logo

Хабарҳо

ОСОРИ МУҲАММАД ҒОИБ БО ЗАБОНИ РУСӢ

Тавассути нашриёти «Эр-Граф» китоби нави Шоири халқии Тоҷикистон Муҳаммад Ғоиб - «Преступление без наказания» («Ҷинояти беҷазо») рӯйи чоп омад. Ин китоб тарҷумаи як силсилаи асарҳои насрии шоир ба забони русӣ буда, 2 повест ва 15 ҳикояро фаро мегирад. Ба хонандаи зирак маълум аст, ки Муҳаммад Ғоиб ба ҷуз шоирӣ, инчунин, нависандаи драмаҳо, филмномаҳо, саҳнаҳои телевизионӣ ва роману ҳикояҳои хонданӣ ҳам, ҳаст.
 
Тарҷумонҳо Норӣ Раббимдухт, Азим Аминов, Комила Камолова ва Искандар Ҳамроқулов мебошанд. Китоб бо таҳрири мунаққид ва нависандаи чирадаст Абдураҳмони Абдуманнон ба дасти чоп расид.
Дар оғози китоб омадааст: «Повесту ҳикояҳои дар китоб ҷамъомада ба равшанӣ нишон медиҳанд, ки истеъдоди шоирӣ ба иншои осори насрӣ ба Муҳаммад Ғоиб хеле ёрдам карда, насри шоиронаро ба самар овардааст».
Муаллиф дар суҳбат бо мо изҳор дошт, ки яке аз сабабҳои ба забони русӣ тарҷума кардани асарҳо ба доираи васеи хонандагони кишварҳои Иттиҳоди Давлатҳои Мустақил ошно сохтани насри тоҷик аст.
Медонем, ки чанд сол пеш шоир бо Ҷоизаи Ассамблеяи байнипарлумонии Иттиҳоди Давлатҳои Мустақил ба номи Чингиз Айтматов қадр гардид.
- Ин ҷоиза маро вазифадор мекард, ки осори худро бо забони русӣ, ки забони муоширати кишварҳои ИДМ аст, пешниҳоди хонандагон гардонам. Дар нашри китоб, ки нашриёти «Эр-Граф» ҷавобгӯ ба талаботи байналмилалӣ интишор дод, маблағи ҷоиза истифода шуд. Ба ин восита, ганҷе, ки ба ивази ранҷи қалам ба даст омада буд, боз ҳам дар роҳи адабиёт сарф шуд, - изҳор медорад Муҳаммад Ғоиб.
Ёдовар бояд шуд, ки солҳои 90 - уми асри сипаришуда китоби бачагонаи шоир - «Савғо» бо теъдоди 30 ҳазор нусха бо забони русӣ нашр шуд.  Ҳамзамон, шеърҳояш дар ҷаридаи «Молодая гвардия», ки аз маъруфтарин нашрияҳои давр буд, дар баробари 5 шоири машҳуру ҷавони шуравӣ интишор ёфтааст. Яъне, пеш аз ин ҳам ин ном ба хонандагони русзабон ошно будааст. 
- Бознишастагӣ маро водошт, то асарҳои нимакораро пурра, дар нақшабударо рӯйи авроқ биёрам ва гуфтаниҳои ногуфтаро бигӯям. 
Барои дилхоҳ эҷодкор муҳимтарину муқаддастарин ҷоиза эътирофи мардум ва дар коғаз боқӣ мондани осори ӯст. Кош ин ҷоизаҳо ба навиштаҳои мо умри ҷовидона бахшида метавонистанд. Дар олам кам нестанд касоне, ки соҳиби ҷоизаву унвонҳо шудаанд, аммо имрӯз осорашонро камтар касон мехонанду медонанд. Ҷоизадорон Рӯдакиву Хайёму Бедилу Соиб буданд, ки номашон дар дилҳо бо ҳарфҳои заррин ҳаккокӣ шудаанд. Бо доштани унвонҳои баланд ранҷу машаққати эҷодӣ  меафзояду кам намешавад, зеро масъулият ва ҷавобгарӣ назди хонандаву эътирофи мардум даҳчанд мешавад, - афзуд муаллиф. 
Дар охири китоб чанд намуна аз шеърҳои ба миллату Ватан, модар, қаҳрамонфарзандони тоҷик бахшидаи шоир ва дар муқова зиндагиномааш низ оварда шудааст. Дар маҷмуъ, китоби «Преступление без наказания» («Ҷинояти беҷазо») дар муаррифии адабиёти мо дар хориҷи кишвар судманд мебошад.
 
Бузургмеҳри БАҲОДУР,
«Ҷумҳурият»


Баёни ақида (0)    Санаи нашр:    №:    Мутолиа карданд: 4828
29.06.2022


Густариши ҳамкорӣ бо Барномаи рушди СММ

"МАКТАБИ СИЁСИИ ПЕШВОИ МИЛЛАТ". КОНФРОНСИ БАЙНАЛМИЛАЛӢ ДАР БОХТАР

Путин дар саммити Хазар дар Ашқобод ширкат хоҳад кард

Ҷаҳон дар як сатр

Медали биринҷии Моҳрӯ аз ЧО

КӮШОНИЁН. ИФТИТОҲИ ПУЛ МУШКИЛИ СОКИНОНРО ҲАЛ КАРД

28.06.2022


СУҒД. СОЗИШНОМАҲОИ НАВИ ҲАМКОРӢ БА РУШДИ ВИЛОЯТ МУСОИДАТ МЕКУНАНД

«САДОИ АДИБОНИ ДУНЁ ДАР ВАСФИ ТОҶИКИСТОН». МУҲАББАТНОМАИ АДИБОНИ ДУНЁ БА ТОҶИКОН РӮИ ЧОП ОМАД

ТОҶИКИСТОН. ЗАРФИЯТҲОИ САЙЁҲӢ БА МАРДУМИ ОЛМОН МУАРРИФӢ МЕГАРДАНД

ХАТЛОН. ТАЪМИНИ ЁРИИ ҲУҚУҚӢ БА СОКИНОН

24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР

ШӮҲРАТ МУҲАММАДЗОДА: "САҲМИ СОҲИБКОРОН ДАР ОБОДОНИИ НОҲИЯ ТАВСЕА МЕЁБАД"

22.06.2022


Вазири корҳои хориҷӣ сафири Арабистони Саудиро ба ҳузур пазируфт

Лукашенко дар назди деҳқонон вазифаҳои нав гузошт

ҶАҲОН ДАР ЯК САТР

БОНКИ МИЛЛИИ ТОҶИКИСТОН. ТАШРИФИ ҲАЙАТИ ХБА РАВОБИТИ ДУҶОНИБАРО ТАҲКИМ МЕБАХШАД

«SOCIETY MAGAZINE». НАШРИ СИЛСИЛАМАҚОЛАҲО ДАР БОРАИ ТОҶИКИСТОН

20.06.2022


СҲШ. ДИПЛОМАТИЯИ ХАЛҚӢ БАРОИ ТАҲКИМИ ДӮСТӢ ХИДМАТ МЕКУНАД

17.06.2022


САЙЁҲӢ. ДОНИШҶӮЁНИ ТОҶИК ДАР АРАБИСТОНИ САУДӢ ТАҶРИБА МЕОМӮЗАНД

МАСТЧОҲ. БОЗДИДИ РАИСИ ВИЛОЯТ АЗ ҶАРАЁНИ КОРҲОИ ОБОДОНӢ

16.06.2022


НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ

14.06.2022


ХОРУҒ. МУСОДИРАИ СИЛОҲУ МУҲИМОТИ ҶАНГӢ АЗ ХОНАИ ДУ САРКАРДАИ ГУРӮҲИ ҶИНОЯТӢ

Эрдоган дар нишасти НАТО ният дорад мавқеи қатъии Туркияро дар масъалаи терроризм таъкид намояд

ҶАҲОН ДАР ЯК САТР

ДМТ. ИФТИТОҲИ БИНОИ НАВСОХТИ ДОНИШКАДАИ КОНФУТСИЙ

РОҒУН. 105 ИНШООТИ ҶАШНӢ БУНЁД МЕГАРДАД

13.06.2022


Путин ба муносибати Рӯзи Россия бар аҳамияти ваҳдат барои мардум таъкид кард

10.06.2022


30 корманди ДМТ соҳиби манзили истиқоматӣ шуд

СММ ислоҳоти сиёсӣ дар Қазоқистонро пуштибонӣ кард

ҶАҲОН ДАР ЯК САТР


Дар сомонаҳои дигари Тоҷикистон хонед