logo

мулоқотҳо

Эмомалӣ Раҳмон Сузанна Якабро ба ҳузур пазируфт

Нимаи дуюми 3 майи соли 2010 Президенти Ҷумҳурии Тоҷикистон Эмомалӣ Раҳмон директори Бюрои минтақавии Созмони ҷаҳонии тандурустӣ Сузанна Якабро ба ҳузур пазируфт.
Дар мулоқот ҳамкории Тоҷикистон бо ин  созмони бонуфузи байналмилалӣ баррасӣ шуд.

«Мо ба ҳамкорӣ бо Созмони ҷаҳонии тандурустӣ баҳои баланд медиҳем ва ба рушду густариши минбаъдаи он манфиатдорем», - изҳор дошт зимни сӯҳбат Сарвари давлат Эмомалӣ Раҳмон.
Ба гуфти Сузанна Якаб, ҳадафи асосӣ аз ташрифи ҳайати Созмони ҷаҳонии тандурустӣ ба Тоҷикистон мусоидат ба пешгирии паҳншавии фалаҷи шадид (полиомиелит) ва баррасии масоили кунунӣ ва дурнамои ҳамкории гуногунҷанба аст».
Аз сатҳ ва мазмуни ҳамкории бисёрсолаи Тоҷикистону Созмони ҷаҳонии тандурустӣ, хусусан дар бартарафсозии фалаҷи шадид ва хурӯҷи чунин бемориҳои хатарноки сироятӣ, ба мисли гулӯзиндонак, вараҷа ва сурхча изҳори қаноатмандӣ карда шуд.
Ҳар ду ҷониб изҳори боварӣ намуд, ки бо кӯшишҳои муштарак дар мӯҳлатҳои кӯтоҳтарин пеши роҳи паҳншавии фалаҷи шадид (полиомиелит) гирифта шуда, рафъи пурраи он таъмин мегардад. Таъкид гардид, ки барои пешгирии зуд ва ҳамаҷониба аз паҳншавии фалаҷи шадид бояд тамоми кӯдакони то 6 - сола эм кунонда шаванд ва падару модарон бояд саҳлангорӣ накарда, ба дармонгоҳҳои маҳалли зисти худ муроҷиат намоянд.

www.president.tj

-Ҳадафи асосии сафари ман ба Ҷумҳурии Тоҷикистон таҳлил, баррасӣ ва мушаххас намудани омилҳои пайдоиш ва хурӯҷи бемории фалаҷи шадид (полиомиелит)  дар кишвар аст,- гуфт Сузанна Якаб, директори Бюрои минтақавии Созмони ҷаҳонии тандурустӣ, пас аз мулоқот бо Эмомалӣ Раҳмон, Президенти Ҷумҳурии Тоҷикистон, ба намояндагони воситаҳои ахбори омма.
Сузанна Якаб иброз дошт, ки дафтари Созмони ҷаҳонии тандурустӣ дар Тоҷикистон якҷо бо мутахассисони варзидаи Вазорати тандурустии ҷумҳурӣ, инчунин ҳайати коршиносони СҶТ ҷиҳати пешгирӣ ва рафъи бемории фалаҷи шадид барномаи муассири фаврӣ тарҳрезӣ карданд ва имрӯзҳо баҳри татбиқи он саъю талош доранд. Ман бо ҷаноби Президент дар бораи самтҳои асосии фаъолияти СҶТ, таъсиси озмоишгоҳҳои муҷаҳҳаз бо таҷҳизоти тиббии муосир, роҳандозии саросарии маъракаи эмкунӣ ва ҷалби тамоми кӯдакони синни то шашсола, ҳамчунин расонидани ёрии амалӣ ба тифлони мубталои ин намуди беморӣ дар Афғонистону Покистон табодули назар намудем. Зикр гардид, ки бемории фалаҷи шадид хеле хатарнок буда, он ба Тоҷикистон аз тариқи кишвари ҳамсоя эҳтимоли доман паҳн кардан дорад ва бояд пеши роҳи хурӯҷи он дар минтақа ҳарчи зудтар гирифта шавад.
Директори Бюрои минтақавии Созмони ҷаҳонии тандурустӣ иттилоъ дод, ки моҳи сентябри соли равон мулоқоти вазирони тандурустии кишварҳои узви Иттиҳоди Аврупо баргузор хоҳад гашт ва ҷиҳати иштирок дар кори он вазири тандурустии Тоҷикистон даъват шудааст.
–Дар иҷлосия дар баробари дигар масъалаҳои мубрами соҳаи тандурустӣ, инчунин оид ба таҷрибаи тоҷикон дар роҳи пешгирӣ ва рафъи бемории фалаҷи шадид мубодилаи афкор сурат хоҳад гирифт,- гуфт Сузанна Якаб.

Додоҷон Рӯзиев,
«Ҷумҳурият»


Баёни ақида (0)    Санаи нашр:    №:    Мутолиа карданд: 676

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед