logo

Хабарҳо

НОҲИЯИ ФИРДАВСӢ. БА ТАРБИЯИ ҲУҚУҚӢ ВА ПЕШГИРИИ ҚОНУНШИКАНӢ ТАВАҶҶУҲИ БЕШТАР ЗОҲИР МЕГАРДАД

 
- Истифодаи ғайриқонунии замин, ғасби худсарона ва бе иҷозатнома сохтани бино аз мушкилоти мубрамест, ки дар ноҳияи Фирдавсии шаҳри Душанбе ҳам, ба назар мерасад. Гузашта аз ин, ҳолатҳои харидуфурӯши ғайриқонунии замин ва хонаҳои истиқоматӣ низ нигаронии ҷиддиро ба бор овардаанд. Шахсони мардумфиреб аз надоштани саводи кофии ҳуқуқии шаҳрвандон истифода бурда, замин ва хонаҳоро бе тартиб додани ҳуҷҷатҳои лозима ё қалбакӣ мефурӯшанд, ки ин ҳолатҳо муроҷиати шаҳрвандонро ба мақомоти ҳифзи ҳуқуқ зиёд намудааст.
Ин матлаб зимни ҷаласаи навбатии Шурои ноҳиявии мутобиқсозию методӣ оид ба таълим ва тарбияи ҳуқуқии шаҳрвандони назди раиси ноҳияи Фирдавсӣ аз ҷониби прокурори ноҳия Фаррух Абдулқодирзода баён гардид. 
Дар ҷаласа нахуст Фатҳиддин Усмонзода, раиси ноҳияи Фирдавсӣ баромад намуда, иброз дошт ки Шуро соли 2013 таъсис ёфта, ҳамчун мақоми машваратии байниидоравӣ фаъолияти мақомоти ҳифзи ҳуқуқ, шуъбаю бахшҳои мақомоти иҷроияи ҳокимияти давлатии ноҳия, кумитаю идораҳои давлатӣ, ташкилотҳо, муассисаҳо ва васоити ахбори оммаро оид ба тарбияи ҳуқуқии шаҳрвандон мутобиқ месозад. 
Прокурори ноҳия Фаррух Абдулқодирзода, зимни баромади худ, ҳамчунин, гуфт, ки сатҳи ҷинояткорӣ дар ноҳия тамоюли болоравӣ дорад. Дар 5 моҳи соли равон 518 ҷиноят сабт шудааст, ки дар қиёс ба ҳамин давраи соли гузашта 52 ҳолат зиёд мебошад. Мутаассифона, ҳолатҳои ҷиноят дар миёни ноболиғон низ ҷой доранд. Зиёд шудани худкушӣ ва суиқасд ба худкушӣ дар байни ноболиғон аз масъалаҳои дигаре буд, ки мавриди нигаронии амиқ қарор гирифт. Прокурори ноҳияи Фирдавсӣ бо мисолҳои мушаххас ҳолатро арзёбӣ намуда, аз аъзои Шуро, раисони маҳаллаҳо, имомхатибон, нозирони минтақавӣ, директорони мактабҳо, котибони комиссия оид ба ҳуқуқи кӯдак даъват ба амал овард, ки барои пешгирии ин омили номатлуб чораҳои таъхирнопазир андешида шаванд. Дар баробари дигар тадбирҳо, корҳои фаҳмондадиҳӣ миёни сокинон густурда роҳандозӣ гардад.
Сафаралӣ Довудзода, муовини сардори шуъбаи-1 Вазорати корҳои дохилӣ дар ноҳияи Фирдавсӣ, гуфт, ки новобаста аз он ки аз ҷониби кормандони мақомоти милитсия дар бахши сохтмон, меъморӣ ва замин корҳои муайяне амалӣ мегарданд, вале афзоиши ҳуқуқвайрокунии маъмурӣ дар ин самт ташвишовар боқӣ мемонад. Мубориза бар зидди ҷиноятҳои вобаста ба замин бештар ба нозирони минтақавӣ вогузор шудааст. Дар се моҳи соли ҷорӣ аз ҷониби нозирони минтақавии ШВКД – 1 дар ноҳияи Фирдавсӣ барои истифодаи замин бе ҳуҷҷатҳои тасдиқкунандаи ҳуқуқи истифодаи он, риоя накардани қоидаҳои бино, иншоот, худсарона сохтани объектҳои таъиноташон гуногун, аз ҷумла хонаҳои истиқоматӣ, 29 протоколи ҳуқуқвайронкунии маъмурӣ тартиб дода шудааст.  
Ба иттилои Баҳовуддин Сафарзода, муовини сардори ШВКД – 2 дар ноҳияи Фирдавсӣ, дар натиҷаи гузарондани санҷишҳо давоми панҷ моҳи соли ҷорӣ нисбат ба 23 шаҳрванд барои риоя накардани истифодаи замин ва бе ҳуҷҷатҳои тасдиқкунанда худсарона сохтани бино протоколҳои ҳуқуқвайрокунии маъмурӣ тартиб дода шудаанд. 
Аз рӯи масълаи дуюми рӯзномаи Шуро Шодимурод Аловиддинзода, муовини якуми раиси ноҳия, ҳамзамон, раиси Комиссия оид ба қонунигардонии дороиҳо дар назди Мақомоти иҷроияи ҳокимияти давлатии ноҳияи Фирдавсӣ вобаста ба фаъолияти комиссия гузориш дод. 
Пас аз баррасии масъалаҳои рӯзномаи Шурои ноҳиявии мутобиқсозию методӣ оид ба таълим ва тарбияи ҳуқуқии шаҳрвандони назди раиси ноҳияи Фирдавсӣ қарорҳои дахлдор қабул гардид. 
 
Маҳмуд МИРЗОЁН, «Ҷумҳурият»


Баёни ақида (0)    Санаи нашр:    №:    Мутолиа карданд: 4119
29.06.2022


Густариши ҳамкорӣ бо Барномаи рушди СММ

"МАКТАБИ СИЁСИИ ПЕШВОИ МИЛЛАТ". КОНФРОНСИ БАЙНАЛМИЛАЛӢ ДАР БОХТАР

Путин дар саммити Хазар дар Ашқобод ширкат хоҳад кард

Ҷаҳон дар як сатр

Медали биринҷии Моҳрӯ аз ЧО

КӮШОНИЁН. ИФТИТОҲИ ПУЛ МУШКИЛИ СОКИНОНРО ҲАЛ КАРД

28.06.2022


СУҒД. СОЗИШНОМАҲОИ НАВИ ҲАМКОРӢ БА РУШДИ ВИЛОЯТ МУСОИДАТ МЕКУНАНД

«САДОИ АДИБОНИ ДУНЁ ДАР ВАСФИ ТОҶИКИСТОН». МУҲАББАТНОМАИ АДИБОНИ ДУНЁ БА ТОҶИКОН РӮИ ЧОП ОМАД

ТОҶИКИСТОН. ЗАРФИЯТҲОИ САЙЁҲӢ БА МАРДУМИ ОЛМОН МУАРРИФӢ МЕГАРДАНД

ХАТЛОН. ТАЪМИНИ ЁРИИ ҲУҚУҚӢ БА СОКИНОН

24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР

ШӮҲРАТ МУҲАММАДЗОДА: "САҲМИ СОҲИБКОРОН ДАР ОБОДОНИИ НОҲИЯ ТАВСЕА МЕЁБАД"

22.06.2022


Вазири корҳои хориҷӣ сафири Арабистони Саудиро ба ҳузур пазируфт

Лукашенко дар назди деҳқонон вазифаҳои нав гузошт

ҶАҲОН ДАР ЯК САТР

БОНКИ МИЛЛИИ ТОҶИКИСТОН. ТАШРИФИ ҲАЙАТИ ХБА РАВОБИТИ ДУҶОНИБАРО ТАҲКИМ МЕБАХШАД

«SOCIETY MAGAZINE». НАШРИ СИЛСИЛАМАҚОЛАҲО ДАР БОРАИ ТОҶИКИСТОН

20.06.2022


СҲШ. ДИПЛОМАТИЯИ ХАЛҚӢ БАРОИ ТАҲКИМИ ДӮСТӢ ХИДМАТ МЕКУНАД

17.06.2022


САЙЁҲӢ. ДОНИШҶӮЁНИ ТОҶИК ДАР АРАБИСТОНИ САУДӢ ТАҶРИБА МЕОМӮЗАНД

МАСТЧОҲ. БОЗДИДИ РАИСИ ВИЛОЯТ АЗ ҶАРАЁНИ КОРҲОИ ОБОДОНӢ

16.06.2022


НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ

14.06.2022


ХОРУҒ. МУСОДИРАИ СИЛОҲУ МУҲИМОТИ ҶАНГӢ АЗ ХОНАИ ДУ САРКАРДАИ ГУРӮҲИ ҶИНОЯТӢ

Эрдоган дар нишасти НАТО ният дорад мавқеи қатъии Туркияро дар масъалаи терроризм таъкид намояд

ҶАҲОН ДАР ЯК САТР

ДМТ. ИФТИТОҲИ БИНОИ НАВСОХТИ ДОНИШКАДАИ КОНФУТСИЙ

РОҒУН. 105 ИНШООТИ ҶАШНӢ БУНЁД МЕГАРДАД

13.06.2022


Путин ба муносибати Рӯзи Россия бар аҳамияти ваҳдат барои мардум таъкид кард

10.06.2022


30 корманди ДМТ соҳиби манзили истиқоматӣ шуд

СММ ислоҳоти сиёсӣ дар Қазоқистонро пуштибонӣ кард

ҶАҲОН ДАР ЯК САТР


Дар сомонаҳои дигари Тоҷикистон хонед