logo

туризм

Сохтмони терминали байналмилалӣ оғоз шуд

- Вазъи имрӯзаи иқтисоди ҷаҳонӣ моро водор месозад, ки барои баланд бардоштани сатҳ ва сифати хизматрасонии соҳаи нақлиёт ва алоқа аз механизмҳои муосир самаранок истифода барем. Дар ин раванд ба рушди соҳаи нақлиёти ҳавоӣ низ такони ҷиддӣ бахшидан зарур аст.
Ба ин мақсад дар доираи ислоҳоти соҳаи мазкур соли гузашта сохтори он мавриди таҷдид қарор гирифт. Ба мо лозим аст, ки инфраструктураи фурудгоҳҳо ва соҳаи ҳавопаймоиро низ ба талаботи иқтисоди миллӣ ва меъёрҳои байналмилалӣ мувофиқ созем, – чунин омадааст дар Паёми Президенти кишвар ба Маҷлиси Олии ҷумҳурӣ 15 апрели соли 2009.
Азиз Иброҳимов, муовини директори генералии КВД «Фурудгоҳи байналмилалии Душанбе» дар сӯҳбат ба мо гуфт, ки вазифаҳои дар назди кормандон гузоштаи Сарвари давлат пурра амалӣ гаштанд. Соли гузашта фурудгоҳи шаҳри Душанбе қариб ба 954 ҳазор мусофир хидмат расонд. Интиқоли бор 1729 тоннаву 485 килоро ташкил дод.
Таъкид бамаврид аст, ки мувофиқи протоколи кории КВД ва ширкатҳои сохтмонии фаронсавии Alpha airport ва SOFEMA Gyoup корҳои сохтмонӣ дар терминали нави фурудгоҳ оғоз гардида, баъди ба мувофиқа расондани ҳуҷҷатҳои сохтмонӣ ҷонибҳо ба озмоиши корҳои иҷрошуда ва санҷиши маводи истифодашуда, бахусус семент ва арматураю бетон шурӯъ карданд.
Асадуллоҳ Абдуллоев, сармутахассиси Пажӯҳишгоҳи «Гипрострой», иброз дошт, ки барои бунёди сутунпояҳои терминал бетони В-15 (аз сементи маркаи 400) пешбинӣ ва истифода шудааст. Аз рӯи лоиҳа дар сохтмони сутунпояҳо бетони навъи мазкур ва барои дигар қабатҳои бино навъи 13-25 истифода мешавад. ӯ ҳамчунин иброз дошт, ки пас аз шиносоӣ бо корҳои иҷрошудаи сохтмонӣ ва ҳуҷҷатҳои аз ҷониби Агентии сохтмон ва меъмории назди Ҳукумати ҷумҳурӣ тасдиқшуда ҷониби Фаронса маркаи бетонеро, ки барои сохтмон Пажӯҳишгоҳи «Гипрострой» пешниҳод намудааст, қабул кард. Пажӯҳишгоҳи мазкур дар асоси меъёрҳои сохтмонии аз ҷониби Агентии сохтмон ва меъморӣ қабулшуда лоиҳаи терминали фурудгоҳи Душанберо омода намудааст. Бояд гуфт, ки ба бунёди терминали нави байналмилалии фурудгоҳи Душанбе ширкатҳои фаронсавии Alpha airport ва SOFEMA Gyoup  аз ҷониби худ ташаббус нишон доданд. 1 майи соли 2009 Сафаралӣ Наҷмиддинов, вазири молияи Ҷумҳурии Тоҷикистон ва Анрӣ Зиппер, сафири Фаронса дар Тоҷикистон қарордоди сохтмони терминали байналмилалии Душанберо имзо карданд. Масоҳати умумии терминали нав 11 ҳазор метри мураббаъ буда, дар як соат 500 мусофирро қабул карда метавонад.
Ҷониби фаронсавӣ талош дорад, ки бо ҷудосозии 20 миллион доллар то ҷашни 20-умин солгарди Истиқлолияти давлатии Тоҷикистон, яъне сентябри соли 2011, терминали навро мавриди баҳрабардорӣ қарор диҳад.
Ҳамчунин аз рӯи иттилои дафтари матбуоти Муассисаи давлатии авиатсионии «Тоҷик –Эйр», аз соли 2006 бозсозии парки авиатсионӣ оғоз шуд ва як ҳадафи он гузариши марҳилавӣ ба техникаи ғарбист. Аз тариқи лизинг аввалин ҳавопаймои «Боинг 732-200» харидорӣ шуд, баъдан чор ҳавопаймои дигар аз ин хонавода илова гардид ва ин ширкат ҳоло мақсад дорад, ки дар ояндаи наздик аз тариқи лизинг боз ду «Боинг»-и дигар харидорӣ кунад. Ҳамзамон бо вуруди ҳавопаймоҳо сарнишинон бо курсҳои бозомӯзӣ фаро гирифта шуданд. Ба фикри мутахассисони фурудгоҳ гузаштан ба техникаи ғарбӣ барои таъмини амнияту густариши ҷуғрофиёи парвозҳо ва афзоиши хидматрасонӣ ба мусофирон аҳамияти калон дорад.

Муҳаммади НУРУЛЛОҲ,
«Ҷумҳурият»


Баёни ақида (0)    Санаи нашр:    №:    Мутолиа карданд: 953

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед