logo

ҳукумат

Маҷлиси навбатии Ҳукумати Ҷумҳурии Тоҷикистон

29 октябри соли 2008 таҳти раёсати Президенти Ҷумҳурии Тоҷикистон, Раиси Ҳукумати мамлакат Эмомалӣ Раҳмон маҷлиси Ҳукумати Ҷумҳурии Тоҷикистон баргузор гашт, ки дар кори он беш аз 40 масъала баррасӣ шуд.
Дар  маҷлиси Ҳукумати Ҷумҳурии Тоҷикистон  нахуст масъалаи кадрҳо баррасӣ шуд.

Бо қарорҳои Ҳукумати Ҷумҳурии Тоҷикистон Ғафур Хоҷамуродов сардори Хадамоти назорати давлатии фаъолияти тиббӣ, Баҳодур Холназаров сардори Хадамоти назорати давлатии фаъолияти фармасевтӣ, Қурбон Тешаев сардори Хадамоти назорати давлатии сохтмон ва меъморӣ таъин гардида, Озода Раҳмонова узви ҳайати мушовараи Вазорати корҳои хориҷии Ҷумҳурии Тоҷикистон тасдиқ карда шуд.
Қарори Ҳукумати Ҷумҳурии Тоҷикистон «Дар бораи таъсиси Муассисаи давлатии «Ҷаҳоннамо»  ба  тасвиб расид.
Сипас ҳисоботи марказҳои идораи лоиҳаҳои инвеститсионии соҳаи нақлиёт ва роҳсозӣ шунида шуд.
Зикр гардид, ки айни ҳол дар соҳаи нақлиёт ва роҳсозӣ 9 лоиҳаи инвеститсионӣ бо маблағи умумии 1,73 миллиард сомонӣ амалӣ мегардад, ки ин  қариб 34 дарсади ҳамаи лоиҳаҳои инвеститсионии кишварро ташкил медиҳад.
Аз аввали татбиқи лоиҳаҳои соҳаи мазкур ба ҳолати 1 октябри соли ҷорӣ 1,1 миллиард сомонӣ аз худ карда шудааст.
Дар татбиқи ин лоиҳаҳо наздики 3100 нафар бо ҷойи кор ва маоши хуб таъмин гаштаанд, ки қариб 1,5 ҳазораш шаҳрвандони Тоҷикистон мебошанд.
Дар чаҳорчӯби ин лоиҳаҳо сохтмони қитъаи Шоҳон-Зиғари роҳи мошингарди Кӯлоб – Қалъаи Хумб, нақби Истиқлол, азнавсозии роҳҳои Душанбе-Хуҷанд-Бӯстон-Чанок бо нақби Шаҳристон, Душанбе-Рашт-Ҷиргатол- сарҳади Қирғизистон, Қӯрғонтеппа-Дӯстӣ-Панҷи Поён ва ҳамчунин беҳтарнамоии ҳолат ва нигаҳдории роҳҳои маҳаллии шаҳру ноҳияҳо ва деҳоти кишвар анҷом дода мешавад.
Сардори давлат Эмомалӣ Раҳмон ба роҳбарияти Вазорати нақлиёт ва коммуникатсия ва марказҳои идораи лоиҳаҳои инвеститсионии соҳаи роҳсозӣ оид ба тезондани сохтмону азнавсозӣ ва дар мӯҳлатҳои муайяншуда бо сифати баланд анҷом додани корҳо супоришҳои мушаххас дод. Онҳо вазифадор карда шуданд, ки оид ба рафти корҳо ҳар семоҳа ба Ҳукумати Ҷумҳурии Тоҷикистон ҳисобот пешниҳод намоянд.
Сипас раиси ноҳияи Дарвоз оид ба ҷараёни иҷрои нишондодҳои Барномаи рушди иҷтимоию иқтисодии Вилояти Мухтори Кӯҳистони Бадахшон дар давраи то соли 2015, ки соли 2006 қабул шуда буд, ҳисобот дод.
Ба иттилои ӯ маҷмӯи умумии маҳсулоти дохилии ноҳия дар 9 моҳи соли равон ба 34,4 миллион сомонӣ баробар шуд, ки ин нисбат ба нишондоди солонаи соли 2007  2,5 миллион сомонӣ зиёд аст.
Зикр гардид, ки дар 9 моҳи соли равон дар ноҳия 121 гектар заминҳои нав аз худ карда шудааст ва то соли 2012 боз 800 гектари дигар бояд шодоб гардад.
Дар 9 моҳи соли равон ба соҳибкорони ноҳия 4,5 миллион сомонӣ қарзҳои хурди бонкӣ ҷудо шудааст, ки нисбат ба соли 2007 1,1 миллион сомонӣ зиёд аст. Дар ҳамин давра дар ноҳия 506 ҷойҳои нави корӣ муҳайё гаштааст.
Дар ду соли охир  2 нерӯгоҳи хурди обӣ дар деҳаҳои Шкев ва Ёгед бунёд ёфта, дар деҳаи Ширг як нерӯгоҳи дигар бо иқтидори 1260 киловат рӯзҳои наздик ба истифода дода мешавад. Бо мавриди истифода қарор гирифтани ин нерӯгоҳ талаботи аҳолии ноҳия бо нерӯи барқ то 80 дарсад аз нерӯгоҳҳои маҳаллӣ қонеъ гардонда мешавад. Ғайр аз ин сохтмони 4 нерӯгоҳи хурди обии дигар бо иқтидори 2,5 мегават дар назар аст, ки  то соли 2015 бояд ба истифода дода шаванд.
Раиси ноҳия ба Президенти мамлакат баҳри кӯмаку ғамхории доимиаш ба аҳолии деҳоти кӯҳистон  бори дигар сипосу миннатдории мардуми заҳматкаши Дарвозро арза дошта, таъкид намуд, ки онҳо баҳри иҷрои ҳамаи супоришҳо ва  маслиҳату ҳидоятҳои сарвару раҳнамои Тоҷикистон   Эмомалӣ Раҳмон камар мустаҳкам бастаанд.
Президенти Ҷумҳурии Тоҷикистон Эмомалӣ Раҳмон рафти татбиқи Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ва Қонуни Ҷумҳурии Тоҷикистон «Дар бораи авфи шаҳрвандон ва шахсони ҳуқуқии Ҷумҳурии Тоҷикистон бинобар қонунигардонии молу мулк»-ро ташвишовар маънидод карда, баҳри иҷрои бечунучарои онҳо ба шахсони дахлдор супоришҳои қатъӣ дод.
Президенти мамлакат  Эмомалӣ Раҳмон Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон»-ро мавриди таҳлилу баррасӣ қарор дода, аз ҷумла таъкид дошт, ки татбиқи он дар шароити болоравии нархи озуқаворӣ манфиатҳои аҳолиро ҳифз намуда, ба амалӣ гаштани Стратегияи паст кардани сатҳи камбизоатӣ мусоидат намуд.
Ба иттилои расмӣ дар 9 моҳи соли равон дар баргузории 4 маъракаи асосӣ дар муқоиса ба 9-моҳаи то қабули қонуни мазкур ба ҳисоби миёна беш аз 35 ҳазор сар чорвои калон кам кушта шуд ва маъракаҳо бинобар камшавии хароҷот дар онҳо 12 ҳазор зиёдтар баргузор гашт. Дар натиҷаи амали қонун сатҳи камбизоатӣ аз 83 то ба 56 дар сад коҳиш ёфт. Дар ҳамин мӯҳлат беш аз 1 миллиард сомонӣ ба манфиати мардум сарфа гардид.
Дар баробари ин Сардори давлат Эмомалӣ Раҳмон аз вуҷуди камбудию норасогиҳои ҷиддӣ дар татбиқи Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» изҳори нигаронӣ карда, риояи бечунучарои онро аз тамоми табақаҳои аҳолӣ, пеш аз ҳама мансабдорону соҳибкорон талаб намуд.
Дар мавриди Қонуни Ҷумҳурии Тоҷикистон «Дар бораи авфи шаҳрвандон ва шахсони ҳуқуқии Ҷумҳурии Тоҷикистон бинобар қонунигардонии молу мулк» зикр гардид, ки аз аввали соли равон ба комиссияҳои шаҳру ноҳияҳо ва ноҳияҳои шаҳри Душанбе 14504 ариза аз ҷониби шаҳрвандон ва шахсони ҳуқуқӣ оид ба қонунигардонии молу мулкашон ворид гардида, аз он 6172-тоаш баррасӣ шуд ва 5300 нафар шаҳодатномаи соҳибмулк гирифтанд. Арзиши молу мулки қонуникардашуда тибқи маълумоти пешакӣ 2,2 миллиард сомониро ташкил дод.
Сардори давлат Эмомалӣ Раҳмон бо қотеият хотиррасон намуд, ки то анҷоми мӯҳлати татбиқи қонуни мазкур ду моҳи дигар боқӣ мондааст ва таъкид намуд, ки соҳибмулкон аз ин имкони мусоид бе тарсу ҳарос хуб истифода баранд, зеро чунин тадбир танҳо як бор амалӣ мегардад.
Ба тамоми мақомоти ҳифзи ҳуқуқ ва назоратӣ бори дигар дастур дода шуд, ки ба ин раванд ҳеҷ дахолат накунанд, то ки махфияти раванди қонунигардонии молу мулк пурра риоя карда шавад.
Хотиррасон мекунем, ки мӯҳлати татбиқи Қонуни Ҷумҳурии Тоҷикистон «Дар бораи авфи шаҳрвандон ва шахсони ҳуқуқии Ҷумҳурии Тоҷикистон бинобар қонунигардонии молу мулк» аз 1-уми январ то 31 декабри соли 2008-ум аст, яъне расо як сол.
Дар маҷлис ҳамчунин лоиҳаҳои қонунҳо ва пешниҳодҳои Ҳукумати Ҷумҳурии Тоҷикистон оид ба ворид намудани тағйиру иловаҳо ба як қатор қонунҳои амалкунандаи кишвар маъқул дониста шуда, ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод карда шуд.
Бо қарорҳои Ҳукумати Ҷумҳурии Тоҷикистон моҳи декабри соли равон 100–солагии академик Бобоҷон Ғафуров таҷлил карда мешавад, дар заминаи мақбараи Абӯабдуллоҳи Рӯдакӣ  ва иншооту ёдгориҳои атрофи он «Маҷмааи ҷумҳуриявии таърихию фарҳангии Панҷрӯд» таъсис ёфт, Консерваторияи миллии Тоҷикистон ба номи Талабхӯҷа Сатторов гузошта шуд.


Баёни ақида (0)    Санаи нашр:    №:    Мутолиа карданд: 921

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд

Тоҷикистон. Барои табобати Осия Зулфонова аз Олмон табиб оварданд

То соли 2020 маҳсулоти муштараки ширии Тоҷикистону Беларус ба бозор мебарояд


Дар сомонаҳои дигари Тоҷикистон хонед