logo

Хабарҳо

ВАО. НАҚШИ МУҲИМТАРИН ВОСИТАИ ТАЪСИРРАСОНӢ ДАР ЗАМОНИ ПАНДЕМИЯ

Вазорати тандурустӣ ва ҳифзи иҷтимоии аҳолии кишвар дар Маҷмааи табъу нашри «Шарқи озод» барои рӯзноманигорону кормандони хадамоти матбуот ва коршиносони милливу байналмилалӣ тренинги серӯзаи омӯзишии «Нақши ВАО дар замони пандемияи COVID - 19» доир кард.
Ҳамоиши мазкур дар доираи Лоиҳаи фавқулодаи муқовимат бо вируси COVID – 19 дар Ҷумҳурии Тоҷикистон баргузор гардида, ҳадафи асосии он баланд бардоштани сатҳи огоҳии кормандони ВАО доир ба ин бемории сироятӣ ва роҳҳои дурусти пешниҳоди иттилоот тавассути  ВАО мебошад. 
Ғафур Муҳсинзода, муовини якуми вазири тандурустӣ ва ҳифзи иҷтимоии аҳолии Тоҷикистон доир ба нақши рӯзноманигорон дар рафъи вазъи сироятёбӣ ва маъракаи эмгузаронӣ бар зидди COVID-19 сухан гуфта, нақши ВАО – ро дар пешгирӣ ва огоҳ намудани аҳолӣ ҷиҳати сироятёби ба ин беморӣ муҳим ва назаррас арзёбӣ кард. 
Дар ҷараёни ҳамоиш баробари масъалаҳои муҳофизат, инчунин, масъалаи эмгузаронӣ низ, баррасӣ гардид. Зикр шуд, ки ваксина яке аз роҳҳои асосии ҷилавгирӣ аз паҳншавии пандемияи COVID-19 на танҳо дар Тоҷикистон, балки дар тамоми ҷаҳон ба шумор меравад. Аз ин рӯ, журналистонро зарур аст, ки  тавассути таҳияи матолиби гуногун мардумро аз эмкунӣ ва таъсири  мусбати он огоҳ намоянд. 
Наврӯз Ҷаъфаров, сардори раёсати амнияти санитарию эпидемиологӣ,  ҳолатҳои фавқулода ва кумаки фаврии тиббии вазорати мазкур гуфт, ки таъмин намудани мардум бо иттилооти саҳеҳ, дақиқ ва санҷидашуда яке аз омилҳои асосии мубориза бо пандемияи COVID-19 аст ва рӯзноманигорон бояд дар сафи пеши ин мубориза бошанд. 
- Айни замон дар кишвар беш аз 4 миллион вояи ваксинаи зидди COVID-19 мавҷуд аст ва ояндаи наздик зиёда аз 700 ҳазор вояи нав ворид мешавад. Кормандони вазорат пайваста талош менамоянд то сокинони кишварро ба эмкунӣ фаро гиранд, аммо, мутаассифона, баъзе шаҳрвандон аз эмукунӣ худдорӣ менамоянд, хусусан дар навоҳӣ. Ин ҳолат, дар навбати худ, барои зуд бартараф намудани мавҷи нави пандемия монеъ мешавад. Дар ин маврид вазифаи асосии рӯзноманигорон тавассути пешниҳоди матлабҳо фаҳмондан ва омода намудани ҷомеа ба эмгузоронӣ мебошад, - гуфт Н. Ҷаъфаров. 
Раиси Ассотсиатсияи тандурустии Тоҷикистон Рустам   Турсунзода оид ба нақши муҳими васоити ахбори омма дар инъикоси масоили гуногун сухан кард. Ӯ гуфт: «COVID-19 ҳаёти мо, ботини мо, ҳатто тафаккури  моро тағйир дод. Муҳити иттилоотӣ дар ин раванд  нақши муҳим бозид, яъне тавассути ВАО дар манбаъҳои гуногун маълумоти шубҳанок паҳн  шуд. Аввалин қурбонии пандемияи COVID-19, ки дар муҳити васоити ахбори омма рух дод, ҳақиқат буд. Набудан ва таҳрифи ҳақиқат боиси ваҳшати ғайричашмдошт дар ҷаҳон гардид ва ба аҳолӣ зарбаи иҷтимоиву равонӣ зад. ВАО бояд нақши калидии худро дар ҳифзи саломатии ҷомеа дарк кунанд».
                                                                              
Лола РИЗОӢ, «Ҷумҳурият»


Баёни ақида (0)    Санаи нашр:    №:    Мутолиа карданд: 1383
09.08.2022


ИФТИТОҲИ КОНСУЛГАРИИ ФАХРИИ ТОҶИКИСТОН ДАР БАТУМИ

ВАРЗИШ

08.08.2022


“Пешвои миллат ва рушди Тоҷикистони соҳибистиқлол”

НИШАСТИ МАТБУОТӢ

ВАРЗИШ

05.08.2022


Тоҷикистон ҷонибдори тамомияти арзии Чин мебошад

НИШАСТИ МАТБУОТӢ

ТОШКЕНТ. ЯК АНҶУМАНИ МУҲИМ

04.08.2022


Ба зарурати таҳкими ҳамкориҳо таъкид шуд

НИШАСТИ МАТБУОТӢ

СОЗМОНИ ҲАМКОРИИ ШАНХАЙ. БЕШ АЗ 10 ДАВЛАТИ ҶАҲОН ХОСТОРИ УЗВИЯТАНД

ВАРЗИШ

КӮЛОБ. ИФТИТОҲИ НАМОИШИ “ТОҶИКИСТОН – КИШВАРИ ДАРЁҲОИ ТИЛЛОӢ”

03.08.2022


Таҳкими ҳамкорӣ бо кишварҳои арабии Халиҷ

НИШАСТИ МАТБУОТӢ

ТОҶИКИСТОН - САРЗАМИНИ ОБҲОИ ШИФОБАХШ

02.08.2022


НИШАСТИ МАТБУОТӢ

ММТ. ИМКОНИЯТИ ДУБОРА БА ДОВТАЛАБОН

01.08.2022


Пули 760-метра сохта мешавад

НИШАСТИ МАТБУОТӢ

«РОҒУН». ЧАРО БУЗУРГТАРИН СОХТМОНИ АСР ДАР ОСОРИ АҲЛИ ҚАЛАМ КАМ ИНЪИКОС МЕШАВАД?

МУЛОҚОТИ ҲОКИМ ХОЛИҚЗОДА БО САФИРИ ҶОПОН ДАР ТОҶИКИСТОН

ВАРЗИШ

29.07.2022


НИШАСТИ МАТБУОТӢ

27.07.2022


Ҷаласаи вазирони кишоварзии СҲШ

Мулоқотҳои сатҳи ИДМ дар Нур-Султон дар шакли ҳузурӣ баргузор мегарданд

ҶАҲОН ДАР ЯК САТР

ҲОЛАТҲОИ ФАВҚУЛОДА. ТАҲКИМИ ЗАРФИЯТҲО ДАР ПЕШГИРӢ ВА РАФЪИ ПАЙОМАДҲОИ ЭҲТИМОЛӢ

ОЛИМПИАДАИ ҶАҲОНӢ

НИШАСТИ МАТБУОТӢ

ВАНҶ. ОҚИБАТҲОИ ОФАТИ ТАБИӢ БАРТАРАФ КАРДА МЕШАВАНД

26.07.2022


146 шаҳрванди Тоҷикистон аз Сурия ба Ватан баргардонда шуд

БОКС

СММ: “Ҷонибҳои созиши озуқаворӣ тарафдории худро ба ин тавофуқнома тасдиқ намуданд”

ҶАҲОН ДАР ЯК САТР


Дар сомонаҳои дигари Тоҷикистон хонед