logo

фарҳанг

 ЭМОМАЛӢ РАҲМОН – СИЁСАТМАДОРИ БАРҶАСТАИ ДАВРОНИ НАВ


Дар байни чеҳраҳои маъруфи сиёсӣ, давлатмардони таърихии ниёгони мо номи Каюмарс, Ҳушанг, Ҷамшед, Куруши Кабир, Анӯшервони одил, Исмоили Сомонӣ чун сарварону сиёсатмадорони донишманду ботадбир, олим, одил ва оқил маълум ва машҳуранд.  Онҳо бо родмардиву ҷасорат, баландҳимматӣ, озодипарастӣ, инсондӯстӣ, садоқат ба халқу Ватани хеш дар авроқи таърих ва хотираи мардум ба таври ҷовидонӣ ҷой гирифтаанд.
Дар радифи чунин фарзандони фарзонаву сарсупурдаи миллат ному шуҳрати Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар сарнавишти тоҷикон мақоми махсус доранд.  Эмомалӣ Раҳмон бо амри таърих дар лаҳзаи хеле душвору сангин, ки аксари манотиқи мамлакатро оташи ҷанги бародаркуш фаро гирифта, сарнавишту мавҷудияти давлати тозаистиқлол ва миллати тоҷик сари як мӯй қарор дошт, ба сари қудрат омад.
Оини сарварӣ, мактаби давлатдорӣ, сиёсати ростин ва собитқадамонаи Пешвои адолатпеша ва Сарвари хирадандешаи тоҷикон Эмомалӣ Раҳмон, ки дар пояи қонун, адолат, мардумсолорӣ бунёд ёфта, шахсияти ин фарди беназир мавриди таваҷҷуҳи ҳамагон гаштааст.  Дар бораи корномаи Пешвои миллат Эмомалӣ Раҳмон садҳо китобу рисола, мақолаҳо, шеъру достон эҷод шудаанд ва боз хоҳанд навишт.  Зеро Эмомалӣ Раҳмон шахсияти фавқулода беназир, фарзанди фарзонаи миллати тоҷик, Қаҳрамони Тоҷикистон, ифтихори халқи тоҷик аст. 
Сиёсатшиносону таҳлилгарон дар таҳқиқу таблиғи мактаби сиёсии Эмомалӣ Раҳмон саҳми шоиста доранд.  Яке аз чунин муҳаққиқон ва мубаллиғони собитқадами кору пайкори Пешвои миллат доктори илмҳои таърих, профессор Ваҳҳоб Набиев аст.  Таҷрибаи фаровон ва пурсамари тӯлонӣ ҳамчун сарвари созмони ҷавонон, устоди мактаби олӣ, вазифаҳои масъули давлатӣ: мушовири Президенти Ҷумҳурии Тоҷикистон оид ба рушди иҷтимоӣ ва робита бо ҷомеа (1997 - 2003), сарвари ду донишгоҳи мамлакат - Донишкадаи давлатии фарҳанг ва санъати Тоҷикистон ба номи Мирзо Турсунзода (2003 - 2007) ва Донишгоҳи давлатии Хуҷанд ба номи академик Бобоҷон Ғафуров (2010 - 2012), аввал чун муовин ва сипас, муовини аввали раиси вилоят (2007 - 2010) ва дигар вазифаҳои масъули ҷамъиятӣ, дониши фароху ҳамаҷониба дар соҳаи илмҳои гуногуни гуманитарӣ, дар симои ӯ роҳбари кордон, муҳаққиқ, муаррих ва таҳлилгари моҳирро ташаккул дода, дар зеҳну ниҳоди ӯ вусъати андешаву афкор, майдони фарохи фаъолияти сиёсӣ, давлатӣ, ҷамъиятӣ, илмӣ ва эҷодиро фароҳам овард ва ба ин васила самту мавзӯи пажӯҳиш ва тадқиқоту таълифоти илмии ӯро боз ҳам васеъ ва пурмазмунтар намуданд.
Дар ин давра профессор Ваҳҳоб Набиев чандин асарҳои илмӣ - оммавӣ, маҷмӯаи мақолаҳо, аз ҷумла «Сулҳ, ризоият, ваҳдат», «Фарҳанг ва ҷавонон», «Ваҳдат - ганҷи ҷовидони миллат», «Иҷлосияи ХVI Шӯрои Олӣ поягузори сулҳу ваҳдати тоҷик», «Президент Эмомалӣ Раҳмон ва ташаккули сиёсати давлатии ҷавонон дар Тоҷикистон», «Созандагони Тоҷикистони соҳибистиқлол», «Нигоҳе ба фарҳанги миллии тоҷикон», «Бузургони миллат дар шоҳроҳи таърих», «Аҳдномаи муттаҳидкунандаи миллат», «Корномаи ҷавонони Тоҷикистон», «Во имя дружбы и сотрудничества», «Молодёжь Таджикистана авангард культурного фронта»-ро нашр намуда, ҳамчун муҳаққиқ ва мубаллиғи таърихи даврони истиқлолият эътироф гардид.
Китоби «Эмомалӣ Раҳмон - сиёсатмадори барҷастаи даврони нав» натиҷаи афкору андешаҳои муҳаққиқи дақиқназар ва таҳлилгар дар бораи корномаи Эмомалӣ Раҳмон буда, фарогири мақолаҳоест, ки тайи солҳои гуногун рӯи коғаз омадаанд.  Он аз рӯи мағзу муҳтаво ба ин бахшҳо тақсим мешавад:
Аввал, Эмомалӣ Раҳмон воқеан сиёсатмадори барҷастаи даврони нав буда, бо донишу истеъдоди нодири фитрӣ сари кор омадааст. 
Дуюм, Эмомалӣ Раҳмон дорои азму ғайрат, кӯшишу талошҳои пайгирона, собитқадамона, ҳадафрас дар роҳи пиёдасозии мақсаду мароми худ мебошад.
Сеюм, Эмомалӣ Раҳмон дорои ҷасорат, далерӣ, матонат, фидокорӣ, устуворӣ дар масъалаҳои калидӣ ва усулии (принсипиалии) давлатдорист.
Пас аз мутолиаи китоби «Эмомалӣ Раҳмон - сиёсатмадори барҷастаи даврони нав» итминон ҳосил мешавад, ки профессор Ваҳҳоб Набиев ба маънои том олими башардӯст, интернатсионалист, таблиғгари хастанопазири дӯстӣ, бародарии тамоми сокинони Тоҷикистон аст. 
А.  УСМОНОВ,
доктори илмҳои таърих, ноиби ректори ДДХ
ба номи академик Бобоҷон Ғафуров,
Ш.  ШАРИФОВ,
номзади илмҳои таърих, дотсенти донишгоҳ


Баёни ақида (0)    Санаи нашр: 21.12.2020    №: 242-243    Мутолиа карданд: 133
01.03.2021


ВМКБ. ОЗМУНИ «ДАСТАРХОНОРОӢ» ҶАМЪБАСТ ГАРДИД

ФФТ БАРНОМАИ МАХСУСИ ПРЕЗИДЕНТ БАРОИ РУШДИ ФУТБОЛ ДАР ДЕҲОТ

«ҚОНУНИ ТИБ» БОЗНАШР ШУД

ТАЪСИСИ КОРХОНАИ ХУРДИ ИЛМӢ - ИСТЕҲСОЛИИ МАВОДИ ДОРУВОР

КОРВОНИ САЛОМАТӢ ДАР ЛАХШ

27.02.2021


Ҷаҳон дар як сатр

Си Ҷинпин изҳор намуд, ки Чин бар бенавоӣ комилан пирӯз гардид

Масъулиятро нисбат ба он мансабдорҳое, ки душаҳрвандӣ доранд, бояд сахттар намуд

ИМА имкони тамдиди ҳузури низомиёнашро дар Афғонистон истисно намекунад

Кишварҳои Иттиҳоди Аврупо ба таҳияи «шиносномаи эмкунӣ» - и ягона ба мувофиқа расиданд

ТЕННИС ВА НАҚШИ «ҶУМҲУРИЯТ» ДАР ОММАВИЯТИ ВАРЗИШ

25.02.2021


ХАДАМОТИ ГУМРУК. ҚОНУНШИКАНӢ КАМ ВА ПАРДОХТҲОИ ГУМРУКӢ ЗИЁД ШУДАНД

«ТОҶИКОН» ДАР ТОҶИКОБОД

АЗ РАШТ ТО ЛАХШ. АВЛАВИЯТ БА ТАВСЕАИ ЗАМИНҲОИ КИШТ

КИШОВАРЗӢ. 11 КОРХОНАИ ПАРАНДАПАРВАРӢ ТАЪСИС МЕЁБАД

TASHKENT GRAND SLAM 2021. ТОҶИКИСТОНРО КИҲО МУАРРИФӢ МЕКУНАНД?

ҶАҲОН

ҶАҲОН ДАР ЯК САТР

24.02.2021


ҶАҲОН

ҶАҲОН ДАР ЯК САТР

23.02.2021


ХИЗМАТИ ДАВЛАТӢ. СУОЛИ "ҶУМҲУРИЯТ" ОШКОР КАРД, КИ ДАР КАДОМ МАҚОМОТ БОНУВОН ҶАЛБ НАМЕШАВАНД

22.02.2021


ҶОМИ ФФТ – 2021. "ИСТИҚЛОЛ" МАРОТИБАИ ШАШУМ СОҲИБИ ҶОМИ ФФТ ШУД

АЗ НИШАСТҲОИ МАТБУОТӢ

МИЗИ МУДАВВАР. БАРРАСИИ МАВЗӮИ КОРКАРДИ НАХИ ПАХТА ТО МАҲСУЛОТИ НИҲОӢ

ХАТЛОН. ҶАМЪБАСТИ ОЗМУНҲОИ ОЯНДАСОЗ

19.02.2021


АЪЗОИ ТАШКИЛОТИ ТЕРРОРИСТИИ «ҲИЗБ УТ-ТАҲРИР» БА ДАСТ АФТОДАНД

ҶАҲОН ДАР ЯК САТР

АЗ НИШАСТҲОИ МАТБУОТӢ

АЗ НИШАСТҲОИ МАТБУОТӢ

ДУШАНБЕ. ИҚДОМОТИ БЕСОБИҚАИ ШАҲРДОРӢ ДАР ТАҲКИМИ ҲАВАСМАНДИИ ҶАВОНОН БА АРТИШ

«САНЪАТШИНОСӢ» ПАДИДАИ НАВ ДАР ҲУНАРШИНОСИИ ТОҶИК

ИММУНИЗАТСИЯ. БЕМОРИИ ФАЛАҶРО ПЕШГИРӢ МЕКУНЕМ!

ҶАҲОН

ҶАҲОН ДАР ЯК САТР

17.02.2021


АЗ НИШАСТҲОИ МАТБУОТӢ


Дар сомонаҳои дигари Тоҷикистон хонед