logo

туризм

МИНТАҚАИ РАШТ. ИҚТИДОРҲОИ САЙЁҲӢ МУАРРИФӢ ГАРДИД

Инфрасохтори бахши сайёҳӣ дар водии Рашт, ки дорои захираҳои бойи сайёҳист, зарфи солҳои Истиқлоли давлатӣ дар доираи эълон гардидани Солҳои рушди деҳот, сайёҳӣ ва ҳунарҳои мардумӣ тавсеа ёфтааст. Далели ин бунёди даҳҳо меҳмонхона, хостел ва дигар инфрасохтори зарурии сайёҳӣ мебошад, ки ба баланд гардидани сатҳи иҷтимоию иқтисодии сокинони минтақаи дурдасти кӯҳӣ мусоидат менамояд. 
 
Ин нукта дар конфронси миллии сайёҳӣ, ки  дар мавзуи «Сайёҳии дохилӣ – омили рушди иқтисодиёти кишвар» дар маркази ноҳияи Рашт - шаҳраки Ғарм бо ибтикори Кумитаи рушди сайёҳии назди Ҳукумати Ҷумҳурии Тоҷикистон дар ҳамкорӣ бо Мақомоти иҷроияи ҳокимияти давлатии ноҳияи Рашт доир гардид, зикр шуд.
Дар конфронс, ки намояндагони вазорату идораҳои ҷумҳурӣ, мақомоти иҷроияи ҳокимияти давлатии вилоятҳои Хатлон, Бадахшон, шаҳру ноҳияҳои тобеи марказ, шаҳри Душанбе, роҳбарони суъбектҳои хизматрасони сайёҳӣ ва расонаҳои хабарӣ ширкат доштанд, муовини якуми раиси Кумитаи рушди сайёҳӣ Ҳабибулло Амирбекзода, муовини раиси ноҳияи Рашт Бахтиёр Муродзода доир ба сиёсати пешгирифтаи Ҳукумати мамлакат дар самти рушди сайёҳӣ дар минтақаи Рашт сухан гуфтанд.
Иштирокдорон масъалаҳои татбиқи самараноки сиёсати давлатии соҳаи сайёҳӣ, имконияти сайёҳӣ дар водии Рашт, ҳифз ва муаррифии объектҳои табиию таърихӣ, омода намудани мутахассисони соҳа,  имконоти ташкили хатсайрҳо бо мақсади рушди сайёҳии дохилӣ ва дигар масъалаҳои марбут ба рушди самараноки фаъолияти сайёҳиро баррасӣ намуданд.
Зикр шуд, ки водии Рашт яке аз минтақаҳои зебоманзари Тоҷикистон буда, бо обҳои зулолу мусаффо, олами нодири ҳайвоноту наботот, кӯҳсорони пур аз ганҷ ва мардуми меҳмоннавоз ҳамеша мавриди таваҷҷуҳи дӯстдорони сайру саёҳат қарор дорад. Дараҳои хушманзараи Камароб, Тагоба, Қалъанак, Ҷафр, Ҳиҷборак, Ясман ва Ҳоит, ки дар онҳо сайёҳии шикор, экологӣ, кӯҳнавардӣ, рафтинг, пиёдагардиву аспсаворӣ ривоҷ меёбанд, миёни ҷаҳонгардон маҳбубияти хосса пайдо намуда, сайёҳони дохилию хориҷӣ ба ин мавзеи зебоманзар беш аз пеш сафар мекунанд.
Инчунин, дар ноҳияи Лахш, ки яке аз мавзеъҳои мусоид барои рушди сайёҳии кӯҳнавардист, аз соли 2010 экспедитсияҳои байналмилалии кӯҳнавардӣ барои фатҳи қуллаи Исмоили Сомонӣ гузаронда мешаванд. Аз ноҳия ба сӯйи ин қулла роҳи махсус аст, ки кӯҳнавардонро ба майдончаи «Москвина» раҳнамун месозад. Таъкид гардид, ки табиати ноҳия бештар барои рушди сайёҳии экологӣ ва кӯҳию варзишӣ мусоид мебошад.
Дар водии Рашт ноҳияи Сангвор бо иқлим, табиат, ҳавои тозаи кӯҳсор, чашмаҳои шаффоф барои ташкили осоишгоҳҳои табобатӣ, экотуризми сатҳи ҷумҳуриявӣ ва байналмилалӣ мувофиқ аст. Маводи иттилоотии кумита низ маконҳои нотакрори минтақаро фаро гирифта, миёни дӯстдорони сайру саёҳат ба таври ройгон паҳн мешаванд.
Таҳлилҳо бозгӯйи онанд, ки ҳамасола теъдоди зиёди сайёҳони хориҷӣ маҳз барои боздид аз мавзеъҳои сайёҳии водии Рашт ба ҷумҳурӣ ворид мешаванд. Бо  мақсади рушди сайёҳӣ дар кишвар  бояд имконияту захираҳои сайёҳӣ бо истифода аз таҷрибаи кишварҳои ҳамсоя  ва давлатҳое, ки дар бахши сайёҳӣ муваффақ гардидаанд, оқилонаю самаранок истифода шаванд.
Ёдрас мешавем, ки конфронси миллии сайёҳӣ дар доираи ифтитоҳи хатсайри сайёҳии Душанбе – Сангвор – Лахш – Рашт – Нуробод - Душанбе доир гардида, иштирокдорони он бо мавзеъҳои сайёҳии ноҳияҳои минтақаи Рашт ва сатҳу сифати хизматрасонӣ дар инфрасохтори сайёҳӣ дар минтақа шинос гардиданд. 
Дар интиҳои ҳамоиш ба Мақомоти иҷроияи ҳокимияти давлатии ноҳияҳои водии Рашт  ва намояндагони воситаҳои ахбори омма, ки дар тарғиби зарфияти сайёҳии Тоҷикистон саҳми босазо гузоштаанд, аз номи раиси Кумитаи рушди сайёҳӣ сипосномаҳо тақдим гардиданд.
 
Шаҳноз ҚУРБОН, «Ҷумҳурият»,
Душанбе-Рашт-Душанбе
 


Баёни ақида (0)    Санаи нашр: 11.10.2021    №: 202    Мутолиа карданд: 5340
01.07.2022


Владимир Путин: «Россия ва Индонезия равобити хуб доранд»

Ҷаҳон дар як сатр

ҲИСОР. АРМУҒОНИ ҶАШНӢ БА РӮЗИ ВАҲДАТИ МИЛЛӢ

"ЗАРАФШОН". АЗ РУШДИ САНОАТ, ТО ҲИФЗИ ИҶТИМОИИ МАРДУМ

Вакилони Маҷлиси намояндагон қадр гардиданд

Путин: «Россия тарафдори амиқтар шудани равобити «панҷгона»-и Хазар аст»

Ҷаҳон дар як сатр

БОНКИ МИЛЛӢ. ВАҲДАТ ТАҶАССУМГАРИ ИТТИҲОД АСТ!

“ШУКУФАҲОИ ПОЙТАХТ”. ТАНТАНАИ ФЕСТИВАЛИ БАЙНАЛМИЛАЛӢ ДАР ДУШАНБЕ

29.06.2022


Густариши ҳамкорӣ бо Барномаи рушди СММ

"МАКТАБИ СИЁСИИ ПЕШВОИ МИЛЛАТ". КОНФРОНСИ БАЙНАЛМИЛАЛӢ ДАР БОХТАР

Путин дар саммити Хазар дар Ашқобод ширкат хоҳад кард

Ҷаҳон дар як сатр

Медали биринҷии Моҳрӯ аз ЧО

КӮШОНИЁН. ИФТИТОҲИ ПУЛ МУШКИЛИ СОКИНОНРО ҲАЛ КАРД

28.06.2022


СУҒД. СОЗИШНОМАҲОИ НАВИ ҲАМКОРӢ БА РУШДИ ВИЛОЯТ МУСОИДАТ МЕКУНАНД

«САДОИ АДИБОНИ ДУНЁ ДАР ВАСФИ ТОҶИКИСТОН». МУҲАББАТНОМАИ АДИБОНИ ДУНЁ БА ТОҶИКОН РӮИ ЧОП ОМАД

ТОҶИКИСТОН. ЗАРФИЯТҲОИ САЙЁҲӢ БА МАРДУМИ ОЛМОН МУАРРИФӢ МЕГАРДАНД

ХАТЛОН. ТАЪМИНИ ЁРИИ ҲУҚУҚӢ БА СОКИНОН

24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР

ШӮҲРАТ МУҲАММАДЗОДА: "САҲМИ СОҲИБКОРОН ДАР ОБОДОНИИ НОҲИЯ ТАВСЕА МЕЁБАД"

22.06.2022


Вазири корҳои хориҷӣ сафири Арабистони Саудиро ба ҳузур пазируфт

Лукашенко дар назди деҳқонон вазифаҳои нав гузошт

ҶАҲОН ДАР ЯК САТР

БОНКИ МИЛЛИИ ТОҶИКИСТОН. ТАШРИФИ ҲАЙАТИ ХБА РАВОБИТИ ДУҶОНИБАРО ТАҲКИМ МЕБАХШАД

«SOCIETY MAGAZINE». НАШРИ СИЛСИЛАМАҚОЛАҲО ДАР БОРАИ ТОҶИКИСТОН

20.06.2022


СҲШ. ДИПЛОМАТИЯИ ХАЛҚӢ БАРОИ ТАҲКИМИ ДӮСТӢ ХИДМАТ МЕКУНАД

17.06.2022


САЙЁҲӢ. ДОНИШҶӮЁНИ ТОҶИК ДАР АРАБИСТОНИ САУДӢ ТАҶРИБА МЕОМӮЗАНД

МАСТЧОҲ. БОЗДИДИ РАИСИ ВИЛОЯТ АЗ ҶАРАЁНИ КОРҲОИ ОБОДОНӢ

16.06.2022


НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ


Дар сомонаҳои дигари Тоҷикистон хонед