logo

Хабарҳо

ТАНТАНАИ ҶАШНИ МИЛЛӢ ДАР МУРҒОБ

Ба муносибати  таҷлили бошукӯҳу хотирмони 30-солагии Истиқлоли давлатӣ  дар маркази ноҳияи Мурғоб майдони Парчами давлатӣ бо тарҳи зебо ва пуршаҳомат бунёд ёфтааст, ки аз зумраи корҳои омодагӣ ба ин ҷашни бузург аст. 
 
Дар ин ҷо зимни боздид аз ҷараёни корҳои сохтмонӣ ва суҳбат бо коргарону сокинони маҳаллӣ  Ҳусния Раҷабзода, узви Маҷлиси миллии Маҷлиси Олии Ҷумҳурии Тоҷикистон, раиси ноҳия,  изҳор дошт, ки дар оянда майдони мазкур   маскани баргузории чорабиниҳои тантанавӣ,  иду маросими давлатию мардумӣ мегардад  ва ҳар яке аз бинокорон  ба фарзандону наберагони худ бо ифтихор аз саҳмашон дар бунёди ин иншооти муқаддаси ҷашнӣ  хоҳанд гуфт. 
 Тавре аз Мақомоти иҷроияи маҳаллии ҳокимияти давлатии  ноҳия хабар доданд,  иншоот аз ҷониби Кумитаи ҳифзи муҳити зисти ҷумҳурӣ  маблағгузорӣ шуда, барои  сохтмони майдони нишони давлатӣ, парчам ва муҷассамаи Исмоили Сомонӣ дар маҷмуъ, 1 миллиону 200 ҳазор сомонӣ масраф мегардад. Иншоотро  Ҷамъияти дорои масъулияти маҳдуди «Бадахшон интернейшнл» сохтааст, ки он  рӯзи ҷашн мавриди истифода қарор мегирад. Кормандони ҷамъияти мазкур талош мекунанд баробари сохтани  сутунпояи устувору зебои парчам дар атрофи он корҳои ороишию хуррамгардониро анҷом дода, дар ин ҷо  манзараи зебо, диданӣ ва истироҳатгоҳи орому форамеро фароҳам оваранд. Зунун Абликеев, сардори ҷамъият, гуфт, ки баландии  сутунпояи  Парчами давлатии Тоҷикистон 35 метр, дарозии матои он 65 ва паҳноияш 41 метрро ташкил медиҳад. Чун ноҳияи баландкӯҳи  Мурғоб  дар баландии 3,5 ҳазор метр аз сатҳи баҳр ҷой гирифтааст, табиист, ки парчаме, ки дар ин мавзеъ  насб мегардад,  дар ҷаҳон баландтарин майдони парчам  маҳсуб меёбад”.
Раиси ноҳия, ҳамчунин, аз рафти корҳои  сохтмонӣ  дар бунёди  пули мошингузар аз болои рӯдхонаи  Аличур дидан ба амал овард. Сохтмони кӯпрукро бинокорони Ҷамъияти саҳомии шакли пӯшидаи «Шарора» ба зимма гирифтаанд. Дарозии ин пул 58 метр буда, иқтидори борбардории он то ба 100 тонна мерасад. Маблағгузории тарҳи мазкурро Бонки ҷаҳонӣ бар уҳда гирифта, мутахассисони ширкати чинии «Чайна роуд» низ дар бунёди ин пул ширкат меварзанд. 
Ба гуфтаи Саодатшо  Назаршоев, дар доираи лоиҳаи устуворсозии иншооти ҳаётан муҳим баҳри тобоварӣ ба ҳодисоти табиӣ, ки аз сӯйи Бонки ҷаҳонӣ маблағгузорӣ мешавад, дар қитъаи роҳи байналмилалии Кӯлоб - Хоруғ - Қулма - Қароқурум дар  деҳаҳои Башгумбез ва  Куҳнақурған боз бунёди чор пули мошингузар дар назар аст. 
Дар маркази ноҳия, ҳамчунин, сохтмони бинои шуъбаи Кумитаи давлатии амнияти миллии Ҷумҳурии Тоҷикистон дар ноҳияи Мурғоб  бомаром идома дорад. Раиси ноҳия бо рафти кор дар ин ва боз чанд иншооти  дигари ҷашнии ноҳия ошно гардид. Ҳусния  Раҷабзода аз он изҳори қаноатмандӣ намуд, ки  аҳли деҳоти ноҳия  бо завқи тамом ба корҳои созандагиву ободонӣ даст дода, боварии комил аст, ки ҷашни бошукӯҳи миллиро бо дастовезҳои сазовор пешвоз хоҳанд гирифт.
 
Раҳмони ГУЛЗОР, “Ҷумҳурият”


Баёни ақида (0)    Санаи нашр:    №:    Мутолиа карданд: 317
19.10.2021


Чин ба Тоҷикистон 800 миллион юан кумаки бебозгашт пешниҳод кард

БОКС

Ба машқҳои СААД дар Тоҷикистон 4 ҳазор нафар ҷалб шуд

Ҷаҳон дар як сатр

Рӯйдодҳои илмӣ

18.10.2021


КӮЛОБ. ТУҲФАИ ПЕШВОИ МИЛЛАТ БА МУАССИСАҲОИ ТАНДУРУСТӢ

Ифтитоҳи иншооти ҷашнӣ

РАШТ. 80 ХОҶАГИИ ДЕҲОТИ ҚАЛЪАНАК БО ОБИ НӮШОКӢ ТАЪМИН ГАШТ

ДАНҒАРА. АВЛАВИЯТ БА ТАЪМИНИ АҲОЛӢ БО ҶОЙИ КОР

ИДОРАКУНИИ ЗАХИРАҲОИ ОБ. Ҳамоиши муҳими илмию амалӣ

11.10.2021


«ИСТИҚЛОЛИЯТ ВА РУШДИ ЗАБОНИ ТОҶИКӢ»

ДАНҒАРА. ИСТЕҲСОЛИ 68 610 ТОННА ҒАЛЛА

«ТОҶИКИСТОН – КИШВАРИ ДАРЁҲОИ ТИЛЛОӢ»

06.10.2021


Рӯйдодҳои илмӣ

ФАЙЗОБОД. ИФТИТОҲИ ЧАНД ИНШООТ БО ИШТИРОКИ САРВАЗИР

СЕ ДАҲСОЛАИ ШАРИКИИ КИТОБХОНАҲОИ ИДМ

01.10.2021


3 СОМОНАИ НАВ ҚАДАМИ ҶИДДӢ БА СӮЙИ ҲУКУМАТИ ЭЛЕКТРОНӢ

ИСТАРАВШАН. СОКИНОНИ ДЕҲАИ СӮФӢ – ОРИФ БО ОБ ТАЪМИН ШУДАНД

МАСТЧОҲ. ИФТИТОҲИ 3 КОРГОҲИ ИСТЕҲСОЛӢ

29.09.2021


Ҳамкории Тоҷикистон бо СММ баррасӣ шуд

28.09.2021


Тағйирот ба қонун «Дар бораи нафақаҳои суғуртавӣ ва давлатӣ»

Путин чаҳор душмани асосии Россияро ном бурд

Навидҳои фарҳанг

27.09.2021


Мулоқоти Рустами Эмомалӣ бо Қосим-Жомарт Токаев

СОҲИБИСТИҚЛОЛӢ ВА РУШДИ ВАО

Лавров дар бораи ҳамоҳанг набудани ризоияти абарқудратҳо оид ба принсипҳои тартиботи ҷаҳонӣ сухан гуфт

Ҷаҳон дар як сатр

23.09.2021


Муносибатҳои дипломатии Тоҷикистон ва Мавритания барқарор шуданд

ЛИГАИ ОЛӢ

Машқҳои «Миссияи сулҳи СҲШ - 2021» дар вилояти Оренбург

Ҷаҳон дар як сатр

21.09.2021


Туҳфаи Пешвои миллат - “Тоҷикон” ба Хуҷанд расид

Навидҳои фарҳанг

17.09.2021


Токаев аз кишварҳои СААД хост, ки дар таҳкими марзи Тоҷикистон ёрӣ расонанд

Ҷаҳон дар як сатр


Дар сомонаҳои дигари Тоҷикистон хонед