logo

Хабарҳо

НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

 
Дар Мақомоти иҷроияи маҳаллии ҳокимияти давлатии ноҳияи Фирдавсӣ ҷаласаи Шурои ҳамоҳангсозии мақомоти ҳифзи ҳуқуқи ноҳия бо иштироки сардорони шуъбаҳои мақомоти ҳифзи ҳуқуқ, инчунин, имомхатибон, раисони маҳаллаҳо ва роҳбарони муассисаҳои таълимӣ баргузор гардид. Дар ҷаласа, асосан, се масъала, аз ҷумла татбиқи Стратегияи муқовимат бо экстремизм ва терроризм барои солҳои 2021 – 2025, арзу шикояти шаҳрвандон ва баррасии онҳо, инчунин татбиқи Қонуни Ҷумҳурии Тоҷикистон “Дар бораи мубориза бар зидди коррупсия” баррасӣ шуд.
Тавре раиси шуро, прокурори ноҳия Фарух Абдулқодирзода қайд намуд, терроризм ва экстремизм аз рӯи миқёс ва оқибатҳои худ аз ҷиддитарин таҳдидҳои ҷаҳони муосир маҳсуб ёфта, амнияти инсониятро таҳти хатар гузоштааст. Дар ҳоле ки ҳамагӣ чанд сол қабл созмонҳои террористӣ танҳо нақшаи тасарруфи қудратро дар кишварҳои алоҳида доштанд. Имрӯз онҳо нияти забти ҳокимиятро дар қитъаҳои бузурги олам ва бунёди империяи сиёсӣ доранд. Омилҳои ин тағйирот азнавтақсимшавии қудрат байни созмонҳои террористӣ маҳсуб меёбанд. 
Созмонҳои амалкунандаи террористии минтақа ба монанди «Ҳизби Исломии Туркистон», ҷамоати «Ансоруллоҳ», «Ал-Қоида» ҳаракати «Толибон», «Давлати Исломии Ироқу Шом» дар ҷараёни мубориза бар зидди терроризм то андозае саркӯб шудаанд. Меҳвар ва ғояи сиёсати ин ташкилотҳои террористӣ-экстремистиро идеологияи экстремистии «Салафия» ташкил дода, дар минтақаҳо барои ноором сохтани вазъи сиёсии ин ё он кишварҳо, аз ҷумла ба Тоҷикистон, таҳдид ва хатари ҷиддӣ доранд. 
Шарофиддин Давлатзода, ёрдамчии калони прокурори ноҳия, иброз дошт, ҳолате, ки имрӯз боиси ташвиш ва нигаронӣ аст, ин фаъолияти тахрибкоронаи ташкилотҳои террористӣ-экстремистии «Ҳизби наҳзати ислом», «Паймони миллии Тоҷикистон» ва иттиҳодияи экстремистии «Гурӯҳи 24» буда, дар талоши истифода аз фазои маҷозӣ, яъне интернет пахш намудани ғояҳои ифротӣ миёни аҳолӣ ва бо ин мақсад, паст задани нуфузи Тоҷикистон дар арсаи байналмилалӣ мебошанд.
- Ҳодисаҳои охири ҷаҳон, аз қабили ғасби ҳокимият аз ҷониби «Толибон» дар Афғонистон ва кӯшиши табаддулоти давлатӣ дар Ҷумҳурии Қазоқистонро аъзои ин ташкилотҳои террористӣ ҷонибдорӣ намуда, амалӣ гардондани чунин ғаразҳоро дар Тоҷикистон низ доранд. Мисоли ин гуфтаҳоро дар сар задани бетартибиҳои оммавӣ дар Вилояти Мухтори Кӯҳистони Бадахшон фаъолияти тахрибкоронаи террористӣ дидан мумкин аст. Аз ин лиҳоз, мо кормандони мақомоти ҳифзи ҳуқуқ ва дигар ниҳодҳои муҳофизи давлатиро зарур аст, ки дар ҳамбастагӣ ва ҳамкорӣ фаъолиятро ҷиддитар намоем, - гуфт Шарофиддин Давлатзода.
Саодат Шукурзода, муовини раиси ноҳия, қайд кард, ки Мақомоти иҷроияи маҳаллии ҳокимияти давлатии ноҳияи Фирдавсӣ бо мақсади иҷрои Стратегияи миллии Ҷумҳурии Тоҷикистон оид ба муқовимат ба экстремизм ва терроризм барои солҳои 2021 – 2025 қарори раиси ноҳия дар бораи тасдиқи нақша-чорабиниҳо  таҳия гардида, як қатор тадбирҳои судманд ва чораҳои мушаххаси таъсиррасонӣ андешида шудаанд. Дар робита ба иҷрои санадҳои қабулгардида ҳамасола тибқи нақшаи муштарак бо донишҷӯёну хонандагон ва сокинони шаҳраку маҳаллаҳо ҷиҳати риояи талаботи қонунҳои амалкунанда суҳбату вохӯриҳо гузаронда мешаванд.
- Зикр кардан ба маврид аст, ки аз 108 сокини ноҳия, ки дар кишварҳои хориҷӣ барои гирифтани таълимоти ғайриқонунии динӣ ҷалб гардидааст, бо гузарондани вохӯриҳо бо волидони онҳо то имрӯз 107 нафараш ба Ватан баргардонда шуд, - иброз дошт Саодат Шукурзода. 
 
Комрон САФАР, «Ҷумҳурият»
 


Баёни ақида (0)    Санаи нашр:    №:    Мутолиа карданд: 4019
29.06.2022


Густариши ҳамкорӣ бо Барномаи рушди СММ

"МАКТАБИ СИЁСИИ ПЕШВОИ МИЛЛАТ". КОНФРОНСИ БАЙНАЛМИЛАЛӢ ДАР БОХТАР

Путин дар саммити Хазар дар Ашқобод ширкат хоҳад кард

Ҷаҳон дар як сатр

Медали биринҷии Моҳрӯ аз ЧО

КӮШОНИЁН. ИФТИТОҲИ ПУЛ МУШКИЛИ СОКИНОНРО ҲАЛ КАРД

28.06.2022


СУҒД. СОЗИШНОМАҲОИ НАВИ ҲАМКОРӢ БА РУШДИ ВИЛОЯТ МУСОИДАТ МЕКУНАНД

«САДОИ АДИБОНИ ДУНЁ ДАР ВАСФИ ТОҶИКИСТОН». МУҲАББАТНОМАИ АДИБОНИ ДУНЁ БА ТОҶИКОН РӮИ ЧОП ОМАД

ТОҶИКИСТОН. ЗАРФИЯТҲОИ САЙЁҲӢ БА МАРДУМИ ОЛМОН МУАРРИФӢ МЕГАРДАНД

ХАТЛОН. ТАЪМИНИ ЁРИИ ҲУҚУҚӢ БА СОКИНОН

24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР

ШӮҲРАТ МУҲАММАДЗОДА: "САҲМИ СОҲИБКОРОН ДАР ОБОДОНИИ НОҲИЯ ТАВСЕА МЕЁБАД"

22.06.2022


Вазири корҳои хориҷӣ сафири Арабистони Саудиро ба ҳузур пазируфт

Лукашенко дар назди деҳқонон вазифаҳои нав гузошт

ҶАҲОН ДАР ЯК САТР

БОНКИ МИЛЛИИ ТОҶИКИСТОН. ТАШРИФИ ҲАЙАТИ ХБА РАВОБИТИ ДУҶОНИБАРО ТАҲКИМ МЕБАХШАД

«SOCIETY MAGAZINE». НАШРИ СИЛСИЛАМАҚОЛАҲО ДАР БОРАИ ТОҶИКИСТОН

20.06.2022


СҲШ. ДИПЛОМАТИЯИ ХАЛҚӢ БАРОИ ТАҲКИМИ ДӮСТӢ ХИДМАТ МЕКУНАД

17.06.2022


САЙЁҲӢ. ДОНИШҶӮЁНИ ТОҶИК ДАР АРАБИСТОНИ САУДӢ ТАҶРИБА МЕОМӮЗАНД

МАСТЧОҲ. БОЗДИДИ РАИСИ ВИЛОЯТ АЗ ҶАРАЁНИ КОРҲОИ ОБОДОНӢ

16.06.2022


НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ

14.06.2022


ХОРУҒ. МУСОДИРАИ СИЛОҲУ МУҲИМОТИ ҶАНГӢ АЗ ХОНАИ ДУ САРКАРДАИ ГУРӮҲИ ҶИНОЯТӢ

Эрдоган дар нишасти НАТО ният дорад мавқеи қатъии Туркияро дар масъалаи терроризм таъкид намояд

ҶАҲОН ДАР ЯК САТР

ДМТ. ИФТИТОҲИ БИНОИ НАВСОХТИ ДОНИШКАДАИ КОНФУТСИЙ

РОҒУН. 105 ИНШООТИ ҶАШНӢ БУНЁД МЕГАРДАД

13.06.2022


Путин ба муносибати Рӯзи Россия бар аҳамияти ваҳдат барои мардум таъкид кард

10.06.2022


30 корманди ДМТ соҳиби манзили истиқоматӣ шуд

СММ ислоҳоти сиёсӣ дар Қазоқистонро пуштибонӣ кард

ҶАҲОН ДАР ЯК САТР


Дар сомонаҳои дигари Тоҷикистон хонед