logo

фарҳанг

СОБИТҚАДАМ

Дар зиндагӣ шахсоне низ ҳастанд, ки як лаҳзаи умри худро зоеъ гузарондан намехоҳанд. Ин гуна шахсон одатан сарсупурдаи касби хешанд ва аз онҳо манфиати зиёд мерасад. Зиндагии онҳо аз эҷоду ҷустуҷӯ ва такопӯву талошҳо иборат аст. Ба мисли шамъ худ месӯзанду роҳи зиндагиро барои дигарон мунаввар менамоянд. Пешрафти ҳаёти инсонҳо маҳз ба ҳамин гуна шахсон вобаста аст.
Бешубҳа, доктори илмҳои фарматсевтӣ, профессор Назруллоҳ Саидов аз зумраи чунин шахсон мебошад. Ӯ на танҳо дар байни кормандони соҳаи тибби Тоҷикистон, балки дар аксар кишварҳои собиқ Иттиҳоди Шӯравӣ соҳиби обрӯю эътибор мебошад. Ҳама ӯро чун марди хоксору ҳалим, хештаншинос, ташкилотчиву кордон, меҳнатдӯсту поквиҷдон ва оқилу соҳибтадбир мешиносанд. Ин самараи омӯхтан ва натиҷаи таҷрибаи зиндагӣ андӯхтан мебошад.
Таҳсил дар Донишгоҳи давлатии фарматсевтии шаҳри Харкови Ҷумҳурии Украина барояш мактаби таҷрибаи пешқадам ба ҳисоб мерафт. Ҳангоми таҳсил дар аспирантураи Донишгоҳи давлатии тиббии якуми Маскав ба номи И.М. Сеченов бошад, калиди ганҷи маънавиро пайдо намуд ва дарҳои илму дониш ба рӯяш боз гардид. Рисолаи номзадии ӯ «Феррити барий хамчун чузъи суппозиторияи магнитии пармидин» баҳои баландро сазовор гардид.
Пас аз ҳимояи рисолаи номзадӣ Саидовро дар Ватан вазифаҳои пурмасъулият интизор буданд. Баъди соҳибистиқлол гардидани кишварамон саркотиби илмии Комитети фармакологии Вазорати тандурустии Ҷумҳурии Тоҷикистон таъйин шуд. Баъдан дар назди Вазорати тандурустӣ сарраёсати стандартизатсия ва назорати сифати маводи дорувориро ташкил намуда, роҳбарии онро ба зимма гирифт. Бо талошҳои зиёд ӯ ба ташкили Маркази давлатии илмии экспертиза ва сертификатсияи маводи доруворӣ, таҷҳизоти таъйиноти тиббӣ, маводи санитарию профилактикӣ ва косметикӣ муваффақ шуд ва роҳбари ин ниҳод таъйин гардид. Дар муддати кӯтоҳ воридоти доруҳои пастсифат ба ҷумҳурӣ пешгирӣ ва аз фурӯши маводи доруворӣ дар кӯчаву бозорҳо ҷилавгирӣ шуд. Вазифаи директори Маркази хизматрасонии тиббию «ФАРМЭКСПЕРТ» - ро ҳам ба зимма дошт. 
Соли 2011 дар Донишгоҳи миллии Тоҷикистон дар заминаи шуъбаҳои тиббию фарматсевтии факултети биология, факултети тиббию фарматсевтӣ ташкил ва роҳбарии онро ба Назруллоҳ Саидов бовар кардаанд. Кафедраҳои тахассусии зарурӣ ташкил ва сафи устодону профессорон ҳам аз ҳисоби мутахассисони унвондор ва ҳам аз ҳисоби ҷавонони лаёқатманд пурра ва барномаҳои таълимӣ мураттаб гардиданд. Факултети тиббию фарматсевтии ДМТ соҳиби заминаи хуби моддию техникӣ, илмию тадқиқотӣ ва таълимию методӣ гардида, ба ду факултети мустақил (тиббӣ ва фарматсевтӣ) ҷудо шуд, ки имрӯз аз бонуфузтарин факултетҳои донишгоҳ ба ҳисоб мераванд.
Ду сол қабл роҳбарияти ДМТ ба Назруллоҳ Саидов роҳбарии Институти илмӣ - тадқиқотии донишгоҳро бовар намуд. Дар ин вазифа низ ӯ бо масъулияти баланд корро оғоз кард. Бинои муассисаи илмию тадқиқотии назди ДМТ таъмир гардида, корҳои илмию тадқиқотӣ ривоҷу равнақи тоза касб карданд. Лоиҳаҳои илмӣ тартиб дода шуда, маблағгузории баъзе лоиҳаҳо шурӯъ шуд. Бо вуҷуди серкорӣ ва ташвишҳои роҳбарӣ Назруллоҳ Саидов фурсат ёфта ба кори илмӣ низ машғул гардид. Соли гузашта аз натиҷаи ҷустуҷӯву пажӯҳишҳои илмии чандсолаи худ дар шаҳри Лвови Ҷумҳурии Украина бомуваффақият рисолаи докторӣ ҳимоя намуд.
Назрулоҳ Саидов муаллифи 3 монография, 48 китоби дарсӣ ва дастуру васоити таълимӣ буда, шумораи мақолаҳои илмӣ ва илмию методии ӯ ба даҳҳо адад мерасад.

Меҳроб ҶУМЪАЕВ, докторанти ДМТ


Баёни ақида (0)    Санаи нашр: 28.07.2020    №: 140    Мутолиа карданд: 90
29.09.2020


ТОҶИКОН ВА ӮЗБЕКОН: ДӮСТӢ БИМОНАД ҶОВИДОН

РАШТ. ҲАМКОРИҲОИ МАҚОМОТ БО СОҲИБКОРОНИ ВАТАНДӮСТ САМАР МЕДИҲАНД

ХУҶАНД. ВУСЪАТИ БУНЁДКОРИҲО ДАР ТАРАБХОНАИ «ФОРЕЛ»

ТОҶИКИСТОН. 87,4 ДАРСАДИ БЕМОРОНИ КОРОНАВИРУС ШИФО ЁФТАНД

25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ


Дар сомонаҳои дигари Тоҷикистон хонед