logo

туризм

"САРАЗМ – ҶАРТЕППА". РОҲИ САЙЁҲОНРО БА ШАҲРАКИ БОСТОНӢ БОЗ КАРД

Моҳи марти соли 2018 барои мардуми ду ҳамсоякишвари дӯсту бародар - Тоҷикистон ва Ӯзбекистон таърихӣ ва фаромӯшнашаванда гашт. Чунки баъди беш аз чоряк аср бо ташаббуси сарони давлатҳо муҳтарам Эмомалӣ Раҳмон ва муҳтарам Шавкат Мирзиёев муносиботи мамлакатҳо аз нав роҳандозӣ шуда, дар кӯтоҳтарин муддат то ба сатҳи шарикии стратегӣ расид.

Аз ҷумла, яке аз калонтарин гузаргоҳи сарҳадии «Саразм-Ҷартеппа», ки Панҷакентро бо Самарқанд мепайвандад, фаъол шуд. Ҳар рӯз мардуми зиёд, ки ташнаи дидори якдигаранд, ин гузаргоҳро убур меунанд. Зеро, ба қавли сокини шаҳри Самарқанд Сурайё Шокирова, «Магар бо он қаробате, ки мо дар тӯли таърихи дароз дошта, решапайванд шудем, метавонем аз ҳам ҷудо бошем? Албатта, не. Шукр, садди сунъӣ аз миён бардошта шуд. Ва барои ин, мардум дуои ҷони сарварони ҳар ду давлатро мекунанд».
Мо, як гурӯҳ хабарнигорони тоҷик, ҳамон лаҳзаҳои таърихии кушодашавии марзҳо дар гузаргоҳи «Саразм-Ҷартеппа» будем. Хурсандӣ, ашки шодии сокинони ду ҷонибро медидем. Дар ин миён сайёҳони хориҷӣ низ кам набуданд, ки ба Тоҷикистон меомаданд. Зимни суҳбат мегуфтанд, ки ба  тамошои Саразм ва Панҷакенти Қадим мераванд.
Басо рамзист, ки бо ташаббуси Пешвои миллат муҳтарам Эмомалӣ Раҳмон соли 2018 - Соли рушди сайёҳӣ ва ҳунарҳои мардумӣ эълон шуду баъди камтар аз се моҳаш роҳҳои миёни ду мамлакатро кушоданд. Дар анҷоми сол муайян гашт, ки тӯли он як миллион сайёҳ ба тамошои Тоҷикистон омадааст. Дар ин миллиони таърихӣ кушодашавии сарҳадҳои Тоҷикистону Ӯзбекистон нақши бориз дошт. Зеро бештари сайёҳон аз гузаргоҳҳои сарҳадии кишвари ҳамсоя ворид гардиданд.
- Соҳаи сайёҳӣ маҷмӯӣ буда, аз кишварҳои ҳамсоя вобастагии калон дорад. Сайёҳоне, ки ба Осиёи Миёна сафар мекунанд, мехоҳанд бо як омадан ҳама давлатҳои ҷолиби минтақаро бубинанд. Масалан, ҳафтае дар Ӯзбекистон, ҳафтае дар Тоҷикистон ва баъдан дар Қирғизистон бошанд.
Дигар аҳамияти муҳими бозшавии марзҳо дар он аст, ки шаҳрвандони Ӯзбекистон ҳам ба сайри мавзеъҳои таърихӣ ва тамошобоби кишвари мо шавқи зиёд доранд, - иброз дошт Фаридун Ҳамроев, директори ширкати сайёҳии «ПанҷакентИнтур».
Ӯ таъкид намуд, ки миёни гузаргоҳҳои сарҳадӣ гузаргоҳи «Саразм - Ҷартеппа» аҳамияти бештари сайёҳӣ дорад. Чунки аз он то ҳафриёти оламшумули таърихӣ – Панҷакенти Қадим ва Саразм, ба қавле як қадам аст. Ва кулли хориҷиён баъди боздиди Самарқанд ҳатман ин муъҷизаҳоро дидан мехоҳанд.
Соли гузашта дар мавзеи зебоманзари Искандаркӯл зимни вохӯрӣ Кристиан Ҳалстрин, роҳбари ширкати сайёҳии «Аustralia staring a brut ASA» (Австралия), хурсандияшро аз кушода шудани сарҳадҳои Тоҷикистону Ӯзбекистон пинҳон надошт ва сабабашро ҳам ошкоро гуфт. Ӯ зикр кард, ки бисёр сайёҳон пас аз тамошои шаҳрҳои Самарқанду Бухоро мехостанд аз Саразм ва Панҷакенти Қадим дидан намоянд.
- Вақте мо аз Самарқанд ба Саразму Панҷакент омадем, роҳ ҳатто яксоата набуд. Пештар бошад, сайёҳон пас аз тамошои Бухорою Самарқанд танҳо ба воситаи гузаргоҳи «Ойбек – Фотеҳобод» роҳи тӯлониро тай карда, аз Мастчоҳ ба Панҷакент меомаданд. Яъне, соатҳои зиёдро дар роҳ мегузаронданд, маблағ ҳам бештар сарф мешуд, – тавзеҳ дод Кристиан. – Ҳоло мо дар феҳристи ширкати сайёҳиамон сараввал Саразму Панҷакенти қадимро гузоштем. Чунки имконияти тамошои онҳо басо мусоид шуданд. Боз як нуктаро дар хотир дошт, ки барои сайёҳон бештар кишварҳое писанданд, ки дар Шоҳроҳи Абрешим ҷойгиранд.
Тавре аз бахши сайёҳии шаҳри Панҷакент иттилоъ доданд, соли 2018 танҳо аз гузаргоҳи «Саразм-Ҷартеппа» бо мақсади саёҳат 8169 шаҳрванди хориҷӣ ворид гардидааст. Баъди як сол ин шумора беш аз се  баробар афзуд.  Мутаассифона,  пеши роҳи ин рушди босуръатро пандемияи коронавирус гирифт. Аммо ин рӯзҳо ҳам мегузаранд. Ва боз ҳазорҳо сайёҳони дохилу хориҷ озими Саразму Панҷакент мегарданд, ки дар ҷараёни таҷлили 5500-солагии ҳафриёти беназир басо обод шудаанд.

Маҳмуд БАҲРОМ,  «Ҷумҳурият»
 


Баёни ақида (0)    Санаи нашр: 12.10.2020    №: 201 - 202    Мутолиа карданд: 165
27.10.2020


СУҒД. 73 КОРХОНАВУ КОРГОҲИ НАВ БА ФАЪОЛИЯТ ШУРӮЪ КАРД

ТАҒЙИРОТ ДАР ФАЪОЛИЯТИ ЖУРНАЛИСТӢ

ПАРВОЗҲОИ МУСТАҚИМ МИЁНИ ТОҶИКИСТОНУ ӮЗБЕКИСТОН БАРҚАРОР МЕШАВАНД

ҶАҲОН ДАР ЯК САТР

"СИПАР" – ҚАҲРАМОНИ ЛИГАИ КАСБИИ ФУТЗАЛ

26.10.2020


Дар Қирғизистон интихоботи парламентиро мавқуф гузоштанд

Кремл шарти ҷалби Туркияро ба музокироти Қарябоғ гуфт

Ҷавоби Путин ба рақибоне, ки интизори фанои Россия ҳастанд

Табиби олмонӣ барои табобати беморони SARS-CoV-2 ба Тоҷикистон омад

ҶАҲОН ДАР ЯК САТР

СПИТАМЕН. БУНЁДИ МАРКАЗИ ХИЗМАТРАСОНӢ ВА ЧОЙХОНАИ “РОҲАТ”

94 ҲАЗОРУ 262,2 ТОННА ПАХТА ҶАМЪОВАРӢ ШУД

ХУҶАНД. БОЗ ЯК ШУЪБАИ ТАБОБАТӢ ДАР ХИЗМАТИ МАРДУМ

22.10.2020


"РАВШАН" – ҒОЛИБИ ЛИГАИ ЯКУМ

ШАҲРИ ТУРСУНЗОДА. СОЛИ ЧАРОҒОНКУНӢ

ПОМПЕО ИМА ВА РОССИЯРО БА ОҒОЗИ ҲАРЧИ ТЕЗТАРИ ГУФТУШУНИД ОИД БА МСС-3 ДАЪВАТ НАМУД

ҶАҲОН ДАР ЯК САТР

21.10.2020


90 СОЛИ ПУРБАРОР

САРАЗМ. АЗ ТАНТАНАҲОИ ҶАШНӢ ТО ТАНТАНАИ ЗИНДАГӢ

ҶАШНИ МЕҲРГОН ВА ФЕСТИВАЛИ ШОЛИЮ БИРИНҶ

19.10.2020


ҶОМИ ТОҶИКИСТОН – 2020. "РАВШАН" БАРАНДАИ ОН ГАРДИД

16.10.2020


МОЛИЯЧИЁНИ ХАТЛОН: МО ПАЙРАВИ ПЕШВОИ МИЛЛАТЕМ!

ТАСАРРУФИ 430 000 ДОЛЛАР. ПАРВАНДАИ ҶИНОЯТӢ НИСБАТ БА ҚАЛЛОБЕ, КИ ДАР АВРУПО ПАНОҲ МЕБАРАД

14.10.2020


«ҲАБДАҲ ЧАМАН»

13.10.2020


ХАТЛОН. СОДИРОТИ МАҲСУЛОТИ КИШОВАРЗӢ МЕАФЗОЯД

ТОҶИКИСТОН. 88,7 ДАРСАДИ ГИРИФТОРОНИ КОРОНАВИРУС ШИФО ЁФТАНД

ЛИГАИ ЧЕМПИОНҲО – 2020 «БАРСЕЛОНА» ҚАҲРАМОНИ ОН

ОҒОЗИ МАШҚҲОИ СААД ДАР БЕЛАРУС

ҶАҲОН ДАР ЯК САТР

ЛЕВАКАНТ. ТАҶДИДУ НАВСОЗИИ РОҲҲО

НОБОЛИҒОН. ҚОНУНШИКАНӢ ҲАНӮЗ АЗ БАЙН НАРАФТААСТ

ОЗАРБОЙҶОН ВА АРМАНИСТОН ОТАШБАС ЭЪЛОН НАМУДАНД

ҶАҲОН ДАР ЯК САТР

ФИЛМИ “ХИЁНАТ” АСРОРИ ДУШМАНИВУ ХОИНИРО ИФШО КАРД

12.10.2020


ЧЕМПИОНАТИ ОСИЁ - 2020. ФУТЗАЛБОЗОНИ ТОҶИК БАРОИ ИШТИРОК ОМОДАГӢ МЕГИРАНД


Дар сомонаҳои дигари Тоҷикистон хонед