logo

туризм

“ШУМОН ТУР”. ФАРОҒАТИ ШУМО МАСЪУЛИЯТИ МОСТ!

Ширкати сайёҳии «Шумон Тур», воқеъ дар  деҳоти Деҳқонободи  шаҳри Ҳисор, яке аз агентиҳои сайёҳии фаъол ва пешрафта дар Ҷумҳурии Тоҷикистон ба ҳисоб меравад. Мақсади ширкат муаррифии имконияту зарфиятҳои сайёҳии Тоҷикистон ва ҷалби бештари сайёҳони дохилию хориҷӣ ба мавзеъҳои ҷолиби диққат мебошад. Ҳоло фаъолияти хизматрасонии ширкат ба самтҳои гунонун, аз ҷумла дар самти сайёҳии аграрӣ, экологӣ, шикор, кӯҳнавардӣ, табобатӣ, фарҳангӣ, таърихӣ, этникӣ- динӣ, маишӣ, кемпинг, зимистона ва сайёҳии обӣ, ба роҳ монда шудааст. 
Ширкати мазкур моҳи августи соли 2021 таъсис ёфта, бо вуҷуди навтаъсис будан дар ин муддат ба дастовардҳои назаррас ноил гардидааст. Дар ширкат айни ҳол 14 хатсайри дохилию хориҷӣ фаъолият дорад. 
Тавре Бахтовар Аминзода, роҳбари ширкати сайёҳии «Шумон Тур», иброз дошт, кормандони он ба сайёҳони дохиливу хориҷӣ аз рӯи завқу хоҳиш ҳамарӯза дар сатҳи баланд хизматрасонӣ менамоянд. Ҳамкории мо бо кишварҳои Ӯзбекистон, Қазоқистон, Қирғизистон, Эрон, Россия ва ҳавзаи кишварҳои арабӣ дар сатҳи баланд қарор дорад. Ширкат дорои имкониятҳои баланди хизматрасонӣ буда, сайёҳон дар меҳмонхонаҳои 3-4-5 - ситорадор, нақлиётҳои барҳаво ва бо таъмини амнияташон барои фароғат, фаро гирифта мешаванд. Кормандони ширкат бо забонҳои англисӣ, русӣ, арабӣ, туркӣ меҳмононро роҳбаладӣ менамоянд. Дар натиҷаи ҳамкориҳои мутақобилан судманд бо шарикони рушд бо кишварҳои хориҷа, аз ҷумла Ӯзбекистон, мо ба қабули сайёҳони ӯзбек даст ёфтем. Ҳамчунин,  хизматрасониро барои саёҳати шаҳрвандони  Тоҷикистон ба тамоми гӯшаву канори олам фароҳам меоварем. 
Самти сайёҳии дохилии ширкат мақбули мизоҷон буда, мавзеъҳои ҷолибу диданиро дар бар мегирад. Хатсайрҳои таърихӣ, аз қабили минтақаи Кӯлоб, Мир Сайид Алии Ҳамадонӣ, изи динозавр дар шаҳри Турсунзода, Ҳулбук, Чилдухтарон, Сари Хосор, хатсайрҳои аграрӣ - анорбоғи Норак, ангурбоғи минтақаи Турсунзодаву Шаҳринав, минтақаи боғҳои гелоси водии Ҳисор, сайёҳии обӣ – дараи Варзоб, Қайроқум, Ромит, Алмосии Ҳисор, Норак аз номгӯи минтақаҳои сайёҳии барои сайёҳон пешбинишуда мебошанд.  
Ҳамчунин, дар ширкат ташкили саёҳати дастаҷамъона бо фарогирии ашхоси гуногуни ҷомеа низ хеле рушд ёфтааст. Аз ҷумла, соли ҷорӣ ширкат тавонист якчанд сайёҳати гурӯҳиро ба мавзеи кӯҳию лижаронии “Сафед - Дара” роҳандозӣ намояд. Инчунин, тавассути нақлиёт хатсайри “Душанбеи афсонавӣ”- ро ташкил намуд, ки аз оғози соли равон то ба имрӯз дар ин масир беш аз 700 нафар хонанда аз мавзеъҳои ҷолиби пойтахти кишвар - шаҳри Душанбе дидан намуданд. 
Ширкати сайёҳии “Шумон тур” дар якҷоягӣ бо КВД “Маркази иттилоотию хизматрасонӣ дар соҳаи сайёҳӣ”-и Кумитаи рушди сайёҳии назди Ҳукумати Ҷумҳурии Тоҷикистон, КВД  “Роҳи оҳани Тоҷикистон” ва дастгирии Мақомоти иҷроияи ҳокимияти давлатии шаҳрҳои Душанбе, Ҳисор ва Турсунзода саёҳати дастаҷамъонаи муҳассилини шаҳри Душанберо ба роҳ монд. Ҳадаф аз роҳандозии ин иқдом баланд бардоштани ҳисси худшиносиву худогоҳӣ, арҷгузорӣ ба арзишҳои миллӣ ва тарбия намудани ҳисси зебоипарастӣ дар замири онҳо маҳсуб ёфта, ҳамчунин, тадбиқи сиёсати Ҳукумати мамлакат дар самти сайёҳӣ мебошад.  
Хатсайри “Душанбе - Ҳисор - Шаҳринав- Турсунзода” хусусияти табиию экологӣ ва таърихию фарҳангӣ дорад.  Дар ин масир аз оғози сол то ба имрӯз ба беш аз 600 нафар хизмат расонда шудааст.
Ширкати мазкур, ҳамчунин, бо ҷалби як қатор муассисаҳои таълимии шаҳру навоҳии мамлакат хатсайри “Душанбе-Норак-Данғара”-ро ташкил намуд. Тавассути ин хатсайр хонандагони боргоҳи илму маърифат аз мавзеъҳои табиию экологии шаҳри Норак боздид намуданд. Дар ҷараёни сайёҳат роҳбалад бо забони тоҷикиву русӣ вобаста ба таърихи пайдоиши шаҳр ва НБО “Норак” маълумоти ҷолибро пешниҳоди хонандагон гардонд. Дар ҷараёни сафар муҳассилини таълимии “Нури ирфон” ба Маҷмааи фароғатию фарҳангии “Хуррамшаҳр” омада, бо санъати баланди кандакорию меъмории ҳунармандони минтақа шиносоӣ пайдо намуданд. Сипас, сайёҳони наврас дастаҷамъона ба Осорхонаи мактабии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон ташриф оварда, аз рӯзгори гузашта ва ибратомӯзи Сарвари давлат шинос гардиданд. Роҳбалади осорхона ба хонандагон мизу курсӣ, лаҳзаҳои даврони мактабии Роҳбари мамлакатро нишон дод, ки сайёҳати мазкурро боз ҳам хотирмон намуд. Наврасон дигар минтақаҳои ҷолиби ноҳияи Данғараи вилояти Хатлонро низ тамошо намуда, бо хотироти нек ва бардошти хуб баргаштанд. 
- Дар оянда низ ташкилу баргузории чунин сайёҳатҳои дастаҷамъона бо ҷалби наврасону омӯзгорон ва дигар афроди ҷомеа баргузор хоҳад гардид. Ин иқдом имкон  медиҳад, ки маърифати мардум дар самти сайёҳӣ боло ва ҳисси ифтихору худшиносии сокинон баланд бардошта шавад, - мегӯяд Бахтовар Аминзода.
Матлубаи АБДУҚАҲҲОР, “Ҷумҳурият”


Баёни ақида (0)    Санаи нашр: 07.06.2022    №: 108    Мутолиа карданд: 449
29.06.2022


Густариши ҳамкорӣ бо Барномаи рушди СММ

"МАКТАБИ СИЁСИИ ПЕШВОИ МИЛЛАТ". КОНФРОНСИ БАЙНАЛМИЛАЛӢ ДАР БОХТАР

Путин дар саммити Хазар дар Ашқобод ширкат хоҳад кард

Ҷаҳон дар як сатр

Медали биринҷии Моҳрӯ аз ЧО

КӮШОНИЁН. ИФТИТОҲИ ПУЛ МУШКИЛИ СОКИНОНРО ҲАЛ КАРД

28.06.2022


СУҒД. СОЗИШНОМАҲОИ НАВИ ҲАМКОРӢ БА РУШДИ ВИЛОЯТ МУСОИДАТ МЕКУНАНД

«САДОИ АДИБОНИ ДУНЁ ДАР ВАСФИ ТОҶИКИСТОН». МУҲАББАТНОМАИ АДИБОНИ ДУНЁ БА ТОҶИКОН РӮИ ЧОП ОМАД

ТОҶИКИСТОН. ЗАРФИЯТҲОИ САЙЁҲӢ БА МАРДУМИ ОЛМОН МУАРРИФӢ МЕГАРДАНД

ХАТЛОН. ТАЪМИНИ ЁРИИ ҲУҚУҚӢ БА СОКИНОН

24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР

ШӮҲРАТ МУҲАММАДЗОДА: "САҲМИ СОҲИБКОРОН ДАР ОБОДОНИИ НОҲИЯ ТАВСЕА МЕЁБАД"

22.06.2022


Вазири корҳои хориҷӣ сафири Арабистони Саудиро ба ҳузур пазируфт

Лукашенко дар назди деҳқонон вазифаҳои нав гузошт

ҶАҲОН ДАР ЯК САТР

БОНКИ МИЛЛИИ ТОҶИКИСТОН. ТАШРИФИ ҲАЙАТИ ХБА РАВОБИТИ ДУҶОНИБАРО ТАҲКИМ МЕБАХШАД

«SOCIETY MAGAZINE». НАШРИ СИЛСИЛАМАҚОЛАҲО ДАР БОРАИ ТОҶИКИСТОН

20.06.2022


СҲШ. ДИПЛОМАТИЯИ ХАЛҚӢ БАРОИ ТАҲКИМИ ДӮСТӢ ХИДМАТ МЕКУНАД

17.06.2022


САЙЁҲӢ. ДОНИШҶӮЁНИ ТОҶИК ДАР АРАБИСТОНИ САУДӢ ТАҶРИБА МЕОМӮЗАНД

МАСТЧОҲ. БОЗДИДИ РАИСИ ВИЛОЯТ АЗ ҶАРАЁНИ КОРҲОИ ОБОДОНӢ

16.06.2022


НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ

14.06.2022


ХОРУҒ. МУСОДИРАИ СИЛОҲУ МУҲИМОТИ ҶАНГӢ АЗ ХОНАИ ДУ САРКАРДАИ ГУРӮҲИ ҶИНОЯТӢ

Эрдоган дар нишасти НАТО ният дорад мавқеи қатъии Туркияро дар масъалаи терроризм таъкид намояд

ҶАҲОН ДАР ЯК САТР

ДМТ. ИФТИТОҲИ БИНОИ НАВСОХТИ ДОНИШКАДАИ КОНФУТСИЙ

РОҒУН. 105 ИНШООТИ ҶАШНӢ БУНЁД МЕГАРДАД

13.06.2022


Путин ба муносибати Рӯзи Россия бар аҳамияти ваҳдат барои мардум таъкид кард

10.06.2022


30 корманди ДМТ соҳиби манзили истиқоматӣ шуд

СММ ислоҳоти сиёсӣ дар Қазоқистонро пуштибонӣ кард

ҶАҲОН ДАР ЯК САТР


Дар сомонаҳои дигари Тоҷикистон хонед