logo

иҷтимоиёт

РЎЗГОРЕ БАРОИ ИБРАТ

Субҳ медамид ва академик Муҳаммадулло Лутфуллозода фурўғи рўзи навро мисли ҳамеша бо оромиву таҳаммули ба худ хос истиқбол мекард. Аммо барояш субҳи имрўз оҳангу навои дигаре дошт. Ў сапедадами умри ҳаштодупанҷсолаашро низ пешвоз мегирифт. Зери навоҳои фараҳангези дил ва аз баландии умри бобаракаташ ба рўзгори хеш ва ба солҳои сипаригардида дида медўхт.
Дар лавҳи хаёлаш зинда мегашт, ки солҳои мудҳиши Ҷанги Бузурги Ватанӣ ҳамроҳ бо ҳамсолонаш гоҳ сарлучу гоҳ пойлуч бори аввал китоби «Алифбо» дар бағал ба остонаи мактаби деҳа қадам ниҳода буд. «Алифбо» бо тасвирҳову суратҳояш дили ўро мерабуд.
Он замон, албатта, намедонист, рўзе мерасад, ки худаш муаллифи «Алифбо» - и нави тоҷикӣ мегардад. «Алифбо» - е, ки 35 сол инҷониб калиди дари донишро ба рўи насли наврас боз менамояд. Агар ба тарзи дигар бигўем, аз нуҳу ним миллион сокинони Тоҷикистон беш аз нисфашон аз «Алифбо» - и Муҳаммадулло Лутфуллозода хондану навиштанро омўхтаанд.
Ў, инчунин, барои кўдакони тоҷикзабони ҷумҳуриҳои Осиёи Марказӣ «Алифбо» таълиф намудааст.
Донишгоҳи омўзгории пойтахтро соли 1959 бо дипломи аъло хатм кардааст. Сипас, солҳои зиёд дар ҳамин муассисаи таълимӣ дар вазифаҳои муаллим, дотсент, мудири кафедра ва декан кор карда, ба шогирдони зиёде таълим додааст.
Навои дили Лутфуллозода шевотар ва афзунтар мегардад, вақте ба ёд меорад, ки солҳои 1978 – 1982 ба Афғонистон рафта, дар вазифаи мушовири маорифи ин кишвар адои вазифа намуд. Инчунин, дар доираи Барномаи маҳви бесаводии Юнеско боз як муддат дар ин ҷо ба корҳои омўзишу парвариш машғул шуд.
Муҳаммадулло Лутфуллозода барои мактабу маорифи Афғонистони ҳамсоя ва ҳамзабон китобҳои зиёди дарсӣ ва дастурҳои таълимӣ таълиф кардааст, ки теъдодашон ба беш аз шаст адад мерасад.
Махсусан, дар бахши забони дарӣ ва усули тадриси он, амсоли «Дастури забони дарӣ», «Сарзамини хуршед» ва «Кабўтари сафеди сулҳ» як силсила асарҳо таълиф карда, соли 1990 дар мавзўи «Асосҳои таълими савод дар Афғонистон» рисолаи докторӣ дифоъ намудааст.
Ў зимни фаъолияти худ дар Афғонистон миёни аҳли илму адаб ва мардуми он кишвар бо номи «устод Лутф» маҳбубият ва маърифати зиёде пайдо кард.
Вақте ки Муҳаммадулло Лутфуллозода ба ёд меорад, ки як қисмати умдаи ҳаёташ дар вазифаи сарвари Пажўҳишгоҳи Рушди маориф ва сипас ба ҳайси нахустин Президенти Академияи таълимоти Тоҷикистон сипарӣ гардидаанд, навоҳои тоза ба тоза қалбашро фаро мегиранд. Он солҳои айёми пурҷўшу хурўши роҳбарӣ ва таълифи асари фаровони улуми педагогӣ маҳсуб меёбанд. Умуман, ба қалами ў 650 мақола ва 245 асари илмӣ – тадқиқотӣ, китобҳои дарсӣ, барномаҳои таълимӣ, дастурҳои методӣ ва осори адабӣ – публитсистӣ мансубанд.
Муҳаммадулло Лутфуллозода дар Осиёи Марказӣ яке аз аввалин муҳаққиқонест, ки афкори педагогии ниёгонро хеле амиқ ва муфассал омўхтааст. Зеро таърих гувоҳ мебошад, ки арҷ бигзоштан ба китоб, ба илму дониш, ба таълиму омўзиш асрҳо инҷониб бо ҷавҳари рўҳу ҷони мардуми ориёӣ омезиш ёфтааст.
Сифатҳои хоси инсонии устодро яке аз шогирдонаш Салоҳиддин Амонӣ бо камоли эҳтирому ифтихор чунин васф намудааст:
Ба мисли қуллае сар дар канори осмон ҳастӣ,
Вале дар хештан аз хоксориат ниҳон ҳастӣ.
Дили ташнаи илму дониш ва саршор аз ифтихори миллии Муҳаммадулло Лутфуллозода ҳар рўзу ҳар соат ба наво меояд ва ўро ба анҷом додани корҳои шоистаи даврони истиқлолият неруву илҳоми тоза мебахшад.

Ўрун КЎҲЗОД, Нависандаи халқии Тоҷикистон,
Алӣ БОБОҶОН,  шоир ва публитсист,
Раҷабалӣ ҚУДРАТЗОДА, Корманди шоистаи Тоҷикистон


Баёни ақида (0)    Санаи нашр: 29.07.2020    №: 141    Мутолиа карданд: 108
03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД

27 МЕДАЛИ ТИЛЛО ДАР ШАШ МОҲ

100 ДАРСАДИ САҲМИЯҲОИ ҶСК «АЗОТ» БА ФУРЎШ ГУЗОШТА МЕШАВАД

44 МИЛЛИОН СОМОНӢ ЗАРАРИ МОЛИЯВӢ БАРҚАРОР ШУД

ВАЗОРАТИ САНОАТ ВА ТЕХНОЛОГИЯҲОИ НАВ. ҲАҶМИ ИСТЕҲСОЛ ДАР ДАВРАИ ПАНДЕМИЯ НИЗ ЗИЁД ГАРДИД

ЛИГАИ БОНУВОН. "ХАТЛОН" БА САДРИ ҶАДВАЛ БАРОМАД

СҶТ: «ДУНЁ ТАНҲО ЯК МАВҶИ КОРОНАВИРУСРО АЗ САР ХОҲАД ГУЗАРОНД»

ҶАҲОН ДАР ЯК САТР

28.07.2020


ТОҶИКИСТОН. 6 ҲАЗОРУ 28 ГИРИФТОРИ БЕМОРИИ COVID-19 ШИФО ЁФТ

ШСХК «БАРҚИ ТОҶИК». 11 ҲАЗОРУ 931 ҲОЛАТИ ИСТИФОДАИ ҒАЙРИҚОНУНИИ НЕРУИ БАРҚ

КВД «ХОҶАГИИ МАНЗИЛИЮ КОММУНАЛӢ». 200 ҲАЗОР АҲОЛИИ ДЕҲОТ БО ОБИ НӮШОӢ ТАЪМИН МЕШАВАД

ТОҶИКАЭРОНАВИГАТСИЯ. МАҶМӮИ МАЪЛУМОТ МИНБАЪД ДАР КИШВАР ТАҲИЯ ВА НАШР МЕГАРДАД

САҲМИ ДУШАНБЕ ДАР ММД-И КИШВАР БА 20,7 ДАРСАД РАСИД

МТС. ҲАМКОРИҲО ТАВСЕА МЕЁБАНД

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. 38 ҲАЗОР ҶОЙИ КОР ТАШКИЛ ЁФТ

КОНФРОНСИ ДУЮМИ БАЙНАЛМИЛАЛИИ САТҲИ БАЛАНД СОЛИ 2021 БАРГУЗОР МЕГАРДАД


Дар сомонаҳои дигари Тоҷикистон хонед