logo

сиёсат

ИНТИХОБОТ. ПАДИДАЕ, КИ ШАҲРВАНДОН ТАВАССУТИ ОН САРНАВИШТИ ХУДРО МУАЙЯН МЕСОЗАНД

Тавре маълум аст, 11 октябри соли ҷорӣ дар Ҷумҳурии Тоҷикистон  интихоботи Президенти Ҷумҳурии Тоҷикистон баргузор мегардад. Ҳоло дар доираи қонунгузорӣ вобаста ба раванди омодагӣ ва баргузор намудани интихобот як қатор тадбирҳо амалӣ гашта, ҷиҳати баланд бардоштани маърифати ҳуқуқии шаҳрвандон ва иштироки фаъолонаи онҳо дар ин чорабинии муҳими сиёсӣ корҳои муайян идома доранд. Зеро интихобот дар низоми давлатдории навини мо ҳамчун маъракаи муҳими сиёсӣ шинохта шуда, фарогири тамоми қишрҳои ҷомеа мебошад.
Бояд гуфт, ки дар Ҷумҳурии Тоҷикистон иштирок дар интихобот ихтиёрӣ буда, амалӣ гардидани ҳуқуқи интихоботӣ аз иродаи озодонаи шаҳрванд вобаста аст. Чунончи, бар асоси моддаи 3 Қонуни конститутсионии Ҷумҳурии Тоҷикистон “Дар бораи интихоботи Президенти Ҷумҳурии Тоҷикистон” шаҳрвандони мамлакат дар маъракаи пешазинтихоботӣ ва овоздиҳӣ дар интихобот ихтиёрӣ ва дар асосҳои баробар иштирок мекунанд. Овоздиҳӣ пинҳонӣ буда, ҳар шаҳрванд як овоз дорад. Қонунгузорӣ назорат ба изҳори иродаи мардумро ҳангоми раъйдиҳӣ иҷозат намедиҳад. Ин ба он маъност, ки овоздиҳӣ озод буда, касе ҳақ надорад дар ин ҳангом интихобкунандаро ба ҷонибдории ин ё он номзад маҷбур созад.
Барои дахолат кардан ба мустақилият ва дахлнопазирии  интихобкунандагон, монеа эҷод намудан ба ҷараёни интихобот қонунҳои дахлдори соҳавӣ чораҳои мушаххас пешбинӣ менамоянд. Аз ҷумла, қонунгузор роҳҳои гуногуни монеъ шудан ба татбиқи ҳуқуқҳои интихоботии шаҳрванд ва барои ба тарафдории номзад ҷалб кардани интихобкунандагонро муайян намуда, барои ҳуқуқвайронкунандагон ҷавобгарии ҷиноятӣ ва маъмурӣ пешбинӣ намудааст. Зимнан, ҳангоми татбиқи ҳуқуқи интихоботӣ дар таъмини дахлнопазирии интихобкунандагон ҳокимияти мустақили судӣ нақши калидӣ дошта, судҳо тибқи талаботи қонунгузории мурофиавии гражданӣ тамоми муроҷиатҳои шаҳрвандонро доир ба ҳифзи ҳуқуқҳои интихоботии шаҳрвандон баррасӣ менамоянд.
Ҷараёни омодагӣ ва маъракаҳои пешазинтихоботӣ моро бовар мекунонанд, ки интихоботи Президенти Ҷумҳурии Тоҷикистон дар фазои озоду ошкоро ва риояи талаботи санадҳои меъёрии ҳуқуқии милливу байналмилалӣ ва эҳтиром ба ҳуқуқи интихобкунандагон баргузор хоҳад шуд. Ҳоло дар ҳавзаи интихоботии Кӯҳистони Мастчоҳ №39 чун дигар ҳавзаҳои интихоботӣ корҳои омодагӣ ба ин маъракаи муҳими сиёсӣ бомаром идома доранд. Дар ҳамаи участкаҳои интихоботӣ маводи зарурӣ дастрас шуда, лавҳаю овезаҳои ташвиқотӣ насб шудаанд. Масъулон ё аъзои комиссияи ҳавзаи интихоботӣ аз тамоми участкаҳои интихоботӣ боздид ба амал оварда, дар мавриди риояи талаботи қонунгузорӣ, рафъи камбудиҳо ва дар сатҳи баланд баргузор намудани ин чорабинии муҳим ёрии амалӣ мерасонанд. 
Мардуми меҳнатдӯсти ин диёри баландкӯҳи Ватани азизамон хуб дарк менамоянд, ки иштироки фаъолона дар интихобот имконест, ки манфиатҳои худро дар симои номзади арзанда ба мансаби Президенти Ҷумҳурии Тоҷикистон бо манфиатҳои давлату миллати хеш ҳамоҳанг созанд.

Иноятулло ҒУЛОМЗОДА, раиси суди ноҳияи Кӯҳистони Мастчоҳ


Баёни ақида (0)    Санаи нашр: 23.09.2020    №: 182 - 183    Мутолиа карданд: 216
01.03.2021


ВМКБ. ОЗМУНИ «ДАСТАРХОНОРОӢ» ҶАМЪБАСТ ГАРДИД

ФФТ БАРНОМАИ МАХСУСИ ПРЕЗИДЕНТ БАРОИ РУШДИ ФУТБОЛ ДАР ДЕҲОТ

«ҚОНУНИ ТИБ» БОЗНАШР ШУД

ТАЪСИСИ КОРХОНАИ ХУРДИ ИЛМӢ - ИСТЕҲСОЛИИ МАВОДИ ДОРУВОР

КОРВОНИ САЛОМАТӢ ДАР ЛАХШ

27.02.2021


Ҷаҳон дар як сатр

Си Ҷинпин изҳор намуд, ки Чин бар бенавоӣ комилан пирӯз гардид

Масъулиятро нисбат ба он мансабдорҳое, ки душаҳрвандӣ доранд, бояд сахттар намуд

ИМА имкони тамдиди ҳузури низомиёнашро дар Афғонистон истисно намекунад

Кишварҳои Иттиҳоди Аврупо ба таҳияи «шиносномаи эмкунӣ» - и ягона ба мувофиқа расиданд

ТЕННИС ВА НАҚШИ «ҶУМҲУРИЯТ» ДАР ОММАВИЯТИ ВАРЗИШ

25.02.2021


ХАДАМОТИ ГУМРУК. ҚОНУНШИКАНӢ КАМ ВА ПАРДОХТҲОИ ГУМРУКӢ ЗИЁД ШУДАНД

«ТОҶИКОН» ДАР ТОҶИКОБОД

АЗ РАШТ ТО ЛАХШ. АВЛАВИЯТ БА ТАВСЕАИ ЗАМИНҲОИ КИШТ

КИШОВАРЗӢ. 11 КОРХОНАИ ПАРАНДАПАРВАРӢ ТАЪСИС МЕЁБАД

TASHKENT GRAND SLAM 2021. ТОҶИКИСТОНРО КИҲО МУАРРИФӢ МЕКУНАНД?

ҶАҲОН

ҶАҲОН ДАР ЯК САТР

24.02.2021


ҶАҲОН

ҶАҲОН ДАР ЯК САТР

23.02.2021


ХИЗМАТИ ДАВЛАТӢ. СУОЛИ "ҶУМҲУРИЯТ" ОШКОР КАРД, КИ ДАР КАДОМ МАҚОМОТ БОНУВОН ҶАЛБ НАМЕШАВАНД

22.02.2021


ҶОМИ ФФТ – 2021. "ИСТИҚЛОЛ" МАРОТИБАИ ШАШУМ СОҲИБИ ҶОМИ ФФТ ШУД

АЗ НИШАСТҲОИ МАТБУОТӢ

МИЗИ МУДАВВАР. БАРРАСИИ МАВЗӮИ КОРКАРДИ НАХИ ПАХТА ТО МАҲСУЛОТИ НИҲОӢ

ХАТЛОН. ҶАМЪБАСТИ ОЗМУНҲОИ ОЯНДАСОЗ

19.02.2021


АЪЗОИ ТАШКИЛОТИ ТЕРРОРИСТИИ «ҲИЗБ УТ-ТАҲРИР» БА ДАСТ АФТОДАНД

ҶАҲОН ДАР ЯК САТР

АЗ НИШАСТҲОИ МАТБУОТӢ

АЗ НИШАСТҲОИ МАТБУОТӢ

ДУШАНБЕ. ИҚДОМОТИ БЕСОБИҚАИ ШАҲРДОРӢ ДАР ТАҲКИМИ ҲАВАСМАНДИИ ҶАВОНОН БА АРТИШ

«САНЪАТШИНОСӢ» ПАДИДАИ НАВ ДАР ҲУНАРШИНОСИИ ТОҶИК

ИММУНИЗАТСИЯ. БЕМОРИИ ФАЛАҶРО ПЕШГИРӢ МЕКУНЕМ!

ҶАҲОН

ҶАҲОН ДАР ЯК САТР

17.02.2021


АЗ НИШАСТҲОИ МАТБУОТӢ


Дар сомонаҳои дигари Тоҷикистон хонед