъмолкунанда фоида мегиранд. Агар кишварҳои содиркунанда ба даромади хуб даст ёбанд, пас кишварҳои истеъмолкунанда низ бо неруи барқи аз лиҳози экологӣ тоза ва арзон таъмин хоҳанд шуд, ки дар самти густариши робитаҳои иқтисодӣ ва аз байн бурдани камбуди неруи барқ хеле муҳим аст.

Кароматулло АТО, 
«Ҷумҳурият»
 


Баёни ақида (0)    Санаи нашр: 22.07.2020    №: 136    Мутолиа карданд: 201
03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД

27 МЕДАЛИ ТИЛЛО ДАР ШАШ МОҲ

100 ДАРСАДИ САҲМИЯҲОИ ҶСК «АЗОТ» БА ФУРЎШ ГУЗОШТА МЕШАВАД

44 МИЛЛИОН СОМОНӢ ЗАРАРИ МОЛИЯВӢ БАРҚАРОР ШУД

ВАЗОРАТИ САНОАТ ВА ТЕХНОЛОГИЯҲОИ НАВ. ҲАҶМИ ИСТЕҲСОЛ ДАР ДАВРАИ ПАНДЕМИЯ НИЗ ЗИЁД ГАРДИД

ЛИГАИ БОНУВОН. "ХАТЛОН" БА САДРИ ҶАДВАЛ БАРОМАД

СҶТ: «ДУНЁ ТАНҲО ЯК МАВҶИ КОРОНАВИРУСРО АЗ САР ХОҲАД ГУЗАРОНД»

ҶАҲОН ДАР ЯК САТР

28.07.2020


ТОҶИКИСТОН. 6 ҲАЗОРУ 28 ГИРИФТОРИ БЕМОРИИ COVID-19 ШИФО ЁФТ

ШСХК «БАРҚИ ТОҶИК». 11 ҲАЗОРУ 931 ҲОЛАТИ ИСТИФОДАИ ҒАЙРИҚОНУНИИ НЕРУИ БАРҚ

КВД «ХОҶАГИИ МАНЗИЛИЮ КОММУНАЛӢ». 200 ҲАЗОР АҲОЛИИ ДЕҲОТ БО ОБИ НӮШОӢ ТАЪМИН МЕШАВАД

ТОҶИКАЭРОНАВИГАТСИЯ. МАҶМӮИ МАЪЛУМОТ МИНБАЪД ДАР КИШВАР ТАҲИЯ ВА НАШР МЕГАРДАД

САҲМИ ДУШАНБЕ ДАР ММД-И КИШВАР БА 20,7 ДАРСАД РАСИД

МТС. ҲАМКОРИҲО ТАВСЕА МЕЁБАНД

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. 38 ҲАЗОР ҶОЙИ КОР ТАШКИЛ ЁФТ

КОНФРОНСИ ДУЮМИ БАЙНАЛМИЛАЛИИ САТҲИ БАЛАНД СОЛИ 2021 БАРГУЗОР МЕГАРДАД


Дар сомонаҳои дигари Тоҷикистон хонед