logo

иҷтимоиёт

ВАҚТЕ СУХАН АЗ СУЛҲ МЕРАВАД...

Истиқлолияти давлатӣ чун насими рӯҳбахше ба фазои Ватан вазиду аз баракаташ мардум ба хуррамӣ расид. Ба шарофати ин рӯйдоди муҳими таърихӣ Тоҷикистон ба марҳилаи нави рушд ворид гашта, дар радифи кишварҳои пешрафтаи минтақа ҷой гирифт. Забони тоҷикӣ аз минбарҳои баланди олам садо дода, Парчами давлатӣ ҳамчун рамзи озодии ҷовид партавфишон гашт, ки ин ҳама бо муборизаву ҷоннисориҳои фарзонафарзанди халқ муҳтарам Эмомалӣ Раҳмон даст дод.
Дар зарфи солҳои начандон тӯлонии соҳибистиқлолӣ Тоҷикистон рушду нумӯи тоза ёфта, дар арсаи ҷаҳонӣ мавқеи хос пайдо кард. Имрӯз таҷрибаи сулҳи тоҷиконро мардуми олам чун сабақи таърихӣ истифода мебаранд. Барои расидан ба ин рӯзи саид марҳилаи басо муҳиму ҳассосе бо сарварии Президенти маҳбуби кишвар муҳтарам Эмомалӣ Раҳмон паси сар шуд.  
Замоне Тоҷикистон дар алангаи оташ ғӯтавар буд, ба андешаи кам касон меомад, ки рӯзе ин пайроҳаҳо чаманистон мешаванду ҳеҷ нишоне аз он рӯзҳои мудҳиш намемонад. Вале дар фосилаи ниҳоят кӯтоҳ «сулҳи деринтизори мо омад». Бародарони ба ҳам як замон душмангашта кинаҳоро рӯйи ях навишта ба пешвози Офтоб баромаданд ва ба ҳам оғӯш бикшоданд. Фирориён ба Ватан баргаштанду хоки он сурмаи чашмон карданд. Зеро рафтанду диданд, ки ғарибӣ чист ва ғариб кист. Диданд, ки ҳеҷ чаманистони олам ба хористони Ватан баробар намешавад. Чунки ин ҷо кулбаи муқаддаси модар маъво дораду чашмони интизори хоҳар роҳ мепоянд. Ва муҳимтар аз ҳама, итминон ҳосил карданд, ки дар Ватан ғамхоре доранд, ки барояшон сина сипар мекунад.  
Бо сарварии Пешвои миллат муҳтарам Эмомалӣ Раҳмон ҳоло мо роҳи ормонҳои миллиро тай намуда истодаем ва Тоҷикистон гулгулшукуфоӣ дорад. Дар ин марҳила мо тавонистем ба ҳадафу мақсадҳое, ки дар пеш гузошта будем, ноил гардем. Пеш аз ҳама, Тоҷикистон аз бунбасти коммуникатсионӣ, ки даҳсолаҳо ҳалли худро намеёфт, баромад. Тамоми манотиқи кишвар ба ҳам пайванд гаштанду халқ аз азоби алими роҳ халосӣ ёфт. Ба ҷуз ин, Тоҷикистон ба истиқлолияти энергетикӣ мушарраф гашт. Кулбаҳои як замон торик барои ҳамеша чароғон шуданд. Кохи нур – НБО «Роғун» бунёд гардида истодааст, ки рӯшании Тоҷикистонро то уқёнуси Ҳинд хоҳад бурд. Барои таъмини амнияти озуқаворӣ ҳар як ваҷаб замин самаранок истифода гардида, аз баракати дасти деҳқон нон дар рӯи хон фаровон гашт. Ва ниҳоят, саноатикунонии босуръат пеш гирифта шуд, ки асоси баланд бардоштани иқтисоди миллист. Ба ин васила тайи ду сол аст дар ҷумҳурӣ садҳо корхонаҳои хурду бузург ба кор даромада, ҳазорҳо ҷойи кории нав муҳайё гардида истодаанд.
Ин ҳама аз файзи истиқлол, аз баракати талоши халқи сарбаланди тоҷик бо сарварии Президенти маҳбуби кишвар муҳтарам Эмомалӣ Раҳмон аст. Ин марди фозил на танҳо ба миллат сулҳу ваҳдат оварданд, балки тавонистанд мамлакатро марҳила ба марҳила рушд дода, эътиборашро боло бардоранд.

Шарифхон РАҲМОНЗОДА,
иҷрочии калони хадамоти иҷро
дар ноҳияи Исмоили Сомонӣ


Баёни ақида (0)    Санаи нашр: 16.09.2020    №: 177    Мутолиа карданд: 111
25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд


Дар сомонаҳои дигари Тоҷикистон хонед