logo

иқтисод

Оё сифати обҳои шифобахш ва ташнагишикан ҷавобгӯи меъёр аст?

Кишвари мо дорои захираҳои бойи обҳои тозаи ошомиданӣ буда, беш аз пеш  таваҷҷӯҳи хориҷиёнро ба худ ҷалб менамояд. Гидрологҳо дар ҳудуди Тоҷикистон захираҳои бузурги обҳои маъданӣ, чашмаҳои гарму сарди шифобахшро муайян ва тадқиқ кардаанд. Аз ҷумла, солҳои охир тавассути  пармачоҳҳо зиёда аз 200 чашмаи табобатӣ ва дар  70 мавзеи алоҳида захираҳои оби маъданӣ ошкор гардидаанд. Яке аз онҳо оби маъдани шифобахши «Шоҳамбарӣ» мебошад, ки дар мавзеи хушманзари қаторкӯҳҳои Ҳисор, дар назди деҳаи Шоҳамбарӣ ҷой гирифтааст.
Аз рӯи нишондоди санадҳои мавҷуда аз сарчашмаи оби «Шоҳамбарӣ» дар як шабонарӯз наздик ба 16-17 тонна оби маъданӣ ихроҷ мешавад. Айни замон дар шаҳри Душанбе ва ноҳияҳои атрофи он 12 сехи оби маъдан фаъолият дорад.
Талаботи аҳолӣ ба ин оби шифо ва ташнагишикан нисбати дигар навъҳо дучанд буда, онро аз мағозаҳо бештар харидорӣ менамоянд.
Пӯшида нест, ки дар солҳои 1992-1997 оби нӯшокии шишарезишуда аз ҷумҳуриҳои Ӯзбекистон, Гурҷистон ва Русия ворид мегардид. Ин обҳо то ба ин ҷо расидан ва ба фурӯш рафтан, албатта, қобилияти шифобахшии худро гум мекарданд.  Хушбахтона, солҳои ахир истеҳсолоти ватанӣ рӯ ба тараққӣ  овард ва корхонаҳои зиёд мувофиқи имконият  обҳои гуногун истеҳсол мекардагӣ шуданд.
Тавре ки сармуҳосиби осоишгоҳи  «Шоҳамбарӣ» Шарофат Бобоёрова зикр намуд, аз резишгоҳи асосӣ ҷамъиятҳои саҳомии «Авитсенна», «Фаррух», «Соҳилот» (ноҳияи Ҳисор), «Ҳосилот» (ноҳияи Рӯдакӣ), «Сонет», «Аква», «Шоҳона», «Ангел», «Ҳасид АЙ ТИ СИ», «Комбинати хӯроквории Тоҷикистон» (шаҳри Душанбе) ва корхонаҳои  муштараки Тоҷикистону Эрон «Об сито», «Ориён» оби шифоовар мекашонанд.
- «Шоҳамбарӣ» бо таркиби физикӣ-кимиёвӣ, бо хосиятҳои шифобахшии худ дар радифи обҳои маъдани Есентукӣ, Боржомӣ ва ғайраҳо меистад. Таркиби ин оби шифоӣ намак, сулфат, хлорид, гидрокарбонат, натрий дорад ва ҳарораташ 33-36 дараҷа  гарм мебошад. Он барои табобати бемориҳои узвҳои ҳозима, ҳаракат ва такягоҳ, асаб, амрози занона, қанд (дараҷаи якум ва дуюм), ҷоғар, пӯст ва ғайраҳо давои беҳтарин аст. Истифодаи васеи оби маъдани «Шоҳамбарӣ» аз чашмаи якум, ки маъданнокиаш 2,0- 3,5 г/литр мебошад, ҳангоми муолиҷаи беморон берун аз шароити  шифохона  ниҳоят  мувофиқ аст, - мегӯяд Раҳматулло Қурбонов, муовини директор оид ба корҳои табобатии муассисаи мазкур.
Аз ин рӯ зарур аст, ки аз ин сарвати бебаҳо, мӯъҷизаи атокардаи табиат самаранок истифода бурда, ба қадри он расем. Корхонаҳои истеҳсолкунандаи нӯшокиҳо бояд дар ин самт софдилона, боинсофона хизмат намуда, ҳалолкориро пешаи худ намоянд.
Истеҳсоли оби маъдан дар ҶСК «Комбинати хӯроквории Тоҷикистон», ки  бо таҷҳизоти замонавии муосир муҷаҳҳаз гардонда шудааст, ҷавобгӯи талаботи стандарт мебошад.
-Тамоми маҳсулоти истеҳсолмешударо мо санҷида баъд истифода мебарем ва онҳо дорои сертификати сифат ҳастанд,- гуфт зимни сӯҳбат Татяна Стенякова, мудири озмоишгоҳи корхона. – Оби маъданро мо аз чашмаҳои «Шоҳамбарӣ» ва «Файзобод» оварда коркард мекунем. Соли 2009 дар маҷмӯъ 510 ҳазор литр обҳои маъдани  «Шоҳамбарӣ» ва «Файзобод» истеҳсол шуданд.
Чуноне ки огоҳӣ пайдо кардем, на ҳама корхонаҳо бе камбудиву қонуншиканӣ фаъолият мекунанд. Далелҳое ҳастанд, ки баъзе аз ин корхонаҳо обро кам гирифта, дар асл онро дар ҳаҷми зиёд «коркард» карда, ба фурӯш мебароранд, ки дар натиҷа таъсири табобатии он гум мешавад. Эҳтиёҷи зиёди истеъмолкунандагонро дида, сафи ба ном «соҳибкорон»-и қаллобу фиребгар низ зиёд мешавад. Онҳо танҳо фикри кисаи худро мекунанд, на фикри саломатии мардумро.
Роҷеъ ба ин масъала Маҳмадзариф Сафаров, мудири шӯъбаи назорати давлатӣ дар маҷмааи агросаноатии Агентии «Тоҷикстандарт», иброз намуд, ки бо вуҷуди назорати ҳамаҷонибаи мутахассисони агентӣ камбудиҳо боз ҳам ҷой доранд. Масалан, ҶММ «Соҳилот» ва «Ҳосилот»-ро барои сифати пасти об ва ҶММ «Белое небо»-ро барои нодуруст навиштани навиштаҷоти болои зарфҳо ва риоя накардани қонуни забон ҷарима бастем. Дар мавсими имсола барои  роҳ надодан ба камбудиҳо нақша-чорабиниҳои махсус таҳия намуда, кӯшиш дорем, то обҳои ташнашикану шифоӣ бо сифати баланд бо риояи талаботи Қонуни Ҷумҳурии Тоҷикистон «Дар бораи сифат ва бехатарии маҳсулоти хӯрокворӣ» пешкаши муштариён гардонда шаванд.

Матлубаи АБДУҚАҲҲОР,
«Ҷумҳурият»


Баёни ақида (0)    Санаи нашр:    №:    Мутолиа карданд: 800

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед