logo

иқтисод

 МИНТАҚАИ КӮЛОБ. ЧОРВОДОРӢ  ПЕШРАФТИ ЧАШМРАС ДОРАД


Дар Ҷамоати деҳоти ба номи Сайф Раҳими ноҳияи Балҷувон муассисаи давлатии зотпарварии ба номи Сангак Сафаров фаъолият мекунад, ки дар он беҳтарин зотҳои чорвои калони ба шароити иқлими минтақа мутобиқ, парвариш меёбанд. Айни замон дар ин муассиса зотҳои қазоқӣ, қалмиқӣ ва абердин-ангуст нигоҳубин мешаванд, ки онҳо зоти гӯштианд. Соли гузашта барои бемушкилӣ паси сар намудани тирамоҳу зимистон хоҷагидорон аз ҳисоби алафҳои табиӣ, коҳу юнучқа захираро нисбат ба солҳои қаблӣ зиёд карданд. Барои талаф наёфтан қариб ҳамаи хӯроки чорво дар анбору кашарҳо захира шудааст.
Роҳбари хоҷагӣ Сайдаҳмад Миралиев гуфт: “Ҳоло дар хоҷагӣ 634 сар чорвои зотӣ парвариш меёбад. Барои гузарондани давраи зимистон 300 тонна юнучқа, 125 тонна коҳ ва зиёда аз 10 тонна хӯроки консентратӣ захира кардем, ки ин миқдор барои ду сол кофист”.
Вазифаи асосии муассисаи мазкур зиёд намудани саршумори чорвои хушзот ва таъмини дигар чорводорон бо ҳайвони калони зотӣ, истеҳсоли гӯшт ва таъмини бозору марказҳои савдо бо маҳсулоти хушсифат мебошад. Аз ин рӯ, бо дастгирии Вазорати кишоварзии Ҷумҳурии Тоҷикистон ба муассиса чорвои зотӣ аз хориҷи мамлакат дастрас гардида, барои хушзоткунӣ истифода мешавад.
Ба гуфтаи Сайдаҳмад Миралиев, моҳи ноябр аз ҷониби Вазорати кишоварзӣ ба хоҷагӣ чор сар буққачаи хушзот дастрас шуд, ки дар оянда барои хушзоткунӣ истифода мешавад.
Барои нигоҳубини чорво дар ихтиёри хоҷагӣ 9011 гектар замини чарогоҳ, 1437 гектар замини корами лалмӣ, ки дар 300 гектари он юнучқа, 750 гектар ғалладона ва дар замини боқимонда зироатҳои техникӣ, аз қабили наску нахӯд, зағиру маҳсар мекоранд. Хоҷагидорон мақсад доранд, ки имсол саршумори чорвои зотиро афзоиш дода, дигар хоҷагиҳои чорвопарварро бо чорвои хушзоти гӯштӣ таъмин намоянд.
Дар шаҳри Кӯлоб бошад кооперативи тиҷоратии “Мир Сайид Алии Ҳамадонӣ” фермаи зотпарварӣ дорад, барои чорвои калон 670 тонна сенаж, 250 тонна хӯроки дурушт, 620 тонна хӯроки ширадор ва беш аз 150 тонна хӯроки консентратӣ захира кардааст. Дар ин ферма се зоти чорвои калон парвариш мешавад. Дар Ҷамоати деҳоти Даҳана фермаи ширию молии ба номи Асадулло Сироҷов фаъолият мекунад, ки дар ин ферма беҳтарин зотҳои чорвои калони ба шароити иқлими минтақа мутобиқ, парвариш меёбанд. Саҳмдорони хоҷагӣ бо истифода аз техника ва заминҳои корами лалмию обӣ соли рафта хӯрокаи дусолаи чорворо бо назардошти зиёд намудани саршумори чорво захира кардаанд. Ба иттилои сарбайтори фермаи мазкур Саймурод Иброҳимов, то охири соли 2020 аз ҳар сад сар чорво 91 сар гӯсола гирифтанд. Аз ин ҷо ба коргоҳҳои истеҳсолии шаҳри Кӯлоб ҳамарӯза то 200 литр шир  дастрас карда мешавад.
Бино ба иттилои раёсати кишоварзии шаҳри Кӯлоб, соли 2020 дар ҳамаи шаклҳои хоҷагидорӣ кишоварзон беш аз 271 ҳазор сентнер хӯроки чорво, аз ҷумла 85 ҳазору 560 сентнер хасбеда, 10 ҳазору 600 сентнер тарбеда, 16 441 сентнер хасу хошок ва 3885 сентнер дигар намуди хӯрока захира кардаанд, ки аз нақшаи дурнамо зиёд мебошад.
Ширинҷон САФАРЗОДА,
Кӯлоб


Баёни ақида (0)    Санаи нашр: 12.01.2021    №: 7    Мутолиа карданд: 129
22.01.2021


ҶАЛАСАИ XVII ВАЗИРОНИ КОРҲОИ ХОРИҶИИ КИШВАРҲОИ УЗВИ МУКОЛАМАИ ҲАМКОРИҲОИ ОСИЁ

21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ


Дар сомонаҳои дигари Тоҷикистон хонед