logo

Хабарҳо

Иштироки Рустами Эмомалӣ дар ҷаласаи навбатии Шурои Ассамблеяи байнипарлумонӣ

Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар ҷаласаи Шурои Ассамблеяи байнипарлумонии давлатҳои узви Иттиҳоди Давлатҳои Мустақил (АБП ИДМ) иштирок ва суханронӣ намуд.
Ҷаласа таҳти раёсати Раиси Шурои Федератсияи Маҷлиси Федералии Федератсияи Россия, Раиси Шурои АБП ИДМ Валентина Матвиенко баргузор гардид.
Аъзои шуро дар доираи рӯзномаи ҷаласа, дар маҷмуъ, 23 масъаларо оид ба масоили ҷорӣ ва мубрами ҳамкорӣ мавриди баррасӣ қарор дода, қарорҳои дахлдор қабул карданд.
 
 
Рустами Эмомалӣ Тимоти Айдан Маршалл Ҷонсро ба ҳузур пазируфт
Рустами Эмомалӣ, Раиси Маҷлиси миллии Маҷлиси Олӣ, сафири фавқулода ва мухтори Шоҳигарии Муттаҳидаи Британияи Кабир ва Ирландияи Шимолӣ дар Ҷумҳурии Тоҷикистон Тимоти Айдан Маршалл Ҷонсро бо хоҳиши ӯ ба ҳузур пазируфт.
Таъкид шуд, ки муносибатҳои дипломатӣ байни Тоҷикистон ва Шоҳигарии Муттаҳидаи Британияи Кабир ва Ирландияи Шимолӣ сӣ сол қабл барқарор шуда, равобити  мунтазами сиёсии сатҳи олӣ ба густариши муносибатҳои дуҷониба ва бисёрҷонибаи  байни ду давлат заминаи мусоид фароҳам овардаанд. 
Зимни баррасии масоили вобаста ба амнияти минтақа ва ҷаҳон, бахусус бо назардошти вазъи сиёсӣ дар Афғонистон, зарурати тавсеаи ҳамкорӣ ҷиҳати таҳкими сарҳад ва тақвияти мубориза бар зидди таҳдиду чолишҳои муосир таъкид шуд.
 
 
Мулоқоти Раиси Маҷлиси миллӣ бо сафири Озарбойҷон дар Тоҷикистон
Раиси Маҷлиси миллии Маҷлиси Олӣ Рустами Эмомалӣ сафири навтаъини фавқулода ва мухтори Ҷумҳурии Озарбойҷон дар Ҷумҳурии Тоҷикистон Алимирзамин Гаввам оғлу Аскаровро бо хоҳиши ӯ ба ҳузур пазируфт.
Рустами Эмомалӣ оғози фаъолияти дипломатии сафирро  дар Тоҷикистон табрик гуфта, изҳори умед кард, ки барои тақвияти муносибатҳои байни ду давлати  дӯст иқдомҳои зарурӣ пеш мегирад.
Дар суҳбат масъалаҳои дурнамои рушд ва густариши ҳамкории дуҷонибаи байнидавлатӣ, байнипарлумонӣ ва байниминатқавӣ, аз ҷумла таҳкими заминаи шартномавию ҳуқуқии ҳамкориҳои байнидавлатӣ  мавриди баррасӣ қарор дода шуд.
 
 
Қоҳир Расулзода дар ҷаласаи Шурои сарварони ҳукуматҳо - сарвазирони кишварҳои узви СҲШ иштирок намуд
Ҷаласаи Шурои сарварони ҳукуматҳо - сарвазирони кишварҳои узв ва нозирони Созмони ҳамкории Шанхай тариқи видеоконфронс баргузор гардид, ки дар он Сарвазири Тоҷикистон Қоҳир Расулзода иштирок ва суханронӣ намуд. 
Дар ҷаласа  вазъи ҳамкориҳо дар соҳаи роҳу нақлиёт, энергетика, тандурустӣ, маориф ва илм, иқтисод, сармоягузорӣ, гумрук, кишоварзӣ, тағйирёбии иқлим ва амният мавриди таҳлилу баррасӣ қарор гирифтанд.
Сарвазири мамлакат таъкид намуд, ки Ҳукумати Тоҷикистон барои ба сатҳи сифатан нав расондани ҳамкориҳо бо кишварҳои аъзо ва нозири СҲШ ҳавасманд буда, дар замони муосир татбиқи пешниҳоди Президенти Ҷумҳурии Тоҷикистон муҳтарам Эмомалӣ Раҳмон оид ба таҳия ва қабули Стратегияи рушди иқтисодии минтақаи Созмони ҳамкории Шанхай то соли 2030 саривақтӣ мебошад.
 
 
Суҳбати телефонии вазирони корҳои хориҷии Тоҷикистон ва Россия
Дар суҳбати телефонии вазирони корҳои хориҷии Тоҷикистон ва Россия Сироҷиддин Муҳриддин ва Сергей Лавров вазъ ва дурнамои ҳамкориҳои Тоҷикистону Россия баррасӣ гардид. 
Мусоҳибон қазияеро, ки 12 ноябри соли 2021 дар деҳаи Заларии ноҳияи Заларински вилояти Иркутски Россия рух додаву дар ҷараёни он шаҳрвандони Тоҷикистон кушта шуданд, муфассал баррасӣ карданд. С. Мухриддин таваҷҷуҳи С. Лавровро ба зарурати таҳқиқи ҳамаҷонибаи ин ҳодиса ва ҷазои гунаҳкорони ҷиноят ҷалб кард. Вазирон ба тавофуқ расиданд, ки қазияи мазкурро таҳти назорати махсуси вазоратҳои корҳои хориҷии Тоҷикистон ва Россия қарор диҳанд.
 


Баёни ақида (0)    Санаи нашр:    №:    Мутолиа карданд: 1395
09.08.2022


ИФТИТОҲИ КОНСУЛГАРИИ ФАХРИИ ТОҶИКИСТОН ДАР БАТУМИ

ВАРЗИШ

08.08.2022


“Пешвои миллат ва рушди Тоҷикистони соҳибистиқлол”

НИШАСТИ МАТБУОТӢ

ВАРЗИШ

05.08.2022


Тоҷикистон ҷонибдори тамомияти арзии Чин мебошад

НИШАСТИ МАТБУОТӢ

ТОШКЕНТ. ЯК АНҶУМАНИ МУҲИМ

04.08.2022


Ба зарурати таҳкими ҳамкориҳо таъкид шуд

НИШАСТИ МАТБУОТӢ

СОЗМОНИ ҲАМКОРИИ ШАНХАЙ. БЕШ АЗ 10 ДАВЛАТИ ҶАҲОН ХОСТОРИ УЗВИЯТАНД

ВАРЗИШ

КӮЛОБ. ИФТИТОҲИ НАМОИШИ “ТОҶИКИСТОН – КИШВАРИ ДАРЁҲОИ ТИЛЛОӢ”

03.08.2022


Таҳкими ҳамкорӣ бо кишварҳои арабии Халиҷ

НИШАСТИ МАТБУОТӢ

ТОҶИКИСТОН - САРЗАМИНИ ОБҲОИ ШИФОБАХШ

02.08.2022


НИШАСТИ МАТБУОТӢ

ММТ. ИМКОНИЯТИ ДУБОРА БА ДОВТАЛАБОН

01.08.2022


Пули 760-метра сохта мешавад

НИШАСТИ МАТБУОТӢ

«РОҒУН». ЧАРО БУЗУРГТАРИН СОХТМОНИ АСР ДАР ОСОРИ АҲЛИ ҚАЛАМ КАМ ИНЪИКОС МЕШАВАД?

МУЛОҚОТИ ҲОКИМ ХОЛИҚЗОДА БО САФИРИ ҶОПОН ДАР ТОҶИКИСТОН

ВАРЗИШ

29.07.2022


НИШАСТИ МАТБУОТӢ

27.07.2022


Ҷаласаи вазирони кишоварзии СҲШ

Мулоқотҳои сатҳи ИДМ дар Нур-Султон дар шакли ҳузурӣ баргузор мегарданд

ҶАҲОН ДАР ЯК САТР

ҲОЛАТҲОИ ФАВҚУЛОДА. ТАҲКИМИ ЗАРФИЯТҲО ДАР ПЕШГИРӢ ВА РАФЪИ ПАЙОМАДҲОИ ЭҲТИМОЛӢ

ОЛИМПИАДАИ ҶАҲОНӢ

НИШАСТИ МАТБУОТӢ

ВАНҶ. ОҚИБАТҲОИ ОФАТИ ТАБИӢ БАРТАРАФ КАРДА МЕШАВАНД

26.07.2022


146 шаҳрванди Тоҷикистон аз Сурия ба Ватан баргардонда шуд

БОКС

СММ: “Ҷонибҳои созиши озуқаворӣ тарафдории худро ба ин тавофуқнома тасдиқ намуданд”

ҶАҲОН ДАР ЯК САТР


Дар сомонаҳои дигари Тоҷикистон хонед