logo

Хабарҳо

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ

 
Дар доираи раёсати Ӯзбекистон дар Созмони ҳамкории Шанхай ҷаласаи 15-уми Шурои ҷавонони СҲШ баргузор гардид. Дар ҷаласа намояндагони Тоҷикистон, Ӯзбекистон, Покистон, Ҳиндустон, Қазоқистон, Қирғизистон, Чин ва Россия иштирок карда, масъалаҳои зиёди марбут ба беҳбуди шароит ва имконият барои роҳандозии фаъолиятҳои доманфарохи ҷавононро матраҳ намуданд. Аз Тоҷикистон як гурӯҳ таҳти раёсати муовини раиси Иттифоқи ҷавонон Умед Раҳимзода ширкат кард. 
Ҷан Мин, Дабири кулли СҲШ, зимни суханронии онлайнӣ таъкид варзид, ки СҲШ бо фаъолияти пурсамари худ дар байни созмонҳои бонуфузи ҷаҳонӣ яке аз ҷойҳои намоёнро ишғол мекунад. Пахши коронавирус ғайр аз он ки пешрафти иҷтимоиву иқтисодӣ ва саломатии одамони зиёдро ба бунбасти ҷиддӣ мувоҷеҳ намуд, ба ҷавонон низ аз нигоҳи ҷисмонӣ ва равонӣ таъсири манфӣ расонд. Онҳо натавонистанд фаъолияти худро дар соҳаҳои гуногун муваффақона идома диҳанд. Аз сӯи дигар, танишҳо дар минтақаҳои гуногуни олам, афзоиши таҳдиди терроризм, гардиши ғайриқонунии маводи мухаддир ва ҷинояткории муташаккил низ аз омилҳое мебошанд, ки барои дар вақти муқарраршуда баргузор шудани ҷаласаи ҷавонон мушкил эҷод намуд.
Дабири кулли СҲШ афзуд, ки ҷавонони кишварҳои аъзои СҲШ ба дастгирии Ҳукумат ва созмонҳои давлативу ғайридавлатӣ хеле ниёз доранд. СҲШ ҳамеша ба ҷавонон ҷиҳати тавсеаи фаъолиятҳояшон таваҷҷуҳи вижа зоҳир мекунад. Ба таври мисол, сарварони давлатҳои аъзои СҲШ соли 2018 дар нишасти Синдао ба унвони ҷавонон муроҷиатномаи муштарак қабул карданд. Инчунин, 17 сентябри соли 2021 дар шаҳри Душанбе як ҳуҷҷати консептуалӣ ба имзо расид, ки маҳз ба ҷавонон нигаронда шудааст. 
- Агентии мо дар ҳамкорӣ бо Вазорати корҳои хориҷии кишварамон бори нахуст дар байни ҷавонони соҳибкори кишварҳои аъзои СҲШ озмуни стартап баргузор намуд. Ба озмун 2 ҳазор лоиҳа пешниҳод гардид. Чунин тарзи кор имкон фароҳам меоварад, ки ҷавонон дар фазои СҲШ бо сармоягузорони варзида бевосита вориди мулоқот мешаванд ва дар онҳо барои татбиқи лоиҳаҳо, тавсеаи фаъолиятҳояшон такони ҷиддӣ ба амал меояд. Мо бояд барои ташкили мусобиқаҳои интелектуалии байни ҷавонон аз таҷрибаҳои Чин ва Ҳиндустон фаровон истифода кунем, - гуфт раиси Агентии кор бо ҷавонони Ӯзбекистон Алишер Саъдуллоев.
Гуфта шуд, ки солҳои ахир муваффақтарин шатранҷбозони ҷаҳон аз кишварҳои узви СҲШ баромадаанд, барои ҳамин дар чаҳорчӯбаи Шурои ҷавонони СҲШ роҳандозии мусобиқаҳои шоҳмот ба мақсад мувофиқ аст. 
Алишер Саъдуллоев дар ин замина изҳор кард, ки агар ҳамтоёнаш пешниҳоди ӯро дастгирӣ кунанд, Ӯзбекистон чунин мусобиқаҳои нахустинро ташкил мекунад.
- Роҳандозии озмуни лоиҳаҳо-стартап дар миёни ҷавонони кишварҳои аъзои СҲШ мусоидат хоҳад кард, ки онҳо барои инкишоф додани фаъолиятҳои соҳибкорӣ маҳорату малакаи худро санҷанд. Зеро он ғояҳои навро ба вуҷуд меорад ва ҷиҳати татбиқи он майдони васеъ фароҳам мекунад, - гуфт муовини раиси Иттифоқи ҷавонони Тоҷикистон Умед Раҳимзода.
Мавсуф тазаккур дод, ки дар фазои СҲШ 3,2 миллиард аҳолӣ зиндагӣ мекунад ва 55 дарсади онҳоро ҷавонон ташкил менамоянд. Аз ҷумла, дар Тоҷикистон ҳудуди 9 миллион аҳолӣ ба сар мебарад, ки бештар аз 70 дарсади онҳо ҷавононанд.
- Президенти Ҷумҳурии Тоҷикистон муҳтарам Эмомалӣ Раҳмон ташкилу таъсиси чорабиниҳои гуногуни ҷавононро дар сатҳи ҷумҳурӣ ва байналмилалӣ ҳамеша дастгирӣ мекунанд. Бар ин асос, ҷавонони кишвар метавонанд аз имкониятҳои беҳтару бештар бархӯрдор бошанд. Бо дарки маънӣ ҷавонони тоҷик талош ба харҷ медиҳанд, ки дар пешрафти иқтисодиву иҷтимоӣ ва фарҳангии ҷумҳурӣ саҳми калон гузоранд,- изҳор намуд Умед Раҳимзода.
Дар доираи ин нишаст марҳилаи ниҳоии озмуни «Unicorns ShHT: Беҳтарин лоиҳаҳои стартапи байни ҷавонони СҲШ» натиҷагирӣ шуд. Ин озмун бо ташаббуси ҷониби Ӯзбекистон таъсис ёфтааст. Дар он аз ҳамаи кишварҳои аъзои СҲШ ҷавонони боистеъдод ширкат карданд. Ба гуфтаи дастандаркорон маблағи умумӣ 100 ҳазор доллари амрикоиро ташкил кард ва дар он даҳ нафар ба сифати ғолиб эътироф шуданд. 
- Як қатор сармоягузорон барои рағбатнокии ҷавонони боистеъдоди кишварҳои аъзои СҲШ, ки ба фаъолиятҳои соҳибкорӣ шавқ доранд, аз 50 то 100 ҳазор доллари амрикоӣ ихтисос хоҳанд дод, - гуфт яке аз масъулони роҳандозии ин озмун Меъроҷ Ориён.
Дар охир Барномаи ҳамкориҳои СҲШ дар бахши ҷавонон барои солҳои 2022-2023 ба тасвиб расид.
 
Мирасрор АҲРОРОВ, “Ҷумҳурият”, шаҳри Тошкент


Баёни ақида (0)    Санаи нашр:    №:    Мутолиа карданд: 2620
29.06.2022


Густариши ҳамкорӣ бо Барномаи рушди СММ

"МАКТАБИ СИЁСИИ ПЕШВОИ МИЛЛАТ". КОНФРОНСИ БАЙНАЛМИЛАЛӢ ДАР БОХТАР

Путин дар саммити Хазар дар Ашқобод ширкат хоҳад кард

Ҷаҳон дар як сатр

Медали биринҷии Моҳрӯ аз ЧО

КӮШОНИЁН. ИФТИТОҲИ ПУЛ МУШКИЛИ СОКИНОНРО ҲАЛ КАРД

28.06.2022


СУҒД. СОЗИШНОМАҲОИ НАВИ ҲАМКОРӢ БА РУШДИ ВИЛОЯТ МУСОИДАТ МЕКУНАНД

«САДОИ АДИБОНИ ДУНЁ ДАР ВАСФИ ТОҶИКИСТОН». МУҲАББАТНОМАИ АДИБОНИ ДУНЁ БА ТОҶИКОН РӮИ ЧОП ОМАД

ТОҶИКИСТОН. ЗАРФИЯТҲОИ САЙЁҲӢ БА МАРДУМИ ОЛМОН МУАРРИФӢ МЕГАРДАНД

ХАТЛОН. ТАЪМИНИ ЁРИИ ҲУҚУҚӢ БА СОКИНОН

24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР

ШӮҲРАТ МУҲАММАДЗОДА: "САҲМИ СОҲИБКОРОН ДАР ОБОДОНИИ НОҲИЯ ТАВСЕА МЕЁБАД"

22.06.2022


Вазири корҳои хориҷӣ сафири Арабистони Саудиро ба ҳузур пазируфт

Лукашенко дар назди деҳқонон вазифаҳои нав гузошт

ҶАҲОН ДАР ЯК САТР

БОНКИ МИЛЛИИ ТОҶИКИСТОН. ТАШРИФИ ҲАЙАТИ ХБА РАВОБИТИ ДУҶОНИБАРО ТАҲКИМ МЕБАХШАД

«SOCIETY MAGAZINE». НАШРИ СИЛСИЛАМАҚОЛАҲО ДАР БОРАИ ТОҶИКИСТОН

20.06.2022


СҲШ. ДИПЛОМАТИЯИ ХАЛҚӢ БАРОИ ТАҲКИМИ ДӮСТӢ ХИДМАТ МЕКУНАД

17.06.2022


САЙЁҲӢ. ДОНИШҶӮЁНИ ТОҶИК ДАР АРАБИСТОНИ САУДӢ ТАҶРИБА МЕОМӮЗАНД

МАСТЧОҲ. БОЗДИДИ РАИСИ ВИЛОЯТ АЗ ҶАРАЁНИ КОРҲОИ ОБОДОНӢ

16.06.2022


НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ

14.06.2022


ХОРУҒ. МУСОДИРАИ СИЛОҲУ МУҲИМОТИ ҶАНГӢ АЗ ХОНАИ ДУ САРКАРДАИ ГУРӮҲИ ҶИНОЯТӢ

Эрдоган дар нишасти НАТО ният дорад мавқеи қатъии Туркияро дар масъалаи терроризм таъкид намояд

ҶАҲОН ДАР ЯК САТР

ДМТ. ИФТИТОҲИ БИНОИ НАВСОХТИ ДОНИШКАДАИ КОНФУТСИЙ

РОҒУН. 105 ИНШООТИ ҶАШНӢ БУНЁД МЕГАРДАД

13.06.2022


Путин ба муносибати Рӯзи Россия бар аҳамияти ваҳдат барои мардум таъкид кард

10.06.2022


30 корманди ДМТ соҳиби манзили истиқоматӣ шуд

СММ ислоҳоти сиёсӣ дар Қазоқистонро пуштибонӣ кард

ҶАҲОН ДАР ЯК САТР


Дар сомонаҳои дигари Тоҷикистон хонед