logo

мулоқотҳо

Эмомалӣ РАҲМОН: «Фаронса шарики асосии Тоҷикистон дар Аврупост»

12 марти соли 2010 Президенти Ҷумҳурии Тоҷикистон Эмомалӣ Раҳмон намояндаи махсуси Президенти Фаронса доир ба кишварҳои Осиёи Марказӣ Эмрӣ де Монтескюро ба ҳузур пазируфт. Дар мулоқот масоили ҳамкории Тоҷикистону Фаронса баррасӣ шуданд.

Сарвари давлат Эмомалӣ Раҳмон Фаронсаро «шарики асосии Тоҷикистон дар қитъаи Аврупо» арзёбӣ намуда, аз сатҳи муносибатҳо ва пайвастагии робитаҳои сиёсии ду кишвар изҳори қаноатмандӣ намуд. Ба ҳамкории сохторҳои дифоии ду кишвар низ баҳои баланд дода шуд.
Эмрӣ де Монтескю «Таҷрибаи сулҳоварии Тоҷикистон ва маслиҳатҳои Сарвари давлат Эмомалӣ Раҳмонро барои барқарорсозии сулҳу осоиш дар Афғонистон басо муҳим» арзёбӣ намуда, таъкид дошт, ки «Фаронса ба рушди ҳамкорӣ бо Тоҷикистон манфиатдор аст».
Гуфтугӯйи судманд  ҳамчунин оид ба ҳамкории иқтисодии Тоҷикистону  Фаронса сурат гирифт.  Намояндаи махсуси Президенти Фаронса иттилоъ дод, ки сохтмони терминали нави муосир дар фурудгоҳи шаҳри Душанбе то 20 – солагии Истиқлолияти давлатии Тоҷикистон, яъне сентябри соли 2011 ба анҷом хоҳад расид.
Ҳар ду ҷониб ба густариши бештари ҳамкории иқтисодӣ, аз ҷумла дар соҳаҳои саноат, гидроэнергетика, кишоварзӣ ва бунёди корхонаҳои истеҳсоли семент ва дигар масолеҳи сохтмонӣ изҳори ҳавасмандӣ карданд.

ххх
- Таҷрибаи сулҳи тоҷикон дар ҳалли низои дохилӣ ва ба эътидол овардани вазъи сиёсии кишвар, ки натиҷаи сиёсати дурусти Эмомалӣ Раҳмон, Президенти Ҷумҳурии Тоҷикистон, аст, метавонад барои ба низом даровардани авзои Ҷумҳурии Исломии Афғонистон бо роҳи мусолиматомез истифода шавад. Таҷриба ва маслиҳатҳои судманди ҷаноби Президент дар робита ба ин масъала барои мо арзиши ниҳоят баланд доранд, - гуфт Эмрӣ де Монтескю, намояндаи махсуси президенти Фаронса оид ба кишварҳои Осиёи Марказӣ, пас аз мулоқот бо Эмомалӣ Раҳмон, Президенти Ҷумҳурии Тоҷикистон.
Эмрӣ де Монтескю дар сӯҳбат бо хабарнигорон зикр кард, ки дар мулоқот ба масъалаи сохтмони терминали байналмилалии фурудгоҳи Душанбе, ки яке аз муҳимтарин лоиҳаҳои татбиқшавандаи ҷониби Фаронса дар Тоҷикистон ба ҳисоб меравад, таваҷҷӯҳи махсус зоҳир гашт. Ҷонибҳо ба мувофиқа расиданд, ки терминали мазкур, ки барои анҷоми сохтмони он 20 миллион доллар тахсис шудааст, бояд то ҷашни 20 – солагии Истиқлолияти давлатии Ҷумҳурии Тоҷикистон мавриди истифода қарор дода шавад.
Ҳамчунин намояндаи махсуси президенти Фаронса изҳор дошт, ки кишвараш дар робита ба дастовардҳои кишоварзӣ дар ҷаҳон ҷойгоҳи намоён дорад ва омода аст дар ин самт бо Тоҷикистон ҳамкориҳои густурдаеро ба роҳ монад. Таъкид шуд, ки Тоҷикистон дорои захираҳои фаровони обу замин, нерӯи зарурии корӣ ва табиати мусоид буда, имкон дорад бо истифода аз чунин шароити хуб ба истиқлолияти кишоварзӣ даст ёбад.

Додоҷон Рӯзиев,
«Ҷумҳурият»


Баёни ақида (0)    Санаи нашр:    №:    Мутолиа карданд: 632

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед