logo

Хабарҳо

ВАХШ. БОЗДИДИ РАИСИ ВИЛОЯТ АЗ РАФТИ КОРҲОИ СОЗАНДАГӢ

 
Раиси вилояти Хатлон Қурбон Ҳакимзода зимни сафари корӣ ба ноҳияи Вахш бо ҷараёни корҳои сохтмонӣ дар чанд иншооти барои сокинон муҳим, аз ҷумла хобгоҳ ва бинои мактаб-интернати кӯдакони ятиму бепарастори ноҳия, шинос шуд. 
Тавре аз Мақомоти иҷроияи ҳокимияти давлатии вилояти Хатлон хабар доданд, бинои мазкур барои беш аз 400 хонанда пешбинӣ гардида, дар як маврид дар шафати ин бинои таълимӣ бунёду сохтмони хобгоҳ барои 480 нафар, нуқтаи тиббӣ, ошхона ва ҳуҷра барои вохӯрии волидайну тарбиятгирандагон ба нақша гирифта шудааст. Иншооти мазкур аз тарафи ташкилоти ҷамъиятии байналмилалии хайриявии «Эҳёи Сомониён» бо маблағгузории ташкилоти хайриявии «Дубай»-и Амороти Муттаҳидаи Араб бунёд мегардад. Масоҳати ҷойгиршавии бинои таълимӣ аз 3 гектар иборат буда, дар заминаи дастуру супоришҳои роҳбарияти Ҳукумати кишвар ва Мақомоти иҷроияи ҳокимияти давлатии вилоят гирду атрофи бино бо гулу ниҳолҳои ороишӣ зиннат дода мешавад. 
Қурбон Ҳакимзода ба масъулон дастур дод, ки иншооти сохташавандаро дар муҳлати пешбинишуда ва бо сифати баланд бунёд ва мавриди истифода қарор диҳанд. Инчунин, дар ҳамин замина ба масъулон супориш дод, ки то ба итмом расондани иншоот заминҳои корами гирду атрофи онро сарфакорона истифода бурда, кишту кор намоянд. 
Инчунин, дар заминаи вусъат бахшидани корҳои ободонӣ дар ноҳияи Вахш Коллеҷи аграрӣ бунёд мегардад. Қурбон Ҳакимзода дар доираи сафари корӣ аз ҷараёни корҳои сохтмонӣ дар иншооти мазкур дидан намуд. Иттилоъ дода шуд, ки Коллеҷи мазкур ба маблағи 48 миллиону 912 ҳазор сомонӣ аз тарафи Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон бунёд мегардад. 
Ҳамчунин, раиси вилоят дар деҳаи Иттифоқи деҳоти 20-солагии Истиқлолияти Тоҷикистони ҳамин ноҳия аз рафти корҳои сохтмонӣ дар бинои таълимӣ, ки барои 480 ҷойи нишаст дар ду баст пешбинӣ гардидааст ва бо харҷи 800 ҳазор сомонӣ бунёд мегардад, дидан намуд.
Дар доираи татбиқи Солҳои рушди саноат дар деҳоти 20-солагии Истиқлолияти Тоҷикистон бо ташаббуси соҳибкорони ватанӣ бунёди корхонаи нассоҷӣ ба нақша гирифта шуда, айни замон корҳои сохтмонӣ босуръат идома доранд. Дар ҳолати бунёд ва ба истифода супурдани ин корхона 460 сокини маҳал бо ҷойи кор таъмин мегарданд, ки ин иқдом на танҳо дар рушди саноат ва истеҳсоли маҳсулот замина мегузорад, балки дар беҳдошти рӯзгори сокинон низ мусоидат мекунад. Дастгоҳу таҷҳизоте, ки дар сехҳои истеҳсолии корхона насб мешаванд, аз хориҷи кишвар дастрас мегардад ва имконияти истеҳсоли маҳсулоти рақобатпазир фароҳам меояд. 
Иқдомҳои бунёдкорона дар ноҳияи Вахш дар заминаи татбиқ ва амалисозии дастуру супоришҳои роҳбарияти Ҳукумати кишвар идома дорад ва ин ободкориҳо боиси рушди соҳаҳои мухталиф мегарданд.
 
Нигина РАҲМОН,
«Ҷумҳурият»


Баёни ақида (0)    Санаи нашр:    №:    Мутолиа карданд: 274
17.01.2022


Финляндия ва Фаронса муҳимияти муколама бо Россияро баррасӣ карданд

ҶАҲОН ДАР ЯК САТР

Рӯйдодҳои илмӣ

14.01.2022


ҶАҲОН ДАР ЯК САТР

Токаев ба неруҳои посдори сулҳи СААД барои рисолати муваффақ изҳори сипос кард

ХАТЛОН. БАРДОШТ АЗ СОЛЕ, КИ ГУЗАШТ

12.01.2022


ҶАҲОН ДАР ЯК САТР

Токаев аз анҷоми бомуваффақи рисолати СААД дар Қазоқистон хабар дод

ПАЙРАВӢ АЗ СИЁСАТИ ИНСОНПАРВАРОНАИ ПЕШВОИ МИЛЛАТ

11.01.2022


ҶАҲОН ДАР ЯК САТР

Намоишгоҳи осори таърихии Тоҷикистон дар Париж ба поён расид

07.01.2022


ҶАҲОН ДАР ЯК САТР

Тоҷикистон ният дорад дар доираи СААД ба Қазоқистон ҷиҳати рафъи хатар кумак кунад

ВАХШ. БОЗДИДИ РАИСИ ВИЛОЯТ АЗ РАФТИ КОРҲОИ СОЗАНДАГӢ

15.12.2021


Ҷаласаи якҷояи Маҷлиси миллӣ ва Маҷлиси намояндагон доир мегардад

Маъмурияти дипломатии сафири Украина дар Тоҷикистон ба анҷом расид

ВМКБ. Ҷамъбасти фаъолияти фаврӣ-хизматии РВКД

29.11.2021


Алиев: «Россия дар ба эътидол овардани равобити Ереван ва Боку нақши муҳим дорад»

Ҷаҳон дар як сатр

МУЛОҚОТИ ҲОКИМ ХОЛИҚЗОДА БО САФИРИ АРАБИСТОНИ САУДӢ ДАР ТОҶИКИСТОН

26.11.2021


Иштироки Рустами Эмомалӣ дар ҷаласаи навбатии Шурои Ассамблеяи байнипарлумонӣ

Лавров бо вазирони корҳои хориҷии Чин ва Ҳиндустон роҳҳои рушди ҳамкориҳои сеҷонибаро баррасӣ мекунад

Ҷаҳон дар як сатр

25.11.2021


Боздиди намояндагони Иттиҳоди Аврупо аз НБО «Норак»

Суҳбати Путин бо раиси Шурои Аврупо

Ҷаҳон дар як сатр

МАШҒУЛИЯТИ ОМӮЗИШӢ ОИД БА МАБЛАҒГУЗОРИИ ХУРД МУВОФИҚИ ПРИНСИПҲОИ МАБЛАҒГУЗОРИИ ИСЛОМӢ

24.11.2021


Масъалаи аломатгузории хати сарҳади давлатӣ баррасӣ шуд

Ҷаҳон дар як сатр

Путин, Алиев ва Пашинян 26 ноябр дар Сочи мулоқот хоҳанд кард

ЛИГАИ ҚАҲРАМОНҲО

ВАО. НАҚШИ МУҲИМТАРИН ВОСИТАИ ТАЪСИРРАСОНӢ ДАР ЗАМОНИ ПАНДЕМИЯ

ЛАХШ. ТАНТАНАИ ҶАШНИ МИЛЛӢ

С А Н О А Т . МАҲСУЛОТИ ВАТАНӢ ИФТИХОРИ МАНУ МО

РӮЗИ ПАРЧАМИ ДАВЛАТӢ. ҲАМОИШИ ҶАШНӢ ДАР ДМТ


Дар сомонаҳои дигари Тоҷикистон хонед